u/Felex3149

مشفتش من الأنمي ده إلا 3 حلقات لسه بس هكمله بعدين المهم أنه وصل فكرة حلوة أوي و عجبني و أتمنى ناس كتير تتفرج عليه خصوصا المسلمين

الأنمي ده في الحلقة 2 تقريبا بيتكلم عن إن في بنت اسمها نانا تمام و هي كانت عايشة حياة في الريف و كده و قررت تسافر وتروح المدينة عشان تشتغل المهم هي تقريبا مكانتش بتتعامل مع رجال في حياتها فأي راجل بتشوفه بتحبه من أول نظرة أو هي عموما تفكيرها ايه عن الرجال تفكيرها إن الراجل و الست مينفعهوش يكونوا أي حاجة الا حبايب او بينهم علاقة جنسية يعني لو كلمت واحد يبقى كده خلاص هيزنوا و فتفكيرها ان الرجال تفكيرهم كده برضو وان التعامل معاهم لكده بس

المهم ان البنت دي كانت بتحب الرجالة الكبار فبداية ذهابها اصلا للمدينة كان في واحد اكبر منها بكتير كانت متعرفة عليه و كده و هو سافر قبلها فراحتله المهم قعدت اول يوم معاه و عملوا علاقة جنسية و بعدين تاني يوم هو راح الشغل و كان متفق معاها انها هتنزل تدور على شغل و سكن و كده بس هي قعدت تنضف شقته و تطبخ و كان في بالها انهم متجوزين وهيعيشوا حياة سعيدة فرجع من الشغل وقالها هو انتي جاية عشان تنضفي و تطبخي انتي منزلتيش تدوري على شغل ليه فزعلت منه و كده متوقعتش انه هيعاملها كده بس هو عموما مكنش عاوزها تقعد معاه هو عاوزها تشوفلها سكن و تعمل الي جاية عشانه مش تزني معاه المهم العلاقة دي مكملتش و بعدين حبت راجل تاني كان اكبر منها بكتير هي كانت شغالة في مطعم وشافته و من اول نظرة حبته برضو وهو جالها كام مرة يشوفها و اتعرفوا وكده و زنوا مع بعض و كان بيستغلها كان عنده حبيبة اصلا و كان بيجيلها يعمل معاها علاقة كتير لشهور كتير بيجيلها دايما و هي مكنتش حاسة منه بأي حب المهم مكملتش العلاقة دي بس العلاقة دي بالذات جرحتها اوي المهم كان عندها صديقة و صديقتها دي كانت عارفة عن نانا كل علاقاتها و عارفة شخصيتها

المهم صديقتها كان عندها صحاب ولاد لان صديقتها عاقلة و بتتعامل معاهم عادي بدون مشاعر المهم واحد من صحاب صديقة البنت نانا اول ما شافته كالعادة حبته فالمهم صحبتها اتكلمت معاها و كده وكانت بتنصحها و انا شايفة الكلام الي هتقوله ده هو الفايدة الي طلعت بيها من الحلقة وجاية اقولهالكم المهم قالتلها انتي مش اي حد تشوفيه لازم تحبيه وكده انا شفت الحلقة من زمان فمش فاكرة التفاصيل معرفش هي نانا سألتها الاول قالتلها انتي ليه عندك صحاب ولاد ولا هي مسألتش المهم قالتلها ازاي يعني مش اي واحد اشوفه احبه او ابصله بنظرة الجنس قالتلها لازم تتعاملي مع الراجل "كإنسان"ساعتها اي راجل هتشوفيه هيبقى عادي بالنسبالك مش لازم تكونوا حبايب

بصيله كإنسان كصديق وخلاص متتصنعيش قدام الرجال خليكي على طبيعتك و اتعاملي عادي و هزري كإنها واحدة صاحبتك عاملية كإنسان وخلاص المهم البنت فعلا طبقت الكلام ده بس البنت دي غبية اوي هتطبقه غلط المهم فعلا قعدت مع الولاد دول يوم وفضلت تتكلم وتضحك وشربت معاهم وفضلت تحكيلهم مواقف كتير و حكتلهم عن علاقاتها وكده بس لما جات عند الراجل الي استغلها قعدت تعيط كتير اوي اوي المهم هي نامت بعدها و اليوم خلص المهم يعني انها كانت اول مرة في حياتها تضحك اصلا مع ولاد بطريقة طبيعية بدون تفكير تاني المهم بقى ان الولد الي كانت هي اعجبت بيه فالبداية الي هو صاحب صحبتها هو كمان طلع بيحبها فالمهم للاسف لمحلها كتير ومعبرتهوش مع انه كان هيبقى مناسب معاها اوي و مش كبير و مش هيستغلها للجنس بس زي علاقاتها القديمة بس هي غبية قعدت تقول احنا صحاب هي بتطبق الكلام الي يتقالها من غير تفكير طبقت نصيحة صحبتها وخلاص

وبس باي اتمنى الانمي ده المسلمين يتفرجوا عليه و يحاولوا يطبقوه و يبصوا للمرأة انها انسان بس و انا متأكدة هتستفادوا لان الي سمعته عن الانمي ده انه بيتكلم عن العلاقات وانا ناوية اكمله ولو استفدت حاجة تاني هبقى احكيلكم

المهم عاوزة انزل البوست ده في صب مسلمين اعمل ولا لا انا بس حاساهم ممكن يستفادوا قولولي عموما انزله فين ولا منزلش خالص و انتوا كفاية