u/Grand-Volume-6331

اوقات كتير مبعرفش انا بساعد ليه انا اوقات كتير بضحي عشان ناس هي ممكن متعرفش اصلا بتضحيتي عشانها مستفيد ايه معرفش بحتسب كل ده لله بس الفكرة اوقات كتير بسأل نفسي انا بعمل كل ده ليه عمال اساعد في ده واساعد في ده ومباخدش حتي حاجة من ورا ده مش مستني حاجة من حد بس يعني ولا حتي مثلا حظي بيتحسن كأني بحاول اساعد الناس كلها وفي الاخر بردو لا حد بيساعدني ولا القدر بيجي في سيناريو حتي في صالحي ده لازم يبقي سيناريو غريب عشان يبتليني بصراحة مش عارف حتي انا منتظر ايه بس كنت اتمني الدنيا تبقي ابسط من كده والخير يتردلي في اي صورة تانية بس للاسف مكنش بيحصل لسبب ما الحمدلله عامة

اتمني اي حد عنده اي اخبار سعيدة حتي لو بسيطة يشاركها عشان النفسية زفت وكل الناس الي اعرفها بتشاركني مشاكلهم وهمومهم والواحد عايز يسمع اي خبر حلو حتي

ليه بنخاف نكون احنا وامتي هنقدر نكون احنا بجد نقول اننا عادي بشر وبنخاف من حاجات وازاي نلاقي حتي ولو شخص واحد نقدر نتعري قدامه الفكرة انه حتي مع البراتنر مبتعرفش تطلع الجزء السري منك الي هو وارد يكون مش حلو او جذاب للطرف الاخر وانت عايز تظهر باحسن صورة قدامه وخلينا نكون صراح محدش بيحب يبان وحش قدام خاصة كمان الشخص الي بيحبه فازاي وامتي هنقدر نقول كل الي مبيتقالش والي مش عارفين نقوله لدرجة انه اوقات بنخاف حتي نقوله لنفسنا

مش عارف انا بقول الكلام ده ليه ومش عارف هيفرق في ايه في حين كل حاجة مش هتتغير بس مكنش نفسي كل الي حصل ده كان يحصل كنت عايز حياة عادية بس المشكلة انه مهما بردو الدنيا هديت دماغي مبتهداش وبتفكر في كل حاجة