الحجاب والبطاقة وعايزه اعرف الراجل كان بيبضن عليا ولا ايه
روحت مول أجدد بطاقتي في القسم الـ VIP عشان أريح نفسي.
سلمت البطاقة للموظف بص في الصورة القديمة (وأنا فيها محجبة) وبص في وشي.. و قالي:
دي مين دي؟
قلتله: أنا
قالي: "لأ دي مش إنتِ خالص.. دي صاحبتك؟
ضحكت وقلتله: والله العظيم أنا، أنا فعلاً.
بصّلي بنظرة شك وقالي: "إزاي؟! إنتِ هنا بالحجاب وهنا من غير.. مش شبه بعض أبدًا. مش هقدر أصدق إن دي إنتِ.
قلتله إن البطاقة مش منتهيه لسه فاضل فيه شهور
قالي مليش دعوة لازم ضامن عشان الفرق في الشكل كبير قالي حتي لو روحتي الفرع الرئيسي في العباسية هيقولك نفس الكلام ورجعلي البطاقه بس اسلوبه مكنش احسن حاجه صراحه وانا اهلي بجد مش عايزه حد منهم ضامن المفروض بطاقتي لسه سارية ومحدش هيرضي ومحدش يقترح ان اجيب ضامن عشان بجد صعب اوي وبجد تقيل علي قلبي
وانا شكلي متغيرش معقول شوية الشعر دول عملو كل ده
بس سمعت إن الموقف ده حصل مع بنات وبنات تانية قالت الدنيا كانت smoothومحتجتش ضامن عشان حوار الحجاب، فأنا دلوقتي عايزه أعرف
حد مر بنفس الموقف وقدر يخلصه؟
فيه مكان أو طريقة نعمل بيها البطاقة من غير ضامن في الحالات دي؟
ياريت اللي عارف اي حاجه يرد عليا عشان زهقت والله