u/Fucklifebroo

انهارده الصبح امي كانت بتقولي ربنا ينتقم منك ويارب تسقط في الامتحان عشان كنت مرخم عليها شويه ف المهم قولتلها انتي مقتنعه انك لما تدعي اني اسقط في الامتحان او اجيب درجه وحشه دا هيبقا لسه تأثير مش اني اذاكر او مذاكرش او اغش او مغشش راحت قالتلي انتا مش مؤمن ب ربنا وقدره يعني؟ روحت قولت لا عادي بس في حاجات مش مقتنع بيها زي مثلا انه هيسمع دعوتك اني اسقط وملايين الناس ال بتموت من الجوع/ الحروب في كل العالم سايبهم عادي، راحت قالتلي اههه دا النت اثر عليك خالص، روحت قولتلها لا عادي يعني بس الحاجات العلميه ال درستها في السنين الفاتت في الساينس واقعيه اكتر من ان الانسان انخلق مره واحده من الطين… والتشابه ما بين كل الكأئنات والانسان… ف سكتت خالص ولما ابويا رجع من الشغل راحت قالتله الحق ابنك مش بيؤمن ب ربنا ادي اخرت النت ال قاعد عليه بسببك ومعرفش ايه ف المهم اتكلمت مع ابويا وعموما ابويا مومن اكتر من امي ب كتير وكان بيروح الكنيسه وكان شماس تقريبا علي ما اعتقد وخادم من ٢٠ سنه تقريبا ف المهم قعدنا نتحاور وكسبته في النقاش بس حسيته خد موقف مني ف قولتله اني في حاجات مقتنع بيها وحاجات لا ف المهم قعد يهزر معايه ويقولي يا بتاع التطور وحاجات كده شويه وبعدين خلاص راح قالي دي اكيد وجهه نظرك وتفكيرك بس متقولش الكلام دا لحد عشان المجتمع ال عايشين فيه مش هيتقبل حاجه زي كده ولما حد يسألك عن دينك جاوب عادي ومش عارف ايه بس و فيه ٥ من أصحابي برضو طلعو زيي لا دينيين لما فاتحتهم في الكلام وواحد سحب التاني الخ ف دا كان احسن قرار عملته في حياتي وريحت وجع دماغي
TL;Dr
اتخانقت مع أمي بعد ما دعت عليا أسقط في الامتحان، والنقاش قلب على الدين والإيمان والعلم، بابا ناقشني بهدوء أكتر وقال دي وجهة نظرك بس خليها لنفسك عشان المجتمع.