انا حاليا مواطن مزدوج الجنسية عندي ٢٠ سنة و نازل مصر بجوازي التاني اول مرة من ٢٠٢٢، دلوقتي المشكلة اني في سن التجنيد و مجبتش إعفاء، المهم الكل بيقولي انزل بجوازك التاني و وريهم بس بطاقتك المصرية و هيدخلوك من غير ڤيزا و هتطلع عادي بدام نازل اقل من ٦ شهور (انا رايح اسبوع بس)، بس انا بصراحة مقلق اوي ليعقربوا الدنيا و انا راجع فبفكر ادفع ال٢٥ دولار و انزل كأني مش مصري و خلاص، هل حد ليه تجربة في الموضوع ده اصله واكل دماغي
عندي شويه افكار اني اروح اغير اسمي انا طول عمري كنت بحب اسمي وعادي مش شايفه ان في مشكله او عائق بحبه بس من فتره سمعت ان الاسم قديم جدا وانو مش حلو وعواجيزي وحد قالي قبل كده انتي ازاي اسمك مروه لازم يبقي اسمك نانسي ساعتها فكرت في اسمي كتير وكنت عاوزه اغيره تاني يوم الصبح مع اني طول عمري بحب اسمي اوي اسمي قديم اوي فعلا؟عندي 21 بلاقي البنات اللي معايا في الجامعه اساميهم جودي وجومانه ومريم وملك وانا اسمي مروه هو الاسم فعلا وحش؟
بيتبقا معايا كل شهر من 5000 ل 7000 جنيه انا بحطهم ايداع ف حساب شخصي و حوشت منهم مبلغ و بزوده ب دول كل شهر بس انا عايز حاجه اطلع منها ب عائد من اللي بحوشه دة عايز استثمرهم ف حاجه مفهاش مخاطرة و بعيد عن الدهب لان بعد 6 شهور من دلوقتي هحتاج المبلغ كله نقداً... تنصحوني ب إيه
Hello guys,
Im travelling permanently from egypt with a mix of personal gold and some gold bullions. (Not much).
Im an egyptian citizen and this is all the wealth i have . I have been reading that i cannot travel outside of egypt with gold bullions. Now i do not know what to do, as i did not purchase them in egypt, and i do have the receipts.
Can anyone provide advise? Or tell me what they did.
السلام عليكم. انا في اخر سنة طب و عارف اني متأخر بس اكتشفت اني مبحبش الطب عموما و عايز اشتغل في مجال التيك مش عشان الفلوس و عارف ان سوق العمل بقي وحش بس عندي شغف للمجال و كنت داخل طب عشان اهلي و استخسار مجموع. هل فيه طريقة اني اهاجر و ادرس و استقر برا من غير مدفع فلوس كتير؟ و هل السن بيفرق؟ شكرا ليكم
منحة iti
ايه الفرق بين ٩ وال٤ شهور غير انها دي مكثفة وهل الناس اللي دخلتها استفدتوا فعلا وزود فرصة شغلك ؟ ولا لو كنت انت ذاكرت في البيت وعملت مشاريع كان افضل
ايه المميزات والعيوب بتاعت المنحة لو سمحتم
هل طبقت عملي بأيدك فعلا ؟
زائد الحضور كم ساعة هناك لان عايز اعرف هل ينفع معاها الشغل ولا لا
والمنحة دلوقتي قفلت التقديم جيت عملت حساب وبدخل عشان اعمل ابلكيشن لاقيت بيقلي
sorry there is no open admissions for mow please check again later
هي بتفتح تاني امتي السنة دي ؟ ولا كده خلاص لازم استني لسهر ٧ الجاي ؟
هوه ليه أوروبا بتكافئ الناس السكليه والعواطلية وبتوفرلهم أحسن بيئة عشان يزيدوا ف افعالهم دي
أنا عايش ف أوروبا بقالي ٣ سنين وبجد مصدوم من ازاي النظام ماشي هنا
انا شغال ف وظيفة مرموقة وبحارب عشان اجدد اقامة والجنسية حلم بعيد ومش حاسس باستقرار بسبب الظروف اللي ف العالم وكل حاجة لازم اعتمد على نفسي واعملها من الصفر، كورسات لغة من جيبي، نص مرتب ضرايب وتأمينات .. الخ
على النقيض شفت بعيني وضع اللاجئين اللي الدولة متكفلة بيه من الألف للياء، كورسات لغة واعانات جوب سنتر .. الخ واحد عيني عينك الدولة بتديلة ٣ الاف يورو شهريا وهو قادر يشتغل ومش بيشتغل. ده غير فلوس العودة الطوعيه اللي بتبدأ من ٣٠ الف دولار للعيلة
واخيرا التعامل الأمني معاهم العيال عربجية وجايين بهمجيتهم وبيعملوا اللي عايزينه والشرطة واقفة مش بتعمل حاجة وانت لو قلت فلسطين بتبقى ليلتك مش فايته
ونماذج من ده كتير الفكرة وصلت بس حرفيا الموضوع ده قارفني وبدرس جديا اروح دولة زي بولندا ولا استونيا اللي مفهاش فوضى اللجوء دي الناس اللي ف أوروبا رأيها ايه
شباب وبنات .. الناس اللي اتربت في الخليج وقعدت ١٥ ولا ٢٠ سنة وبعدين نزلوا مصر .. بتتأقلموا ازاي بجد
انا اتولدت برة وقعدت ١٦ سنة ورجعت وبقالين ١٢ سنة في مصر بعافر والحمدلله من اوئل الدراسة في كل المراحل في الثانوية والجامعة واستغلت طبيب أسنان .. بس بجد العيشة متعبة .. الناس زومبي حاسس بارهاق واضطراب في الهوية حد زيي ؟!
حد مر بالتجربة يفيدني
لما تقرر تنزل مصر ويك اند
Egyptian ‘ 15 Years Old ‘ Male
And I’m Looking For Someone From The Same Country And Kinda Similar To Me
مساء الفل، انا كنت ناوي ادرس كمبيوتر ساينس في فرنسا واستقر هناك واشتغل فالتيك، بس لان اسمي احمد فا قلقان من العنصرية وانه مثلا يحصلي رفض تلقائي من الشغلانات بسبب اسمي. بقيت حاسس اني احسنلي اهاجر كندا او استراليا لانهم على حد علمي مش هيكون فيهم نفس مستوى العنصرية، واسيبني من أوروبا خالص، هل ده تفكير صحيح؟ مع العلم اني بفضل دول أوروبا بسبب قربها من مصر واني هقدر ازور اهلي كتير على عكس كندا واستراليا...
لو انا بنت وهقعد ترانزيت 10 ساعات في مطار حمد في قطر هل دا ممكن يعملي مشاكل او حد ممكن يكلمني او يفتكر اني ههرب مثلا؟ دا اقل وقت ترانزيت لقيته
انا ٢٣ سنه ومعايا مبلغ قليل،فكنت بفكر في السفر التطوعي سمعت اني محتاجه اكون تطوعت في حاجه في بلدي، فايه الحاجات الي ممكن اتطوع فيها؟ هل في نهاية التطوع بيدوني شهادة أو إثبات اني تطوعت ؟ ولو حد سافر بالطريقة دي قبل كدا يحكي تجربته
أنا عندى جيش وعشان اخد جواز السفر لازم أكون موضح موقفى من التجنيد. فى حاجة ممكن اعملها وهى انى أأجله سنة عشان أخويا هيدخل، بس بعد كده لما أجى أخد تأجيل عشان الماسترز مش هيحصل تعارض بين التأجيل القديم والجديد؟
حاجة تانى، ممكن أقدم على ماسترز فى مجال غير الكلية اللى اتخرجت منها فى مصر؟ أنا عندى خبرة ٥ سنين كا software engineer بس أنا أصلا خريج تجارة.
انا في أولي جامعه في كليه طبيه و عاوز اسافر برا مصر فا لو ممكن لو حد يعرف معلومات أو يقدر يساعدني
السلام عليكم هل حد عندوا فكره لو المصرين ممنوعين من اي نوع فيزا لأمريكا؟ هل احنا ممنوعين من الgreen card والفيزا السياحيه عادي؟
شكرا ليكم