jokes aside
لجنة الانقاذ الدولية قبل سنة قالت ان اكتر من ١٥٠ الف سوداني فقدو حياتهم بسبب الحرب ، ١١ مليون نازح و ٣ مليون طلع برا البلد بحثاً عن الأمان ، نص عدد السكان بعانو من مجاعة حادة و دا غير اللي فقد بيته و شغله و وقف دراسته دا كلو عشان ديل يرجعو لحضن الوطن !!
دي ذاكرة سمكية و لا الشعب دا مشكلته شنو بالجد؟
كيف ممكن تكون انت المجموعة الأكبر في البلد و تشكل ٧٠%!! و دي نسبة كبيرة جدا جدا و في نفس الوقت اغلب منسوبي الجيش و الشرطة عندك من اثنيات تانية؟ الظاهرة دي تفسيرها المنطقي شنو؟؟؟ (ملاحظة انا ما بقول ان مفروض الجيش يكون لمجموعة معينة دون غيرها لأن اكيد دا جيش الدولة السودانية و مفروض تكون فيها كل الاثنيات السودانية بس مستغربة من التعداد غير منطقي ابداً كنسبة و تناسب) اذا انت تمثل ٧٠% من الشعب من المنطقي ان الجيش جنود على ضباط و الشرطة يكونو اغلبهم من اولادك حتى لو الوظيفة دي ما محبوبة عندهم برضو ح يكونو هم الاغلبية بحكم عددهم
السودان فيه حوالي ٥ الى ١٠ مليون سوداني من أصول نيجيرية من هوسا و فلاتة و بورنو (دي تصريحات مسؤلين حكوميين نيجيرين و سودانيين) و دي نسبة كبيرة لوحدها تشكل ١٠% إلى ٢٠% من سكان السودان ، شوفو تعداد الغرب افارقة في مدن السودان بعد الاستقلال لما كنا ١٠ مليون نسمة بالجنوبيين معانا⬆️ و دا غير التشاديين المجنسيين اللي ح يكون عددهم اكتر من النيجيرين بكتير نسبة لقربهم من غرب السودان كموقع و ثقافة و نسبة للمجاعات و التصحر اللي دفعتهم بالهجرة إلى السودان بكثافة في السبعينيات
طيب ديل غرب افارقة لو بدينا نحسب أهلنا السودانيين الأصليين في الشمالية و الشرق و دارفور و جبال النوبة و النيل الأزرق و غيرها من المناطق تتوقعو النسبة ح ترتفع لكم؟
لو اتعمل تعداد سكاني شامل كامل اتوقع ح تكون صدمة العصر