بخصوص البوست ده
انا فاهمه بجد انتو مضايقين منهم ليه بس عالاقل هما بيتعبوا شويا فالمحتوي بتاعهم و بيحاولوا يجيبوا افكار و بيتعبوا فالمونتاج بس في بجد كميه محتوى في قنوات البنات مكرر و ملوش اي لازمه و مفيش اي بذل مجهود في المحتوى خالص و لا المونتاج و لا اى متعه بصريه و كل الفيديوهات عباره عن نصايح و كلهم سارقين من بعض المحتوى حتي العناوين و كلهم نفس الكلام و الطريقه و الكدر بتاع التصوير واحده قاعده قدام الكاميرا بتهري و بس و المحتوى ده بجد بيجيب كميه مشاهدات رهيبه تخلي اي حد يفكر يبدا قناه ع اليوتيوب بنفس المحتوى برضو و حرفيا كل فتره من كتر ما مفيش اي بذل مجهود او حتي سيرش عن افكار جديده تلاقيهم عاملين فيديو جديد نفس فيديو قديم عندهم من كذا سنه قال ايه محدش هياخد باله يعني اصل احنا الفانز بتوعنا اغبيا اوي و المشكله بجد ان في كمية بنات تحسهم اتعملهم تنويم مغناطيسي و عقلهم اتلغي و متساقيين وراهم و كلهم فالكومنتات انتي بجد غيرتيلي حياتي أنا مش عارفه من غيرك كنت عملت ايه انا بدات اعمل كذا بسببك و الله مش مبالغه اي ست بيت فاتحه قناه علشان تنزل وصفات طبخ احسن منهم و لو واحده حتي طالعه تورينا اشترت ايه و لا بتعمل فلوج و بتعمل فيه حاجات فعلا احسن بكتير منهم