أب بلا قلب
أب بلا قلب…
مش اللي ماعندوش فلوس…
اللي ماعندوش ضمير.
الأب مش اسم في البطاقة…
ولا صورة على الحيطة…
الأب ضهر، وأمان، وحضن بيستقبل الخوف قبل ما يكبر.
في أب سايب ولاده يواجهوا الدنيا لوحدهم…
يصحوا من غير ما حد يسألهم: عاملين إيه؟
يقعوا… ومفيش إيد تقومهم…
يعيطوا… ومفيش صدر يحتويهم.
والأصعب؟
إنهم يبقوا عايشين… وكأنهم أيتام!
مش كل أب بيصرف يبقى أب…
ولا كل بيت فيه راجل يبقى فيه أمان…
الأب الحقيقي هو اللي يسمع قبل ما يحكم…
يحتوي قبل ما يقسى…
ويقف في ضهر ولاده… حتى لو الدنيا كلها وقفت ضدهم.
الولاد مش محتاجين فلوس قد ما محتاجين قلب…
مش محتاجين أوامر قد ما محتاجين حضن…
محتاجين يحسوا إن في حد لو الدنيا كسرتهم… هيبقى أول واحد يلمهم.
أوعى تسيب ولادك يكبروا وهم بيستحملوا وجعك بصمت…
أوعى تخليهم يدوروا على الأمان بره…
لأن اللي مايلقهوش منك… ممكن يضيعوا وهم بيدوروا عليه في ألف طريق.
الأب الحقيقي…
مش اللي خلّف…
الأب الحقيقي… هو اللي فضل👌
"من عرِفَ قِيمةَ نفسّه !
يُغادر…لا يُفاوض"
اللي يعرف قدر نفسه
ما يقفش على باب حد يستجدي اهتمام…
يمشي بهدوء،
ويترك الندم للي ما عرفش قيمته