إختيار الكلية
اعرف ان احنا الأشخاص الوحيدين الي نكدر ناخذ هذا القرار بس احتاج نصيحة
ماعرف شنو اختار كلية، اني من دفعة ٢٠٢٦ ومعدلي يقبل اي كليات هندسية وانت نازل وما قدمت العام لان حسيت ممتأكدة ابدا من اختياري، بطبيعتي شخص يميل للفنون وعندي شغلات ثانية تاخذ وقتي ككونسبت ارتست ومصممة بس مستحيل افوت اي كلية فنون مو بسبب السمعة لكن افضل اتعلم وحدي واتوقع اي شخص يعرف شلون دراسة الفن بجو اكاديمي غالبا يقتل الابتكار ويدخلك جو مسموم
اسفة على الاطالة، حسب خبرتكم شنو افضل؟ عندي خيار ادخل هندسة معماري وهو الأقرب لهوايتي وممكن اشتغل بيه بس حتاخذ وقت هواي من تقدمي وشغلي الحالي (تخصص يرضي الاهل، صرف اكثر ووقت اكثر)، أو ادخل اي تخصص مياخذ وقت وممهتمة بيه حتى اوفر وقت فراغ اكثر مثل هندسة بيانات اي شي (ميرضي الاهل ومو ناوية اخذ بيه خطوة ابعد بالمستقبل) واذا اكو تخصص ثاني تقترحوه على راسي