تشوّهت رؤيتي للبنات …
لو حد كان ابتُلي بإدمان الإباحية لفترة، وبيحاول يبطل ويصلّح من نفسه، لكنه لاحظ إن الفترة دي أثرت عليه نفسيًا بشكل أكبر مما كان متخيل. بقى مش قادر يشوف أي بنت بشكل طبيعي أو بعين واقعية، كأن دماغه اتبرمجت على الصورة المشوهة اللي كانت بتظهر في المقاطع دي، وبقت هي المرجعية اللي بيقيس عليها كل البنات بدل الواقع الحقيقي.
المشكلة مش واقفة عند مجرد المقارنة، لكن بقى جواه إحساس أو تصور مزعج إنه يشوف أي بنت محترمة أو طبيعية، ويبدأ دماغه يوسوس له بصورة تانية عنها، كأن فيه جانب سيئ أو منحرف مخفي ورا الصورة اللي قدام الناس، رغم إنه عارف بعقله إن ده مش منطقي وإنه مجرد أفكار واتأثر بيها بسبب الفترة اللي مر بيها. لكنه مش قادر يوقف الإحساس ده أو يشوف الأمور بشكل تلقائي وطبيعي.
الموضوع بقى مسبب له ضيق وتعب نفسي، وحاسس إن نظرته للبنات وحتى لفكرة الارتباط والزواج في المستقبل اتأثرت بشكل مضايقه جدًا. وبقى خايف إنه لما يتجوز بعد كده ما يقدرش يشوف زوجته بشكل طبيعي وحقيقي، ويكون لسه شايل جواه تصورات وأوهام زرعتها فيه الفترة دي، فيفضل يشك أو يتخيل حاجات مش موجودة أصلًا بسبب الصورة اللي اتزرعت في دماغه.
هل حد مرّ بحاجة شبه كده؟ وهل الإحساس ده بيخف مع الوقت؟ وإيه اللي ممكن يساعد الشخص يرجّع نظرته الطبيعية للبنات والعلاقات ويشوف الأمور بشكل صحي وواقعي تاني؟