مساء الفل، انا كنت ناوي ادرس كمبيوتر ساينس في فرنسا واستقر هناك واشتغل فالتيك، بس لان اسمي احمد فا قلقان من العنصرية وانه مثلا يحصلي رفض تلقائي من الشغلانات بسبب اسمي. بقيت حاسس اني احسنلي اهاجر كندا او استراليا لانهم على حد علمي مش هيكون فيهم نفس مستوى العنصرية، واسيبني من أوروبا خالص، هل ده تفكير صحيح؟ مع العلم اني بفضل دول أوروبا بسبب قربها من مصر واني هقدر ازور اهلي كتير على عكس كندا واستراليا...
دلوقتي انا كنت ببحث بشكل خفيف في موضوع الأديان و ومعنتش مقتنع بالسنة النبوية بسبب ان الرسول اتجوز عائشة وهي ٦ سنين (على كلام الاحاديث) مع انه امرنا في نفس الأحاديث ب حث الأطفال على الصلاة وهم ٧ سنين وامرنا بالتفريق بين الاطفال في النوم وهم ١٠ سنين، يعني قبل ١٠ سنين ممكن ولد صغير ينام مع اخته الصغيرة عادي في نفس السرير مع ذلك الرسول اتجوز عائشة وهي ٦ ودخل بيها وهي ٩ يعني كده اتجوزها وهي طفلة الا لو هي كانت عندها معجزة و بلغت بدري اوي مثلا، ده غير الحديث الارهابي بتاع "امرت ان اقاتل الناس حتى يشهدوا ان لا اله الا الله" واللي هو المفروض ضد حرية العقيدة و دول كانوا كافيين بالنسبة لي اني اركن السنة النبوية على جنب حاليا
فا دلوقتي لو شيلنا السنة النبوية من دماغنا واعتبرنا ان مفيش حاجة وصلتلنا صحيحة فالمطلق او مش ملعوب فيها ما عدا القران بحكم ان فيه حفظة وكده فا هل وقتها الاسلام لسة دين وحش؟ ايه اعتراضاتكم على القران عامة؟