معايا جيتار كلاسيك ماركة فيتنيس لونه دهبي الجيتار حالته كويسه جدا يعتبر مستخدمتوش من اول مجيته ومحفوظ في شنطته وعاوز ابيعه دلوقتي فاللي بيفهم في الحاجات دي يقولي لو بيعته يتباع بكام وكده ... انا عارف ان السوال في الصب ممكن يكون غريب شويه بس ريديت كل الصبات فيها اتملت متدينين وسلفيين هيبضنوا عليا لما اسال السؤال ده 😭😭😭
انا تقريبا في اصعب ايام حياتي بعاني من تشتت ووحده رهيبه وفقدان شغف لاي شئ في الحياه وحاسس اني بقيت معزول عن الدنيا ومش عارف احتك بالعالم الخارجي ولا افتح مجال لده واللي مضايقني اكتر اني خلاص هتخرج الشهر ده وحاسس اني عديت فتره الجامعه دي هوا مطلعتش منها باي حاجه وده في حد ذاته شئ راعبني يعني الجامعه اللي بتبقى فاتحه مجال جاهز اكون منه علاقات وفرص واطور من نفسي معرفتش استغل فيها اي حاجه اومال هعمل ايه بعد الجامعه وكل الفرص دي غالبا هتخفي بعد الجامعه وخايف من الحياه واللي هتعمله فيا ... المهم انا نفسيا تعبان فششخ ومنهك من جميع النواحي وبفكر بجديه ابيع شويه حاجات واجمع شويه فلوس وامسح كل حاجه تخصني واهرب من البيت ومن كل حاجه واروح ع الزيرو في اي بلد تانيه وممكن كمان البلد تكون برا مصر كمان وابدا كل حاجه من الصفر وتحت الصفر كمان يمكن الاقي لحياتي معنى والاقي نفسي .. بس اللي هيصعب عليا في الموضوع ده اهلي بس