قاعدة بفكر في ملكوت الله، وأجاني فكرة، ليش نحن النساء لما نبلغ بيطلع لنا ثدي؟ ليه ما نكون مثل بعض الثدييات يعني زي مثلا الكلاب والقطط، إنه لما بس تخلف وتولد، بيمتلئ صدرها بالحليب، بيكبر وبعدين بس تخلص رضاعة بيرجع زي ما كان. أنا بكره الثدي كره العمى وبتمنى لو كنت flat لهيك أفكاري بهالخصوص عكس معظم البنات 😂
ما بحب أحط مسمّيات أو labels ع حالي، بس أنا لا إنجابية، وجدّ ما بدي أولاد نهائياً. قربت عالـ٣٠، ولحد الآن ما حسّيت بأي رغبة أمومية، مع إني سبق واعتنيت بأطفال رضّع وبعرف أهتم فيهم، بس برضه ما حسّيت إنه هذا الاشي خلاني أغيّر رأيي بموضوع الإنجاب. وعندي أسباب كثيرة ليش ما بدي أطفال.
أنا حالياً مش بدوّر على زواج، بس بحب أقرأ البوستات هون، ولاحظت إنه أغلب الناس اللي بشوفهم بدهم يخلفوا. مرات بقرأ بوست وبحس إنه في كثير أشياء مشتركة بيني وبين صاحب البوست، وبكون متفائلة إني ممكن بيوم من الأيام ألاقي حدا بشبهني ببعض الاهتمامات وطريقة التفكير، وبعدين بوصل لجزئية "بدي ولد أو ولدين عالأقل" 😅 وبحس: آه، خلص، رجعنا لنقطة الاختلاف.
أنا مش اجتماعية أبداً، فما بعرف بالواقع إذا في ناس بعمري، ٣٠+، وعازمين إنهم ما بدهم أولاد نهائياً. بس من اللي بشوفه هون، بحسهم أقلية.
فالسؤال ممكن بتعرفوا ذكور، شباب، رجال على وجه الخصوص، ما بدهم يخلفوا؟
ما بعرف اذا هاد انسب صب لهيك بوست بس بقيّة الصبات مراهقين وجو تكفير وما الى ذلك
علاقتي بوالدتي مو أحسن شي. ما رح اتطرق للأسباب والتفاصيل بس خلينا نقول بفضّل والدي وفهمكم كفاية.
انا شكلاً بعطي عليها كثير. مرات بطلع ع حالي بالمراي وبشوفها وبعدين بكتئب وبصير بعيط. انا ماخدة أنفها وهو أكثر اشي بكره بشكلي ومرات بفكر انه جد بدي اعمل عملية (في المستقبل البعيد) لغرض تجميلي ولغرض انه بشبهها وبدي امحي ملامحها من وجهي شوية
الاشي نفسي بحت بعرف
بس حتى نظرة عيوني منها وما بقدر اغير حالي بالكامل. كثير بتكرر الموضوع، مرات صورة مرات وانا ع المراي. وبتجنب الصور وبتجب اطلع ع حالي عشان هي الأفكار
جماعة أنا عندي مشكلة بالتعبير عن نفسي بالذات بالعربي
عندي كثير آراء وأفكار لكن ما بعرف أصيغها وببين مثل الأولاد الصغار لما بدي اطرح فكرة
دراستني من سنين كانت بلغات أجنببة وبالجامعة أكيد كان كله انجليزي
والله مرات بعرفش احكي كلمتين ع بعض
وبدور ع كلمة براسي بالعربي بكون بعرفها بالانجليزي بلقاش مرادف
وجربت أقرأ كتب بالعربي بس ما بعرف اقرأ بلا حركات، للأسف الشديد يعني، وكمان ع شغلة القراءة، فش تركيز، بحاول وبعيد الصفحة عدة مرات ما بتدخل راسي، كله من التلفون، مدى الاهتمام عندي سيء جداً
كيف احسّن من خطابي؟ جد بحكي، ما بلاقي محتوى عربي استمتع فيه يكون بلهجة قريبة عليي، وبديش اصير ارمي كلام بالمصري او بالسوري زي كاني حافطة مش فاهمة
ما بدي أكون بليغة بالعربي ولا شاعرة، بس اعرف احكي هالكلمتين
كيف في نسوان بتكون لافة الرجال زي الخاتم باصبعها وبكون خدام تحت رجليها؟ اكيد انا ما بدي هيك بس كل اللي مروا عليّ والقصص اللي سمعتها بده يتسلى فيها او بده يتحكم فيها
شو اللي ممكن يكون عند امرأة تقدر تسيطر ع الرجل فيه؟