ايش تصنيفي في الحياة؟
بفضفض عن حياتي الغريبة ، انا حرفيا مجهولة مستوعبين؟! ماعندي اي اوراق اثباتية لا جواز سفر ولا شهادة ميلاد ولا اقامة ( انا اسكن في السعودية) وحتى الدراسة كنت ادرس سنة واقعد ٤ او٥سنين بدون دراسة عشان ابوي مايقدر يدفع لدراستي ، وكنت ادرس في مدارس غريبة عشان المدرسة حق دولتي ماتدخل الا الي عندهم اقامة الا قبل فترة لما طلع قرار السماح للي ماعندهم اقامة يكملو دراسة. وعشان اغلب طفولتي كانت في البيت وامي وابوي كلشوي يتهاوشون +ماعندي مدرسة صار عندي ocd وصرت انتف شعري وامي لما لاحظت صارت تتنمر علي وتحبسني في الغرفة تحسب اذا تصرفت كذا بتعدل لكن بسبب تعاملها معي صار عندي افكار انتحارية . وترا ابوي يشتغل ونظامي عنده اوراق صح انو عامل وراتبه قليل بس انه طماع بشكل مو طبيعي حتى ملابس ما يشتريلي . من 2019 لين 2023 ماكنت ادرس لين وحدة الله يجزيها خير قررت تتكفل بدراستي وبدات ادرس. وقبل فترة امي بدات تشتغل بس راتب مايكفي صرصور. انا كليوم افكر انهي حياتي بس ما اسويها واكره شكلي وكلشي فيني حتى لما اتكلم مع الناس احس انهم من جوا يضحكو علي وبعضهم يبان عليهم الضحكة لاني ما اعرف اتكلم لاني حرفيا اغلب حياتي محبوسة بالبيت وصرت ما اعرف اتعامل مع الناس . مادري الوم مين اهل امي الي زوجوها وهي عمرها 17 لواحد عمره 30 امُي مايعرف يقرا ولايكتب ولا الوم اهلي الي حتى لو عيشوني هاذي الحياة على الاقل يكونو الطف معي شوي يمكن على الاقل كنت بتفهمهم شوي .