r/JoblessUnemployed

[removed]

اهلا باختصار جربت أشياء كثيره وكان عندي طموح كبير لكن بعد كوفيد سحبوا على توظيف العقود وخرب كل شي معي ماصرت القى اي وظيفه رغم انه معي ماستر انجلش الان الصناديق الدعم تقول حسب العمر ما عاد نوظف و لا دكتوراه ابتعاث ولا اي شي لان الوقت يمشي ويعتبرون ماعندي خبره كل مايصير عندي طموح ينقتل احس انه نوعا ما يمكن أنا السبب يعني مهاراتي الاجتماعيه سائت و هكذا ابغى شي يملاء حياتي بهدف رزق طبيعي زي الناس 😭 احب اقراء واكتب في المجالات الثقافيه بس مافيها رزق

تخرجت قبل 4 شهور بكالوريوس ذكاء اصطناعي، كاره التخصص والبرمجه وكل حاجه متعلقه فيه لاحظت كرهي له بنهاية دراستي فماكان فيه فرصه اغير التخصص

ضغط الاهل مهول على اني القى وظيفه والمشكله الاكبر ينتظروني اكون الموظف المثالب اللي الشركات بتتهاوش عليه لن تخصصي كويس، ولا علمتهم اني كاره ابو التخصص واتمنى لو اعيد الزمن وادخل شيء مختلف

اسمع بناس كثير توظفوا بشيء ماله علاقه بتخصصهم، سؤالي كيف هالشيء يصير؟ اذا مب قادرين نلقى وظايف بتخصصاتنا اللي معنا شهادات لها وش بيخلي شخص يوظفني وظيفه محترمه بشيء مالي شهاده او خبره فيه

عمري ٢٥ و ما توظفت من قبل بسبب مشاكل و اسباب كثير سواء عائليه أو ماديه و عندي شهادة ثانوي و مختبر قدرات و ستيب و نسبي ممتازه فيهم .. هل فيه وظائف للناس اللي مثلي ؟ لأن مو طبيعي اختفت الوظايف ولا وش؟

فيه شغل متاح بتنفذ باوربوينت وورد و اكسيل وبروبوزال وابحاث وخرائط ذهنيه وملخصات عايز حد يكون شاطر وبيفهم فيهم ويكون شغله حلو الى حابب يشتغل يكلمنى أو يسيب ماسدج

مدخل بيانات وين القى ذي الوظيفه غالبا لأن ماشوف اي اعلان لها والي قد اشتغل كيف قدم وايش يطلبون من مهارات

عندي مقابله اليوم اونلاين الساعه ١٠:٣٠ الصباح وانا مداوم حالياً ومدري وش انسب عذر اني اطلع من مكاني لمدة نص ساعه فقط اخلص المقابله والصدق اني حريص على كل فرصه تجيني محد يدري وين رزقه بالضبط
وش نصايحكم وكيف اصرف ذولا عشان انجز المقابله ذي

والله حزين ياناس اليوم استاذنت من دوامي وسويت المقابله وبنص المقابله احتر الجوال وطلعني من الاتصال جلست ادور مكيف احط الجوال عنده مثل المهبول والله ياهي توجع
الجهه ذي ابيها وسعيت لها بكل ما املك وفجأه يحتر جوالي واول مره يصير له كذا ولا مره صار لجوال معي كذا
الحمدلله على كل حال😞😞😞😞😞

مرحبا شباب بنات انا قاعد افكر من فتره طويله و متشتت الصراحه هل اختبر ولا قدرات لانه في المعاهد و الوظايف القويه مثل العسكريه بأشكال كلها و الوظايف القويه و مسار واعد في بعضها يطلب الاثنين قدرات و الايلتس كثير يطلب قدرات و انا جبت ٤٦ و كنت منصدم عبالي الوظايف تطلب التقنية فقط و للاسف كثير قدمت على وظايف مانقبلت انا قاعد افكر يا اما اروح مسار واعد و اختبر ستيب علشان اضمن اني بتوظيف وظيفه عدله شنهو رايكم هل اختبر ولا اسحب عليه لأنه الصراحه انا متشتت اخوي يقول لا تختبر ركز على الستيب و انا اقدم كلها مهمه انا حاط في راسي الوظايف القويه شنهو رايكم باختبار ستيب ولاكن بعد القدرات هل اختبر ولا؟ ،و انا بكمل دراستي عن بعد

أنا صراحة يضايقني كثير كيف إن فيه سعوديين اليوم يقولون إن الحكومة ما وفرت لهم وظائف، ويلومون الحكومة، وبعدها يروحون تيك توك وينزلون مقاطع ويقعدون يهاجمون أي أجنبي يشوفونه على الإنترنت عنده وظيفة في السعودية. فيه شيء أشوف إننا كسعوديين لازم نتقبله ونكون صريحين مع أنفسنا فيه: مو كل شخص مناسب له عالم الشركات. مو كل واحد لازم يكون موظف في شركة، وهذا شيء طبيعي. المشكلة مو بالضرورة إن ما فيه وظائف. الحقيقة إننا كسعوديين مرينا بنظام تعليمي، خصوصًا المدارس والجامعات، ما كان دائمًا يجهزنا بالشكل اللي يخلي الواحد ينافس في سوق العمل الجديد.
ولي العهد الأمير محمد بن سلمان، من خلال قيادته وتطويره لمنظومة صندوق الاستثمارات العامة، فتح لنا فرص وظيفية بشكل كبير جدًا، خصوصًا في القطاع الخاص وعالم الشركات، سواء مع شركات سعودية أو شركات عالمية دخلت السوق السعودي. لكن المشاريع اللي قاعدين نبنيها اليوم مشاريع ضخمة وعلى مستوى عالمي، وهذه المشاريع تحتاج ناس مؤهلين فعلًا، عندهم أساس قوي، ومهارات حقيقية، ويفهمون في التطور والنمو وكيف يشتغلون في بيئة احترافية.
للأسف، كثير من الخريجين السعوديين اليوم جايين من نظام تعليمي تركيزه الأكبر على الاختبارات والدرجات، لدرجة إن بناء المهارات الحقيقية والتطبيق العملي صار شيء ثانوي. وهذا يرجعني لنفس النقطة: عالم الشركات مو مناسب للجميع. وبرضه ما نقدر نتوقع إن الحكومة تستمر تدفع رواتب عالية جدًا لوظائف ما تضيف قيمة حقيقية، أو إن الواحد يجلس على مكتب طول اليوم وما يسوي شيء وبنهاية الشهر يستلم راتب. هذا الزمن قاعد يتغير.
وفوق هذا كله، السعودية فتحت ملايين الفرص للي يبغى يبدأ مشروعه أو يؤسس شركة ناشئة. وأي شخص عنده فهم حقيقي في البزنس يعرف إن فيه فرص موجودة للسعوديين تحديدًا، فرص كثير من غير السعوديين ما عندهم نفس إمكانية الوصول لها. ولو استغليتها بالشكل الصحيح، ممكن تبني ثروة تمتد لأجيال وتغير وضعك ووضع عائلتك بالكامل. لكن من اللي أشوفه، كثير ما عندهم استعداد يبذلون الجهد الإضافي، والكل يبي وظيفة مريحة على مكتب، بدون ضغط، وبدون ما يكون له تأثير أو قيمة حقيقية.
وبكل صراحة، بلدنا قاعد يتطور للأفضل، والفرص اللي قدامنا اليوم مختلفة تمامًا عن قبل. وبالنهاية بيكون فيه ناس بيحققون نجاح بشكل ما كنا نتخيله، لأنهم فهموا المرحلة واستغلوا الفرص واشتغلوا على أنفسهم. يا إنك تتحرك وتلحق بهالناس وتكون من بينهم، يا إنك بتتأخر وتلقى نفسك تدور على وظيفة ونظام عمل أساسًا ما عاد موجود بنفس الشكل.

اليوم دخلنا اكتوبر ومر علي شهر عاطلة
سويت مقابلة وحدة تمهير ووصلت اخر مرحلة ولا سمعت رد
ومقابلة وحدة بالتليفون ولا جاني رد بعدها
وفرصة من شخص كبير وقال لي برسلك ايميل بالمقابلة ولا سمعت شيء
والباقي رفض الكتروني
وهذي نتيجة تقديم من شهور (اقدم من يوم كنت اتدرب)
هل الوضع كذا للابد؟
لاني كنت مرتاحة اول اسبوعين .. الحين الموضوع بدأ يلمسني شوي، بديت احس بوقع العطالة علي
هل فيه أمل؟
هل الوظيفة شيء حقيقي؟
هل عمري بتوظف؟ ولا بقعد زي ما أنا للأبد
مرفوضة.

السلام عليكم ورحمة الله وبركاته انا ملاحظ كمية قنوط من رحمة الله و عدم ايمان و توكل على الله من الناس مخيفة يا اخوان اتعلمون ترتيب الخلق؟ خلق الله الماء ثم العرش ثم القلم و قال اكتب، فقال القلم رب ماذا اكتب، فقال سبحانه و تعالى مقادير كل شيء حتى تقوم الساعة، يا اخوان انتم ايضا يكتب رزقك من اول ما تنفخ فيك الروح مع عملك و أجلك و شقي ام سعيد

اعلموا يا اخوان ان الرزق ما عمره كان بيد انسان و ان ربك قال في حديثه القدسي (يا عِبادي، لو أنَّ أوَّلَكُم وآخِرَكُم وإنسَكُم وجِنَّكُم كانوا على أتقى قَلبِ رَجُلٍ واحِدٍ مِنكُم، ما زادَ ذلك في مُلكي شيئًا، يا عِبادي، لو أنَّ أوَّلَكُم وآخِرَكُم وإنسَكُم وجِنَّكُم كانوا على أفجَرِ قَلبِ رَجُلٍ واحِدٍ ما نَقَصَ ذلك مِن مُلكي شيئًا، يا عِبادي، لو أنَّ أوَّلَكُم وآخِرَكُم وإنسَكُم وجِنَّكُم قاموا في صَعيدٍ واحِدٍ فسَألوني، فأعطَيتُ كُلَّ إنسانٍ مَسألَتَه، ما نَقَصَ ذلك ممَّا عِندي إلَّا كما يَنقُصُ المِخيَطُ إذا أُدخل البحر) و قول الرسول عليه السلام لغلامه انس بن مالك (وَاعْلَمْ أَنَّ الأُمَّةَ لَوْ اجْتَمَعَتْ عَلَى أَنْ يَنْفَعُوكَ بِشَيْءٍ لَمْ يَنْفَعُوكَ إِلاَّ بِشَيْءٍ قَدْ كَتَبَهُ الله لَكَ، وَلَوْ اجْتَمَعُوا عَلَى أَنْ يَضُرُّوكَ بِشَيْءٍ لَمْ يَضُرُّوكَ إِلاَّ بِشَيْءٍ قَدْ كَتَبَهُ الله عَلَيْكَ، رُفِعَتِ الأَقْلَامُ وَجَفَّتِ الصُّحُفُ)

اشوف الناس ما شاء الله عندها شهايد و جامعة محترمة و مرتبة شرف و خبرة بمكان بس اذا ربك ما كتب لك الوظيفة والله لو تجيب اقوى واسطة مافي كلمة بعد كلمة سبحانه و تعالى و بعضهم ما عنده نص موهلاتك لكن ربي شاء له الوظيفة الان

اتمنى تفهمون ان بعض الاحيان القضية مهي مؤهلات بل هي امر رباني و السبب لا يعلمه إلا ربي و اتمنى نتعض قليلا من قصة يوسف عليه السلام التي ذكرت بأنها احسن القصص في القران حيث ان ربه امتحنه بفتنة امرة العزيز و رغم اتباعه الحق الا انه سجن فوق ال ١٠ سنين و رغم انه أخبر صاحبه الي بيسقي الملك عن وضعه الا انه نساه ايضا بضع سنين و في الأخير اتضح خيرة الامر و اعز الله يوسف و جعله خازن اموال مصر

طيب وش الحل؟ جدد النية و تذكر ان سعيك مو بس معلق بتقديم من لنكدن او indeed بل حاول تقوم الليل و تصوم و تدعي، و خلك كمثل المؤمن الذي أمره كله خير اذا أُعطي شكر و اذا ابتلي صبر، فهو كاسب اجر في الحالتين و تذكر ان مشكلتك الي هي الوظيفة مهي كبيرة على ربك، ربك الي لو كانت الدنيا تسوى جناح بعوضة ما شرب فيها كافر، زكريا عليه السلام يوم بُشر بالولد قال رب كيف يكون لي ولد و زوجتي عقيم و انا شيخ كبير؟و رد ذو الجلالة كان (هو علي هين) امر الوظيفة و ان كبر همه عليك الا انه هين عند رب العالمين و لكن يوخره الرب لعلمه و حكمته فيخوان لا تقنطوا من رحمة الله فلا يقنط الا الضالين و اختم كلامي ب كما بداته جددوا النية

اقسم بالله غلطان اللي يعتمد على الناس في الوظيفة، ولا حتى تعتمد على نفسك، اذا ما يسرها ربك والله بتجلس امورك ما بتمشي

اعتقد حياتي المهنية توقفت خلاص كان التدريس اخر امل بالنسبة لي وحتى هالامل اختفى
ما ادري والله هل يعني محلوف علينا ما نتوظف ؟ معقولة عددنا كمواطنين مهول جدًا لدرجة الواحد يتوهق في توظيفنا عشان كذا يصعبون الامور ولا ايش
الله يضيق على وزارة التعليم و وزارة الموارد البشرية في قبورهم قد ما ضيقوا علينا في حياتنا يا شيخ

أحتاج مساعدتكم، لو تعرفون أي جهة كويسة في الرياض أو القصيم يحتاجون حديثة تخرج (تخرجت هذه السنة) تخصص قانون الأولى على دفعتي، ومعدلي 4.97/5 مرتبة الشرف الاولى، وعندي شهادات احترافية ولغة انجليزية وتطوع وبرامج مع مؤسسة مسك، وتدربت خبرة بشركة حكومية كبيرة وممتازة بالرياض بالإدارة القانونية وحوكمة الشركات (هم استقطبوني) والتدريب كان على مستوى عالي وشغل صح، والفترة الماضية كنت ماشية مع اجراءات توظيف جهة حكومية كبيرة سيادية وحساسة وصعب القبول فيها جدًا، ومع ذلك قدرت انهي المراحل كلها اختبارات ومقابلات وكل شيء بس ربي ما كتب للأسف توقيع العقد معهم، فلو توجد عنده فرصة لي بكون شاكرة لكم 🙏🏼

هل تزبط معنا اخيرا؟؟؟

هذا ما سنعرفه

السلام عليكم بقول لكم وشو وضعي الحين ابي لو كنت مكاني شتسوي او شتسوين!

وظيفتي تركتها بسبب ظروف صحية ولا استحق تقاعد طبي
مع شهادة محاسبة وخبره في شركة كبيره ( دايركت هاير )
ماحبيت تخصص لاني كنت ابي اسوي العاب بس وقتها مافي تخصص ذا ولا طلعت امريكا تقول الحمدلله خيره ان شاء الله
الحين تقريبًا الي معي لو بصفي كل شي تقريبًا ٢٠٠ الف ريال فقط لا غير وبديت في مشروع تقريبًا بيكلف ١٠٠ الف ريال و للحين ما خلص المشروع طيب السؤال الي يطرح نفسه المشاريع ممكن تنجح و ممكن تخسر حاليًا اعتبر عاطل و بدون مصدر دخل افكر لو ارجع ادرس شي احبه بس لنفسي self education لاني ماتوقع اقدر اتوظف حتى لو دخلت جامعة عمري ٣٣ و التوظيف عندنا سيء من ناحية القبول و الشروط افكر ادرس Machine learning بس مدري هل يستاهل ؟ كثير يقولون الوضع سريع يعني ماراح تلحق او بتطلع بدون فايده هذا اول فكره اني ادرس بس مدري وشو الوضع و لو بشتغل بيكون لنفسي بكون باحث في المجال وبحاول اسوي مشاريع وأعرضها للأجانب عندهم القبول أسهل إذا عندك شي له قيمة هنا ربعنا اول شي بيسأل عنه ليه في قاب في السي ڤي حقك ، الفكره الثانيه ارجع للقيمنق و ابث مع انه شي يعتبر غير مستقر و بكون جديد حرفيًا احس مخي معلق الحين لازم اركز على المشروع صح واعطيه حقه بس لو عندي وقت فراغ ٤ ساعات وشو اسوي فيها العمر ذا ربكه إذا ماضبط معك شي في الاغلب في الباي باي 😵‍💫!