u/Glum_Warthog_7566

جماعه الفليم ده اندرريتد فشخ مليان كوميديا سوداء واسقاطات كتير تحزنك على حالك وانا مستغرب اني ملقتش جماهير للفيلم ده حرفيا من اكتر الافلام المصريه الي مش واحده حقها خالص

ده محمد خالد عنده ١٧ سنه بيدرس و يشتغل بعد المدرسه عشان يساعد اهله في المصاريف ابوه عنده انزلاق غضروفي و غير قادر علي العمل بقاله ٣ سنين. الولد كان راجع من الدرس في عز النهار و هو ماشي ماسك تليفونه ست قالتلو هات موبايلك اعمل مكالمه قالها مش معايا رصيد لقا عيل بلطجي طلعله بيقوله امال ماشي ليه بموبايل، محمد مخافش منه قاله و انتا مالك حصلت بينهم مشاجره و الست تدخلت و كتفت محمد و قام البلطجي مطلع مطوه من مع الست و ضربه ٣ مرات ف وشه و صدره و بطنه و سرق الموبايل. بعد النظر في الواقعه تبين ان الست المذكوره تاجره مخد.رات معروفه في المنطقة بإسم "نعمه" و لها سجل اجرامي و البلطجي ابنها اسمه "فهد" وكانو واقفين في الشارع بيبيعو ساعتها في مكانهم المعتاد. محمد اصابته صعبه جدا واخد ٤٠ غرزه فوشه جوه و برا و عصب شفته التحتانيه متضرر و فاقد الحركه و الاحساس بها، غير انه كمان محتاج عمليه تجميل عشان وشه باظ حرفيا. جرح صدره خفيف و بطنه الحمد لله الهدوم حمتها. الموضوع بقاله شهر و الست المسئوله عن الحادثه هي و ابنها البلطجي لم يتم ضبطهم حتي الآن رغم تحرير محضر رقم ١٠٩ بتاريخ ٣١ مارس ٢٠٢٦ بقسم شرطة دار السلام. و الآن الست بعتت تهديدات لوالد المجني عليه انه اذا لم يتنازل عن المحضر قالت "هبعت واحده ترمي بلاها عليه و تدخله السجن". لازم حق الولد ده يتجاب و الناس دي يتخذ ضدهم الإجراءات القانونية اللازمة و تتكفل بعلاج الولد كاملاً. لوسمحتم شير البوست فكل حته عشان نرجع حق الولد الغلبان ده.