ليش نحن نموتوا ونعشقوا الفساد؟ مع ان الدوله (مسلمه) وهي من اكثر الدول فساد. محد يقولي اللي ماسكين، لالا الفساد يبان حتى في مؤسسات صغيره ولا حتى محلات ومتاجر وغيره. يعني الغش والفساد قعدنا نفطروا عليهن ليش نبي نعرف؟
حرام كان في حد يخاف ربي ومش من الناس؟ قدام الناس يصلي التراويح ووراهم سرقه وكذب ولبز.
فدينا
من شهر طلعت ورقه من السفاره الالمانيه، والورقه متطلعش الا منهم نقدرش نطلعها من ليبيا. عموما بعثت الورقه بالبريد وللاسف راحت.
كلمت السفاره قلتلهم للاسف راحت الورقه لكن انا مسجل عندكم وداير كل الاوراق، هل لازم نعاود كل الاوراق ولا تقدروا اطلعولي نسخه جديده لان كل بياناتي عندكم، في الحالتين معنديش مشكله؟
قاللي لالا، برا الليبيا وتواصل مع الخارجيه وهم يتواصلوا معانا بعدين تعال عاود الاوراق.
انا رديت بشكل محترم جدا، قتلهانا الورقه طلعتها منكم وانا للاسف منبيش نمشي الليبيا عشان بس ورقه ونقعد بينكم وعارف ليبيا واسطات وانا معنديش واسطه ونبي ننهي وحدي. معنديش مشكله نعاود الاجرائات ونجيب نفس الورق.
قاللي انت متبيش تفهم وانا نحكي هندي وتعصب و و و.
انا طبعا قتله بارك الله فيك وسكر على وجهي.
توا خلونا من الموضوع، انا هنا عايش فوق العشر سنوات وتعاملت حتى مع ناس عنصريه لكن معمره حد حكى معايا بالاسلوب هذا، في حدود وفي مستوى معين مسنزلوش تحته. السفارات يحسسوا قيك جاي تشحت والمشكله يكون موضوع حله ساهل يعني ومش اول مره، لكن اسلوبهم ميتغرش.
ليش هم هكي نبي نفهم اليوم كله نخش عليهم لا شغل لا مشغله وميبوش يخدموا حد، تخش يوزعوك باي حاجه، تحصل واسطه بالتليفون تنهي!
السلام عليكم،
ليا خمس سنوات فاتح صفحه ونجيب في بضاعه اصليه ومعاملتي مع الزبائن ماشاء الله، وفي ناس تخش لكن الشغل راقد مش زي اول ما بديت.
اكثر شي مستغرب فيه ان الفولورز مش واجد يعني يدوبك 10k في خمس سنوات وفي ناس واصله لل90k في نفس الوقت.
شن الحل لو في حد ينصحني عالخاص شكرا وبارك الله فيكم.
السلام عليكم,
انا صاحب متجر الكتروني، وديما نعاني من مشكله الثقه مع الزبائن الجديده، يعني نقعد مش عارف هل هو فعلا واحد كويس ولا يبي يلعب برزقي وممكن يلغي ويفوتني ولا يسكر تليفونه ولا ولا.
المهم اليوم لقيت حل، والحل نقدر انا نتكفل بيه ونكون مسؤول عليه وانسق فيه، لكن الحل يبي تنسيق بيني وبين باقي المتاجر.
الحل حيفيدنا كلنا وهو شبه مضمون.
للاسف نقدرش نشرحه كله هنا ولو انت مهتم وتبي تساعدنا وتساعد روحك تعال خاص.
لما شفت اليومين اللي فاتن وكيف ليبيا تحرق على موضوع المونديال تقريبا اكثر من مصر والارجنتين، شفت كميه بوستات غريبه، ذكرني بأيام الثوره.
ايام ثوره 17 فبراير، كنا نطلعوا للمحاكم والمضاهرات وكانوا الناس يطلعوا في قصص غير موجوده على معمر، وكل حد يزايد في كره معمر والنظام السابق. وتسمع قصص زي نحن المفروض مرتب الفرد 5000 دولار ونحن نصدقوا بدون وعي وبدون اي دراسه ولا بدون اثبات ولا ڤيديوات، كلام شعبوي بالعربي.
نعم انا كنت منهم، بس برضوا كنت صغير ومفيش حد وعاني.
طبعا البوست مش على معمر ولا الثوره ولا الكوره، القصه ان في زمن الانترنت، ونشوف ڤيديوات مفبركه، بوستات عشان بس اللايكات وكذب عيني عينك، بس الناس تبي الكذب وتفرح بيه، ويزيد جهلهم.
انا قست العقليه بموضوع الكوره لانها كوره، يعني موضوع لا حيقدم ولا يوخر بليبيا ولا حتى ليبيا اللي تلعب، لكن الموضوع خش في الحلال والحرام وخششوا فيها اليهود وخششوا فيها ان الانسان الابيض عنصري وميحبنش وحاجات واجده.
يعني توا كوره وخلتنا هكي، لو مثلا كان في موضوع كبير في الدين ولا السياسه امالا شن نبوا نديروا فيه؟
واخر نقطه برضوا السب والشتايم برضوا،والمشكله الجمع، ييعني حتى وانت بعيد الشتيمه جايتك.
مستغرب ان النت قدامك وتقدر تبحث وحدك، لكن وقتك كله تيكتوك وفيس وهن الاثنين حيعطنك اللي تبيه، اذير لايك على معمر حيطلعنلك ڤيديوات ان هو بطل، تخش تشتم رونالدو في بوست حيطلعنلك رابطه كارهي رونالدو، وهكذا في الدوامه لعند تحساب روحك صح والناس غلط وتقعد تسب فيهم و اديرهم اغبياء.
فشت غل 🤣
ملاحظ مؤخرا ان الطلاق كاثر وقعد حتى تريند، مشكلتي مش هنا مشكلتي ان الوحده بعد كم اسبوع تطلع تقولك انا حامل.
ياناس تقدروش تصبروا اقل شي كم شهر قبل ما تجربوا تجيبوا بيبي؟ يعني لما الوحده تحمل هذا موضوع كبير ويخشن فيه قصص وحسبه اخرى.
اقل شي مثلا ست شهور تشوفوا جوكم مع بعضكم حياتكم هلكم وغيره وغيره. تقريبا كل كم يوم نسمع وحده تبي تطلق وهي ملهش سنه متزوجه وحامل.
شن رايكم؟
مفيش حد يحب ان بلاده تكون مستباحه لاي حد وفي حالتنا في ليبيا هي الناس اللي تجي من دول افريقيه مجاوره.
السبب الاول مش هم، لكن الدوله مفتوحه عالشارع حتى نحن الليبيين معندنش حتى وثائق صحيحه, انا مثلا مطلع بطاقه شخصيه من2011, ومن سنتين مشيت ندير اجراء قالولي بطاقتك غير موجوده عندنا وطلعت وحده جديده! تخايل اوراقي وحياتي من2011 كلها مبنيه عالبطاقه الشخصيه الغير موجوده!
المشكله هنا يصير خلط وبعدها يبدى الشعب يضرب فيهم ويتعنصر على حتى المسكين اللي جاي يشتغل ومش شوره شي.
ليش نحكي هكي؟ لان سبحان الله نحن الليبين برا ليبيا في اوروبا صايرلنا هكي بالزبط.
اوروبا مفتوحه واللي يجي يدير في لجوء ياخذ في مساعدات وميبيش يخدم وفي اللي يخش في طريق غلط وفي اللي يصرمح في الشارع وغيره، يعني مش احسن حاجه للاسف، عكس اللي جاي يشتغل ويقرا.
وتوا اوروبا بدت متميزش كلنا زي بعضنا والعنصريه كاثره. المشكله مش من الشعب برضوا بس من الحكومه، لان هم ميرحلوش في المجرمين ويستقبلوا في اي حد وهكي الشعب صارله زينا قعدوا يقولوا ان الافارقه والعرب في كل مكان.
العنصريه من هنا تبدى، تكره شعب ولا مله بسبب فشل الحكومات مش الجنسيه نفسها.
حبيت نعبر بس مش اكثر
خلونا نستفيدوا من بعضنا ونشاركوا بعضنا في النصائح.
لو تبي تتصح حد نصيحه وحده بس وتكون قصيره شن حتقول؟
انا نبدى: كل يوم خليك شخص احسن من اليوم اللي قبله.
ممكن العنوان شويه غير صحيح معرفتش كيف نصيغه بشكل ممتاز. لكن كلنا عارفين التربيه في ليبيا خاصه للعيال مش البنات، تلقى باته يفرح لما ولده يكون مثلا ضارب حد في المدرسه، يفرح لو يقعد رزيل، يكون فخور بيه بين المجالس ان ياخذ في حقه ومتنمر ويضرب ولا حتى قليل الادب.
زمان كنت نعرف عيل ميفوتش العشر سنوات، يقول في كلام انا منقولش فيه ويعاكس ويتفل ومفي حاجه الا ويدير فيها، خوته واقربائه يجيبوا فيه بين الشباب ويقعدوا يقولوله ورينا حركات وصياعتك الخ الخ.
هنا نحكيش على قوه الشخصيه ولا على ان تربي ولدك ان يعرف ياخذ حقه بالشكل الصحيح، لالا نحكي ان تربي في حد صايع وانت مش فاطن. ليش؟ لان تشوف في البلاد وتبيه يكبر ويعرف ياخذ حقه وحده لان ليبيا غابه. ونشوف في اباء فخوريين عالفيس, يحكيلك يقولك انا ولدي مربي المدرسات في المدرسه مش هم مربينه!
على الجانب الاخر لو ولدك متربي، يكبر تخاف ان حيقولك عيب وغلط وحرام والمجتمع الليبي يعفس عليه، هذا ليش اغلب الفئه هذي اللي نعرفها هاجرت لان عرفتش اتعامل مع المجتمع.
انا طبعا اكيد مع التربيه ومع تقويه الشخصيه لكن في الحق.
شن رايكم؟
I came in 2015, I did my bachelor's and master's, I have been working full-time since 2019.
I applied in jun 2023 and got a response in 2026. So basically i got it after 11 years here.
السلام عليكم
الشركات الليبيه فقدت الامل منها ونبي حل جذري، قلت تحرب ستارلينك.
من مجربه وهل نقدر نشريه ونركبه في ليبيا ولا لا؟ وكم يكلف؟
خلونا نستفيدوا ونلموا أفكار اسثماريه طويله المدى.
بالنسبه ليا انا مستثمر في اسهم ونحط في مبلغ كل شهر ثابت فيهن منلمسش فيه، المبلغ 1000 دينار كل شهر.
الاسهم مختلفات ومتنوعه ومنهن كريبتو.
عطونا افكار.
تعالوا نحكوا عالتبو اللي مستحيل تسمع حد في المربوعه حيحكي عليه اللي هو الاكتئاب.
العبد لله شخص إيجابي وبعيد كل البعد عن الحزن ولا الإحباط، حياتي الحمد لله مستقره وسعيد. مع ذلك في فتره في حياتي يعني ممكن ثلاث شهور خشيت في مرحلة اكتئاب.
السبب كانن تراكمات بسيطه وصغيره يعني مهنش مشاكل كبيره، حاجات لا تذكر لكن وصلت المرحله ان معش عندي نيه ندير اي شي. للعلم يومي ديما مليان قرايه وشغل ورياضه.
الحمد لله طلعت منها المرحله وحاب نشارك تجربتي بالك نساعد حد.
- الاكتئاب ميكونش باين، بين الاصدقاء والاقارب مفيش حد لعند اليوم يعلم اني كنت مش كويس.
- الاكتئاب مش معناها واحد عيونه سود ويبي ينتحر والشكل النمطي، ممكن يكون واحد جنبك يلعب معاك في كارطه عادي.
- مهوش قله إيمان ولا بعد عن القران، كنت نقرا في القران كل يوم لكن هو المشكله صعب شركها ومش ببساطه تختزلها في قله ايمان.
- مهوش دلع، مهوش إختياري، البعض يحساب الناس تدلع ولا ادور في اهتمام ولا بس هو كان (يسترجل شويه).
- تأنيب الضمير، اكثر ناس تقسوا على نفسها هم نفسهم المكتئبين، لان يحسوا ان هم يدلعوا ولا قله ايمان ولا مفيش سبب واضح، فبشويه عليهم.
- الاكتئاب له درجات متاعي كان طفيف جدا يعتبر، يعني كان بس ان فقدت الشغف في الحياه وكل شي، في ناس توصل للانتحار، حاول تساعدهم ومتضحكش عليهم.
العلاج اللي ساعدني:
- غيرت اغلب روتيني، غيرت شغلي، غيرت السكن، وغيرت حاجات واجد.
- نقرا في قرأن كل يوم خاصه سوره ياسين والبقره.
- نحكي مع امي كل يوم.
- تعرفت على ناس جدد.
ربي يبعد عنكم كل المشاكل ويحفظكم.
شاركونا تجاربكم وانفعوا غيركم
هل في حد يعرف طريقه الحصول على جواز ثاني يكون قوي بس بدون العيش في الدوله المجنسه زي متاع الكاريبي.
السلام عليكم،
نفكر ندير كورس مكثف يكون فيه اساسيات البرمجه وكيفيه تطبيقها لتطوير مواقع.
الكورس يبي يكون احترافي يعني نبي نشارك فيه خبره عشر سنوات في السوق الالماني وحيكون الكورس تطبيق عملي وبعيد عن النظري.
حاب الاول نعرف هل في اقبال للفكره بصفه عامه قبل ما نتوكل ونبدى فيها ولا لا. اكيد حنشارك تفاصيل اكثر عالكورس لو بديت فيه لكن نبي نسمع رايكم.
ياريت تبعثولي خاص للمهتميين.
بارك الله فيكم
تحياتي
صادرت الشرطة الإسبانية ما يُعتقد أنه رقم قياسي وطني من الكوكايين من سفينة في المحيط الأطلسي.
شحنة مخدرات كانت متجهة الى ليبيا.
يقولك نبي نربي عيالي في ليبيا.
المصدر
Ich lebe seit 11 Jahren in Deutschland, davon 4 Jahre in Dresden. Heute habe ich zum ersten Mal ganz offen Rassismus auf der Straße erlebt.
Ich war mit meiner Familie unterwegs, in der Nähe der Altmarkt-Galerie, und habe einfach mein Ding gemacht. Dann habe ich einen Mann gesehen, vielleicht Mitte 40. Er hat laut auf Deutsch gerufen: „Wir müssen das hier sauber machen!“ – und es war ziemlich klar, dass er damit Menschen wie mich meinte, also Ausländer.
Ich wusste in dem Moment ehrlich gesagt nicht, was ich sagen soll. Ich habe nur „Bitte? Bitte?“ gesagt, und er ist weitergegangen und hat das Gleiche wiederholt.
Ich habe es erst ignoriert, aber im Nachhinein hat es mich schon getroffen. Vor allem, weil ich das Gefühl habe, dass man solchen Leuten eigentlich zeigen sollte, dass so ein Verhalten nicht okay ist und nicht einfach folgenlos bleibt.
Was meint ihr – habe ich richtig reagiert? Und wie würdet ihr in so einer Situation handeln?
لو فرضنا ان انت تخدم في ليبيا بالدولار وعندك حوشك وبسيارتك، يعني انت متريح مش ناقصك شي. وحصلت فرصه برا تخدم وتعيش عيشه متوسطه يعني مش ملك زي ليبيا، شن تختار؟
طبعا حط في راسك الاتي:
الجانب الاقتصادي، الصحي، الاجتماعي، الديني، حريه التعبير، وغيرها من الجوانب المعيشيه.
السلام عليكم،
حاب ندير برنامج ولا موقع يكون مفيد في ليبيا ومهوش ربحي، الناس تستفيد منه ويكون شي فعلا يدير فرق.
نبي أفكار منكم الحاجه فعلا ناقصه في ليبيا وياريت حد يطبقها.