r/JoblessUnemployed

انا اشتغل اخصائيه تسويق وطالبين مني ازيد التقييمات بقوقل ماب لمعهد تعليمي .. احد يعرف كيف ازيدها بشكل نظامي ؟ تعبت وانا احاول ارفع التقييم ولا يرتفع !

كيف تعرفون احتمالية قبولكم إذا المقابلة عاديه ومافيها أي توضيح اذا بتنقبل او لا وقصيرة مو مره طويله وكم المده اللي المفروض يردون علي فيها وهل لازم يردون بعد المقابله ولا الصمت علامه الرفض؟
الف سؤال ههههههههه

وظيفة هندسية تشترط بنت ليش !!!!

لست توظيف البنات و فيهن كفاءات لكن لما تحصرها فيهن و تشترطها فالاعلان هنا شي يثير الريبة !!

https://preview.redd.it/tnktq5h45ckh1.png?width=799&format=png&auto=webp&s=644d17d1c29ebc2561119941817932aee09dfe95

انا** بالرياض وين احصل موقع او حسابات تنزل بشكل مستمر عن وظايف ****؟**

اهلًا
بعد فترة مريرة من العطالة منّ علي ربي حبيبي من فضله ورزقني وظيفة في شركة محلية حليوة تبعد عن بيتي ٣٥-٤٠ دقيقة والآن أنا في فترة التجربة

بعد شهر من الوظيفة حصلت على عرض تدريب في شركة عالمية لها اسمها "تدريب بنفس مسماي الوظيفي الحين براتب ٤٠٠٠ او ٥٠٠٠ و تامين صحي" لمدة ٦ شهور بعيدة عن بيتي يعني نقول ٤٠-٥٠ دقيقة

في اول اتصال طلبت مني الـHR اعرف عن نفسي بشكل بسيط باللغة الانقليزية و بعد ما خلصت قالت ممتاز.. بننسق معك مقابلة قريب، توقعت يسحبون "تمنيت يسحبون عشان ما اندم " و لكن بعد اسبوعين رجعت تتصل و تقول مقابلتك بكرة في موقع الشركة 🥰 قلت ما يناسب .. قالت مو مشكلة نخليها virtual

بس أنا وقتها كنت أسوق و متقروشة و رفضضضضضت العرض و قلت برشح لكم احد من زميلاتي اذا تسمحين.. هي طبعًا قالت منّا مشكل عطينا احد و عطيتهم رقم زميلة لي

و الآن بعد ما رجعت البيت طقتني الغلقة لان افكر شقد كان اسمهم بيقوي السيفي و ممكن اسم الشركة يخليني بعد الله اطلع لشركات عالمية بشكل اسرع

.. شرايكم انتم؟

الان انا انقبلت تمهير في شركة تقنية و معي مقابلة الاسبوع الجاي بس انا مسجل في الاكاديمية اللوجستية اللي هو التدريب المبتدئ بالتوظيف و خلصت اختبارين معاهم و منتظر منهم المقابلة, وش تنصحون اسوي الان؟

أنا حاب أشرح المشكلة (من وجهة نظري) بشكل أكبر قبل لا أتكلم عن الحل
لأني ملاحظ إن الأغلب ماعنده تصور كامل عن وضع سوق العمل وتغيب عنه معلومات جوهرية

من وجهة نظري إن سوق العمل مشوه ويحتاج تصحيح:
نسبة الأجانب في سوق العمل (تقريباً 80%) نسبة استثنائية وماهي موجودة في كل دول العالم ماعدا دول الخليج.
اغلب ذي العمالة قليلة التكلفة.

وهذا سبب تفضيل الشركات للأجنبي:
تكلفة أقل+ظروف عمل صعبة
حول 88% من الأجانب راتبهم تحت 4000
والقطاع الخاص قطاع ربحي يدور الربح بطرق قانونية

هذي مب فقط يخلق منافسة غير عادلة بين السعودي الي يعيش بوضع الاقتصاد الحالي ويطلب راتب يناسب وضع المعيشة
وبين الأجنبي الي يعيش بأقل تكلفة ويحاول يجمع أكبر رأس مال
ممكن ويرسله برا لأن الراتب القليل يعتبر ثروة في بلده

لكن حتى لو توظف السعودي فهو غالباً ذو راتب متدني. حول 75% من السعوديين راتبهم تحت 9000+وسيط رواتب 5000 (50% تحت ذا الرقم).

من وجهة نظري إن القطاع الخاص يكون كله مواطنين هو الحل الوحيد والايجابي لصالح الاقتصاد:
-راح يرفع من وسيط الرواتب
-يزيد كفاءة الخدمات
-يخلق وظايف ممتاز بأعداد تناسب المواطنين
-يرفع اجمالي الناتج المحلي
وغيرها من ايجابيات.

أستراليا أحد الأمثلة الواقعية على كلامي. عدد سكانهم 20 مليون ووسيط رواتبهم 15000 ريال بالشهر والمواطنين اغلبية بسوق العمل.

الحل؟ نبدأ بتقليل الاستقدام+رفع تكلفته مبدئياً
بتقتصر التأشيرات على الخبرات النوعية فقط
الهدف النهائي: يكون سوق العمل 75% منه مواطنين أو أكثر

تكلفة الاستقدام في أمريكا للـH1B (تأشيرة العمل للكفاءات) 100 ألف دولار وهذا غير الحد السنوي 65 ألف تأشيرة في السنة.

مرهق من اجرأت القبول بما اني مالقيت وظيفه ليش ماكمل بس مرهق مرة لدرجه ماودي حتى ادخل احط بياناتي ماودي اخذ اختبارات تساعد على القبول لانه ادري انه فيها منافسه ورفض

ودي بس احط بيانات عاديه ويقببلوني بفلوس ليش مافيه جامعات مثل كذا للي وده يكمل يدرس بدون بلبله

مافيه جامعات مثل كذا

مثلا عامل نظافة أو منسق ارفف..

تشتت و انهيار نفسي بسبب مافي مصدر دخل ثابت تستحي انك تطلب من أهلك عشان طلعة مع اخوياك و كأنه في احط يحط حجر كبير على صدرك فجأة تستوعب قول الله تعالى ﴿وَفِي السَّمَاءِ رِزْقُكُمْ وَمَا تُوعَدُونَ ۝ فَوَرَبِّ السَّمَاءِ وَالْأَرْضِ إِنَّهُ لَحَقٌّ مِثْلَ مَا أَنَّكُمْ تَنْطِقُونَ﴾ تصبر و تحتسب الأجر الله المستعان

من اللي قرر ان المقابلات تصير الضحى "اول الصبح".
يعني غير المغص وام الركب اللي تجيني قبلها من الفشل فوقها نوم، يعني عندك ١٦ ساعه بعد...

عاد قد دخلت بسبع مقابلات طيلة الثلاث سنين بالعطاله، وكلها كانت فشل بسبب عائق النوم، طبعا لان قبلها انواع التفكير من الليل لين الفجر، وانواع التخطيط والدراسه عشانه شي مصيري، عشان اجي سبع او حتى ست الصبح واقابل واحد ذو مستوى رفيع "خباز انا ؟".

هذا اللي خلاني اجيب العيد فيها، وحتى اللي حوالي من اللي قدموا الظاهر مبتلشين بنفس الموضوع ههههههههههه.

طبعا قلت الحكي ذا عشان عندي مقابله بعد بكره إن شاء الله، وزين انهم حاطين وقت ازين "قبل العصر"، هنا مخي يصحصح لهم مب ست كني رايح للطابور.

ياجماعة انا تخصصي علم اجتماع وعندي رخصة اخصائي وخبرة كل المستشفيات و الجهات الي اقدم عليها مافيها رد ولا احتياج تمام؟
المهم اني قبل فترة قعدت اتدرب تمهير في مستشفى و الاخصائي الاجتماعية ا لي موجودة اساساً تخصصها مو على اجتماع ولا حتى خدمة اجتماعية واسالها اذا في احتياج تقول حالياً مافي بس لو في بكلمك لين مابعدين اكتشفت ان معظم الي يشتغلون بذا المجال اساساً تخصصاتهم ماله علاقة
يعني معقولة كل هالمستشفيات و كل المدارس و الجهات ماقدرو يوظفون اخصائي اجتماعي حقيقي؟

عمري ٢٢ وباقي لي ٤٠ ساعه واتخرج بتخصص سيئ جدا واغلب الدفعات الي قبلي عاطلين بشكل مرعب وصدت قروب دفعه متخرجه من ٢٠١٩ بلغلط وكلهم شكاوي من الناحيه الوظايف وانا ناوي العسكريه ودي اضبط جسمي قبلها بس الجامعه بتقروشني السؤال هل انسحب وازبط وضعي ولا اكمل بالجامعه

التخصص بكليه الزراعه🔴