مشكلة اخوات
هحكي مشكلة بيني و بين اخواتي والموضوع بجد بقى صعب
🛑لو شايف إ دي حاجة تافهة / متهمكش يبقى الكلام مش موجه ليك و احتفظ برأيك لنفسك 🛑
🛑🛑
أنا ف العشرينات مش صغيرة ، ليا اختين بنات ، بنستعمل من حاجة بعض عادي ، لكن حاجتي انا بيستعملوها بشكل مبالغ فيه ، حرفيا الميكب بتاعي كله بيستعملوه و بحس انه حق مكتسب ليهم ، لما بتكلم بيزعلوا و ازاي اقول كدة وبطلع انا اللي وحشة ، مقلمتي كل يوم اصحى الاقيها مفتوحة و٣/٤ اقلامي برة ومستعملة ، السكين كير بتاعي اللي بيخلص وبجيبه من مصروفي و مش بملاليم يعني وانا مصروفي حرفيا اللي جاي قد اللي رايح ، اكلي لو جايبة حاجة لنفسي و نمت لما بصحى مش بلاقيها وساعات مبعرفش اشتري تاني لنفسي، اختي دايماً بتستعمل تليفوني تتصور بيه وبتقعد عليه كتير هي عندها تليفون و مش صغيرة هي ف ثانوي بس تليفوني كاميرته حلوة ولما حاجة ميكب بتعجبها من عندي حرفيا بتفشخها استعمال و مش بتبطل لحد ما الحاجة دي تخلص وهي عندها ميكب وجايبة لنفسها ، بيستخدموا هدومي و طرحي وانا بستخدم من عندهم حاجات بس قليل اوووي نسبة للي بياخدوه من عندي ، كل شوية الاقي هدومي و الميكب بتاعي و حاجتي متنطورة ف كل حتة وبجد اتخنقت ولما بقول لماما بتقول انتوا اخوات و استعملوا حاجة بعض وانا معنديش مشكلة ف الفكرة نفسها بس بقيت بحس اني مليش حاجة بتاعتي مليش خصوصية كل حاجة مستباحة ولما اتكلم ف حاجة بيتضايقوا و بيكلموني وحش وانا مبحبش اطلع انا الشريرة اللي وحشة عشان بس عايزة احافظ على حاجتي وخصوصيتي!! انا بعرف بالصدفة ان في حاجات استعملوها كتير و حاجات بتخلص و حاجات بتتساب مرمية برة بعد مايستعملوها وبجد انا اتخنقت ! ممكن حد يفيدني يقوللي اعمل ايه ؟؟