اتجوز واحد مبحبوش ولا اسافر أشتغل بره مصر
تعديل بسيط
انا فعلا كنت متوسمه خير في انه الشخص المناسب ليا ولكن اختصرت عيوبه في انتا مش شبه بعض ده لاسباب كتير اوي انا مريت بيها معاه
فعلا في ان الايه معكوسه انه اصلا مش عاوزني اسيب شغلي ومش عاوز يصرف عليا مصاريفي الشخصيه بدعوه اني بشتغل طبعا … واغلب خناقاتنا ان هو اغلب الوقت هو الي فاضي وانا لا فاصبحت العلاقه هنا غير متكافئة خصوصا اني مبقتش حاسه معاه بالامان المادي ده اكيد غير نقطة البخل والاستخسار فيا حاجات كتير فكل ده وصلني اني مش قادره احبه او اتقبله واتقفلت منه بسبب تصرفات كتير طبعا تستبعد مواقف الرجوله بمراحل
……………
انا ٣١ سنة شغل مستقر في مصر بشتغل ريموتلي مع شركة برة مصر وبسعى في زيادة العملاء وتطوير حياتي المهنيه اكتر
مخطوبه لحد كنت شايفاه مناسب في الأول وبعد كده اكتشفت ان طموحنا مش واحد و الايف ستايل مش واحد .. انا عندي أحلام عاوزه اطير باحلامي وهو عاوز يكمل الحياه التقليديه
بحب السفر والنجاح والشغل .. هو مبيحبش الشغل ومش عاوز يتعب ودايما يشتكي منه
عندي صراع نفسي بين انه اخر فرصة ليا بسبب سني وبين انه ممكن على أمل لو حققت احلامي بالسفر بره مصر اقدر الاقي شريك حياتي الي نفس احلامي وطموحاتي ونكون مشتركين في العقل والرفاهيات
والصراع بيزيد بسبب الخوف من المجهول ومن ان ممكن مااعرفش الاقي شريك حياتي ابدا واني متجوزش خالص