u/lxama

أحتاج مساعدتكم، لو تعرفون أي جهة كويسة في الرياض أو القصيم يحتاجون حديثة تخرج (تخرجت هذه السنة) تخصص قانون الأولى على دفعتي، ومعدلي 4.97/5 مرتبة الشرف الاولى، وعندي شهادات احترافية ولغة انجليزية وتطوع وبرامج مع مؤسسة مسك، وتدربت خبرة بشركة حكومية كبيرة وممتازة بالرياض بالإدارة القانونية وحوكمة الشركات (هم استقطبوني) والتدريب كان على مستوى عالي وشغل صح، والفترة الماضية كنت ماشية مع اجراءات توظيف جهة حكومية كبيرة سيادية وحساسة وصعب القبول فيها جدًا، ومع ذلك قدرت انهي المراحل كلها اختبارات ومقابلات وكل شيء بس ربي ما كتب للأسف توقيع العقد معهم، فلو توجد عنده فرصة لي بكون شاكرة لكم 🙏🏼

اللي سبق تواصلوا عبر لينكدان مع دايركتر القسم اللي يبيه، هل فاد فعلاً وردوا عليكم وطلعتوا بنتيجة؟ (اتكلم عن الفترة الحالية، لان في السنوات السابقة وضع سوق العمل ونفوس الناس كانت أفضل والواحد عنده استعداد يسعى لغيره لو كان يستاهل) بس هالفترة السوق سيء ومحد عنده استعداد يساعدك حتى لو انك تستاهل وغيرها من الاسباب

فاللي يشوف الطريقة مجدية في هذه الفترة وشاف منها نتيجة ياليت يقول ولا ما ينصح فيها؟

وبعدين يعني مع إجراءات التوظيف العشوائية والاتش ار غير المهنيين؟ جايني ومكلمني بنفسك استقطاب وتسوي معاي ٣ مقابلات وتخليني أتكلف واسافر عشانكم دام وصلت المقابلة النهائية الثالثة أقلها عطني رد! وبعدين بعد مرور شهرين يجيك مسؤول ثاني من الشركات اللي تبحث لهم يستقطبك لنفس الشركة وهم ما ردوا للحين علي! ولما تجي تتواصل مع المسؤول الاول بالشركة نفسها تتابع عن الفرصة يشوف رسالتك بلينكدان بنفس الدقيقة ولا يرد عليك! ممكن ممكن اتفهم لو أنا مقدمك عليكم ولا اول مقابلة ولكن تخلوني اوصل المقابلة الثالثة والأخيرة وانتم مستقطبيني وتاركيني كذا من فترة وحتى رفض أو قبول لما اتابع معكم مستخسر ترد علي! قلة مهنية واحترافية وعدم احترام مو على الشركة نفسها وإنما قلة مروءة ورخامة من المسؤول نفسه

من أسوأ إلى أسوأ وهذا وهو فيه ضوابط من الوزارة تمنع هالشيء 😂

احتاج مشورتكم عن وضعي، أنا خريجة حديثة تخصص القانون ومعدلي 5/5 والأولى على مستوى الدفعة كاملة، وعايشة في منطقة ما فيها فرص بس مع ذلك ونظرًا لتميزي استقطبوني شركة حكومية قوية بالرياض اتدرب عندهم، وتدربت لمدة ٩ اشهر، وصار لي شهرين ثلاث كذا تقريبًا تخرجت، والحين انتهى التدريب وكون ما عندهم شواغر ابد (فعليًا ما عندهم وهالشيء مؤكد بعد المحاولات) وسبحان الله ربي ما كتب اتوظف عندهم على اني تميزت بالفعل وكنت مرة شاطرة بكلام الجميع، المهم تغربت عن اهلي وانا لا زلت ادرس بالجامعة عشان هالفرصة التدريبية على مكافأة ٣٠٠٠ ورحت للرياض، مستوعبين قد ايش كافحت بنت وبالرياض وعايشة بشقة صغيرة ولحالي والله اعلم بغيرها من التضحيات وعندي جامعة بس عشان أوصل لطموحاتي المهنية وشغف التعلم والتطوير اللي بلقاه بالشركة الحكومية هذي! وتوقعت الصراحة بنتهي بالتوظيف عندهم ولكن للأسف ما هي برزقي حاول مديري والتيم بجميع الطرق ولا فيه شواغر نهائي وأمور داخلية مالي علاقة فيها، والحين رجعت لمدينتي وما صار لي اسبوع بس إلا ان الدنيا ضايقة فيني وقاعدة اسعى بكل الطرق للتوظيف بشركات وجهات كويسة، وش حلولكم لان تعودت اشتغل وروتين الشغل من فترة طويلة واحس الحين شعور غريب وخايفة من المستقبل للامانة.