The demonization of farmers is deeply rooted in regionalism
كيما كل عيد يتحل النقاش البيزنطي على سوم العلوش و التكلفة متاعه و هل يا ترى فما إستغلال من طرف الفلاح ولا القشارة هوما السبب و النقاش هذا أحيانا يهز لشيطنة الفلاح "الإستغلالي الجيعان لي جاي من ورا البلايك" و يحب يربح فلوس على حساب نبلاء القوم متساكني الحواضر الكبرى . الكلام هذا نقرى فيه في تعليقات العباد في الفيسبوك و نسمع فيه في القهاوي كل عام و عليه نحب نقول :
أولا العلوش كيفه كيف أي بضاعة في السوق يخضع لقاعدة العرض و الطلب و الفلاح حر في السلعة متاعه يبيعها بالسوم لي يراه مناسب لأتعابه كيما زادة الشاري حر في فلوسه (crazy concept right )
ثانيا القشار أو التاجر لي هز كرهبته و فلوسه و مشى لجهات داخلية بعيدة و شرى شوية علالش بحر ماله من الفلاح باش يعاود يبيعهم في المدينة زادة ما عملش جريمة و عنده الحق يبيع بالسوم لي يخلصه في أتعابه crazy concept again
ثالثا لا يكلف الله نفسا إلا وسعها الأضحية سنة مؤكدة يثاب فاعلها و لا يأثم تاركها يعني حتى إذا عندك القدرة باش تعيد و أنت ما تحبش لا حرج عليك