Detachment (thus post contains spoilers)
This * لسه مخلصة الفيلم وطالعة منه بكمية مشاعر وبما ان دي فترة امتحانات فده انسب وقت اني ابقي محنكة واضيع وقت فاي حاجه
الفيلم بيتكلم عن هنري شخص خالي تماما من المشاعر او عالاقل هوه مفكر كده ،مدرس بديل وده رمز إنه شخص عايش بشكل مؤقت في حياة الناس وبيهرب دائما وبيبدا فمكان جديد
وعلاقات جديدة ده لو عملها اصلا لانه بيبعد أو بيتحنب أنه يدخل في اي علاقة عميقة وده بسبب تروما قديمة عنده بسبب أمه وعلاقته المعقدة بجده لانه فاكر أنه جده جزء من اللي امه وصلتله أنه هوه ياما اذاها أو مقدرش يحميها بشكل كافي بس الفيلم موضحش الحتة دي او ايه اللي حصل ده خلاه ميقربش من حد عشان ميِتوجعش زي ما توجع بعد ما مامته ماتت بقي لا يدخل فعلاقات قوية ولا يتعلق بحد
رغم كده فضل عنده جانب إنساني ولسه عايز يساعد اي حد بيحس بنفس الشعور اللي هوه حاسس بيه وده اللي خلاه يهتم بإيريكا وميريديث.
قدر يساعد إيريكا لأنها كان لسه عندها أمل واستعداد تثق في حد بس لما بدا يحس انها هتتعلق بيه وتعتمد عليه عاطفيا وتشوفه مصدر الامان الوحيد قرر يبعدها لانه هوه كمان اصلا مش مستعد لده
ميريديث بقي مقدرش ينقذها لأنها كانت منهارة نفسيًا تماما وفاقدة قيمتها لنفسها وكان خلاص الوقت اتاخر وشوية الاهتمام اللي هيدهولها مش كفايه زي ما حصل مع ايريكا
اه ونسيت اتكلم عن المدرسه اللي كانت عبارة عن مجتمع فوضوي ومنهار بالكامل طلبه تايهين ومهملين ومش لاقيين حد يفهمهم ومدرسين مستنزفين نفسيا كل واحد عنده مشاكله وادارة المدرسه اللي مكنش مهم بالنسبه لهم غير نتايج الامتحانات فالاخر
الفيلم بيقول إن اللطف والاهتمام مهمين، لكن أحيانًا مش كفاية يصلحوا سنين من الاذي وانت مش هتقدر تنقذ كل اللي حواليك
و في الاخر، محدش أنقذ هنري لكنه بدأ يواجه مشاعره بدل ما يهرب منها طول الوقت وبدا يتصالح معاها