أنا بس ولا حد زيي
عندي مشكله بقالي اكتر من تلت اسابيع وعموما من صغري وانا كدا بس الموضوع زاد.جلمد.اوي الفترة دي اني بتحرك او اغير مكاني بعطس كتير خمس عطسات اربعة ورا بعض حرفيا وواحدة بعديها بثواني غير او لما اجي اعمل اي حاجه مثلا اروح لأوضة تانية بعطس بشم حاجة تقيلة بعطس عطستين ورا بعض والفكرة ان مناخيري بطلع كل المخاط اللي جوا حتى لو نفيت فبيبقى منظر مش حلو خالص المخاط ع ايدك وميا من بوقك وعينك بتدمع
لما الهوا بيتغير من بارد لدافي بعطس او العكس
اول مااصحى بالنوم بعطس
لو بنضف بس او بشيل تراب بعطس
لو الجو بيتغير بعطس
لو في مروحة شغالة بعطس تكيف شغال بعطس بردو
ببقى نايمة عادي واصحى مرة واحدة عشان اعطس وبيبقى النوم صعب بعدها
لو عملت اي نشاط حركي بعطس بردو
غير العينين اللي بتدمع معظم الوقت
مع شوية صداع بسبب كمية العطس دي بيخليني انام شوية في اليوم عشان الصداع يروح
بخلص ع الأقل كيس مناديل ٥٠٠ واحد كل تلت ايام بجد الموضوع بقى صعب بذات موضوع المخاط لما بيخرج غصب بيبهدل هدومي ساعات
بضطر البس كمامة معظم الوقت عشان لو عطست برة البيت مابهدلش نفسي
والفكرة اني بسمع ان قطرات اوتريفين ممكن تسبب إدمان ومناخيرك متعرفش تاخد نفس كويس من غيرها
دا بيخليني طول الوقت متعصبة وساعات من كمية العطس بحس ان وداني اتسددت وبتفك لوحدها بيخليني اعلي صوتي شوية وانا بتكلم فحد من اهلي للأسف بيتعصب عليا
بسبب العصبية والصوت العالي
الموضوع بجد صعب
حاسة اني الوحيدة اللي عندي دا خصوصا مع نظرات الناس وانا بعطس حتى لو بصوت واطي بتتمنى الارض تبلعك غير لبس الكمامة بردو بيخلي ناس تبص بصات غريبة
وموقف وانت بتعطس المناخير بتنقط ميا وأحيانا بتوصل لدم بيبقى محرج موت
الفكرة اني بسمع ان القطرات زي اوتريفين بتسبب إدمان فأعمل ايه ومش حلو بردو الواحد يعتمد ع الأدوية المناعية عشان شوية عطس وحساسية غير أدوية الصداع ..