الجواز في سن صغير
أنا لسه في اول سنة امتياز في طب و في بنت بحبها و اتقدمتلها مره من كام شهر و اترفضت بسبب ان أهلها عايزين واحد جاهز ماديا ، أنا الحمدلله اهلي وضعهم كويس و ليا شقة و هما مستعدين يتكلفوا بكل مصاريف الجواز بس المشكلة في ان مليش دخل طبعا ، أنا بجهز للمعادلة و بدأت فيها بالفعل بس المعادلة لسه قدامها كام سنة و لسه أصلا ورايا جيش و حوارات كتير و أنا عايز اتقدملها تاني كمان سنة مثلا أو في اسرع وقت بس مش عارف اعمل ايه في مشكلة الدخل ؟ مش عارف محتاج كام عشان أهلها يكونوا راضيين و مش عارف أجيبهم منين و مش عارف هعمل كل ده في قد ايه ، هي بتحبني و شارياني و هتستنى عادي و أنا بحبها بس مش عايز اتأخر عشان بيتقدملها كتير و أهلها بيضغطوا طبعا عشان هي اصغر مني بسنة ف طبعا ده سن الخطوبة و الجواز ، محتار اعمل ايه لو حد كان في نفس الموقف ياريت يفيدني بتتجوزوا و تفتحوا بيوت صغيرين ازاي ؟