عرفت ان عندي ما قبل السكري
المضحك اني دكتور أصلا و المفروض بنصح الناس بالصح و ازاي يتجنبوا الوصول للمرحلة دي و أنا كل فترة بحب اعمل check على نفسي كده ببص لقيت السكر التراكمي ٦ و دي للي ميعرفش فاضل .٤ بس و يبقى عندي سكر
اللي كان مخليني شاكك ان من شهر كده طالعلي بطن و جناب شكلهم وحش فشخ أنا بقالي فترة مبوظ في الاكل بس متوقعتش كده خالص خاصة اني طول عمري رياضي و معايا بطولات بوكس و أوزاني في الشيل في الجيم كبيرة بس بسبب الشغل طبعا و المشاغل و كده مبقتش منتظم زي زمان
طبعا شكلي في اللبس بقا زفت مش عارف انزل في الشارع انا ناس كتير عرفاني و دايما في الويك اند كنت بخرج في كافيهات و بنسهر و كده و الحمدلله كان من كتر ما كنت شيك في اللبس و ملفت كان دايما كله بيبص عليا و يبقى عايز يكلمني كده
دلوقتي مش عايز انزل الشارع و مش عايز حد يشوفني مش عارف اجيب لبس جديد و اكتئبت مش عارف اروح شغل حتى ولا ليا نفس اعمل اي حاجة في الدنيا طبعا سبب ده غير الاكل هو الكورتيزول لاني مضغوط جدا بقالي فترة كبيرة من كذا حاجة في حياتي
طبعا بدأت دايت بس الحرق في المرحلة دي مش بيبقى زي الطبيعي لان ميكانزم الحرق بيبقى في مشكلة و محتاج على الأقل من ٣ ل ٦ شهور عشان بس الدنيا تداوى تحت اللبس مش عشان أبقا فيت زي زمان
حد كان عنده تجربة زي دي و عدى منها