الفرص والعمل فالمكان الغير مرغوب به
ما بقيت مكان ما سعيت فيه الحمدلله واخر مكان رحت له هو اخر مكان كنت ابغاه لأني اعرف طبيعة عملهم والمقابل المادي كم بيكون وشيء مجحف والله
انا تمريض طوارئ وماسك الRR وغالب الوقت الميل سايد مع RR الدوام ثمان ساعات على الورق والواقع تسع ساعات على بال ما يجي احد يستلم منك وسوالف واخذ وعطا ولا مريض يجي فالاخير ولازم تسوي كل شيء يبغاه لأنك في "خاص" والراتب 6000 والجدول اقسم بالله اقبح جدول يمر عليك زي الشهر ذا دمار مورنق شفت بعدها نايت ثلاث ايام بعدها مورنق يومين بعدها بي ام اسبوع والاوف اللي ينحط من نايت لنايت تنام تقوم تداوم لأنك مرهق ما تنام الليل وماهو اوف كامل اصلاً مستحيل انه 24hr اقسم بالله ارهاق نفسي وجسدي بس بنفس الوقت جالس افكر واقول اصبر لين تفتح الغامضه لعل وعسى تفتح ولا يفتحون المستشفيات العسكريه اي شيء فيه ريحة حكومي ويقبل كثير مع ان السيفي حقي جداً كويس مدري وش احط فيه بعد عشان انقبل وغير كذا عندنا حاطين الاستقبال بعد ما يمر علينا المريض وكل شوي تذكر المريض يروح يدفع وان لازم تدفع عشان ابدا معك اقسم بالله كني اشحذه مدري من متى في وصفنا الوظيفي شحذة الدفع وتنحط بمواقف محرجه وسيئه لأن شغلتي رعايه طبيه وصحيه لا اكثر ولا اقل مب محصل مالي لأن صح اول شهر قلت بتعايش واتأقلم بس والله انكتمت عجزت اتأقلم
عموماً احتاج شور احد فاهم وعارف وش اسوي والله بديت احس بكمية ضغط مهوله ارهقتني