كيف تحمي نفسك من التلاعب والوهم
السنين اللي فاتت تحديدا ال 6او ال7 اللي فاتوا كانوا بالنسبة ليا رحلة في بحر أمواجه عاتية منقسمة ل سنتين بداية الانهيار و3 محاولة تماسك و2 هما اللي عدوا دول وهما الانهيار التام والبحث عن الذات ، طولت في الكلام فندخل في الموضوع
خلال فترة البداية كنت بفقد حبيبة وبعدها أصدقاء والتانية كنت رجعت اعرف اصدقاء جداد وأظبط الدنيا شوية وكنت دائما شخص ذو طابع ودود لكن منعزل وبحب الوحدة أو الحقيقة فرضت عليا الوحدة كمان مش بس يمكن اكون بحبها بل هي الإختيار الوحيد لحد ما مريت بمشاكل واكتئاب حاد واكتشفت اني لا الأول كان عندي حبيبة ولا كان عندي صحاب ولا كونت صحاب
وان كل اللي عرفتهم ما بين شخص بيكرهني عمى أو شخص كان بياخد مني مصالح بس باسم الصحوبية وطبعا مبيردش ملل منها فدخلت في مود العزلة و guess what بدأ حالي يتحسن أو اركز في نفسي شوية واكون سعيد ومبسوط شوية ولكن
بيبدأ يطاردني الناس بأنهم بيحسدوني اني ناقص حاجة وهي الصحاب وطبعا الأهل بيضغطوا في النقطة ديه يمكن بخوف لما يقولك متخرج مع صحابك أو احيانا تبقى ماشي مع والدك وتلاقي ناس المفروض انهم صحابك فأبوك يقولك الحق صاحبك فلان وانت تقوله اه اه ، طبعا ميعرفش أن فلان باعك أو نسي صحبيتكم أصلا ، فتحت الضغط ده حاولت اني اتظاهر بشخصية مش حقيقة عن نفسي وكنت واخد ومازلت وضعية ابتسامة الجوكر طول الوقت مع أن تحت القناع ده وش بائس حزين متصلب لا يفرح ولا بيضحك ولا يبتسم أبدا ويمكن ملامحه قفلت بشكل دائم من قلة التبسم والفرحة
ولكن المفاجأة اني اكتشفت أن انا كنت صح في اني منعزل لان الناس فعليا أما بيستغلوني أو مش طايقيني بس ، وموضوع أن كل ما حد كنت تعرفه يشوفك يقوم رازعك كلمة مبتظرهش ليه وانت فين يعم وبتاع ده هو أسوأ خنجر متعرفش هي الناس اللي بتقول كده بتكذب وتصدق الكذبة وتفرض عليك المسرحية ديه عادي كده ؟
يعني انت اللي مبتسألش وبيعتني وبتلوم عليا وتزنقني في الكلام عشان اقولك معلش بقى مشاغل ، المهم بقيت يتظاهر بشخصية هزلية ومش فارق معاه أو تافه ومش مهتم وساذج مع أن كل ده تظاهر عشان بس اتاقلم اللي اكتشفته أن مفيش حاجة اتغيرت أصلا ، لا كسبت ود حد ولا حد جدع ولا حد عنده وفاء بجنيه
يعين انا فقدت جزء من روحي لمدة من الزمن مقابل لاشئ قايدت طرح شجرتي ببلاش بل يمكن ده كان مقايضة مره جدا لان دلوقتي الواقع انكشف ، الشخص اللي بيرمي كلمة ود أو يدعي أنه مهتم هو بالأساس مش عايز يعرفك كل ده تمثيل مش اكتر ووقت ما تحتاجه مش يهتم وتظهر الحقيقة ساعتها مش هذكر مواقف حقيقية وأمثلة بس صدقني ده اللي وصلتله
فاللي وصلتله أن لازم.ارجع اتصرف عادي ع طبيعتي لأن مكسبتش حاجة انا بخسر من نفسي ومجهودي في اللا شئ
صعب جدا مهما علمت نفسي مش فارق معايا اكتشف ان ناس بيننا عشرة طويلة ومربوطين ببعض ، كان نيتهم مش صافية ابدا تجاهك والعلاقة ديه كانت مصلحة حتى من طرف واحد زي ما كان الوفاء كله من طرف واحد بس الحاجة دي ليا انا
هل العزلة هي الحل ؟ والا التعامل مع الواقع بشكله وظروفه وعدم السماح لأحد بفرض وجهة نظره عليه ؟ والا الحل كان في إن مفيش حد يستاهل منك شئ بلا مقابل ولا حتى بمقابل ريح دماغك وعيش لنفسك ؟