u/Haizenberg_1

موضوع الطيبات ده كارثة
الله يرحم ضياء العوضي ويغفر له ويسامحه
بس الراجل ده ساب مصيبة
نظام مميت،انا مش دكتور لكن لما الاقي حد بيقول لمريض السكر متاخدش انسولين يبقي ده كلام واحد مبيفهمش حاجة،لما يقول لمريض الضغط متاخدش الدواء يبقي ده اسمه جهل وتخلف لا يمت للطب بصلة،لما يقولك السجاير مش مضرة يبقي ده جهل وتخلف،و اما يقولك متاكلش الا عند الجوع الشديد وتقعد ايام متشربش الا كمية مياه قليلة ده اسمه عبث يا جماعة افهموا صحتكم مش لعبة،للاسف استغل الناس الي دماغها علي قدها او ظروفها صعبة وهما مرضي ف لما لقوا حد بيقولهم متاخدوش دواء ومتكلوش مش عارف ايه اعتبروه بطل قومي وهمو علي الغلابة،كان بيستدل بأيات واحاديث نبوية ويفسرها علي مزاجه ويستخدمها في غير موضعها،ويعمل فيها بيفهم في كل حاجة
الي معصبني ان فيه ناس المفروض انها متعلمة مصدقة كلامة
وكان يطلع يقولك اثبت اني غلط،لا هو المفروض اما حد يقول حاجة عكس الطبيعي هو الي يثبت صحتها اصلا
فنصيحة اي حد تلاقيه بيتبع النظام الحقير المميت ده قوله يوقف فورا لأن الموضوع بيوصل الي انه حياة او موت

ومين اليوتيوبر المفضل بتاعك؟