ليش بندعي إذا الله ممكن يستجيب و ممكن لا إذا استجاب بنحكي انه الله استجاب الدعاء و إذا ما استجاب بنحكي الله اختارلنا الي فيو الخير يعني شو الفايدة انه ندعي و بعرف تفكيري غلط بس يعني بقدرش اضحك عحالي و أنافق ع حالي و اسوي حالي راضية ب الي اختارلي إياه الله و أنا جد بقلبي مش راضيه ولا مبسوطه و بدي ارجع احاول كيف ادعي بيقين عشان الله يستجيب و أنا بنفس الوقت شاكه انه حيرجع ما يستجيب ماشي الله حيختار الي فيو الأحسن النا بس بقدر يستجيب دعائي و يكون برضه خير الي مش صعبه عليه كيف أكون مبسوطه باللي اختارلي إياه عنجد مش تمثيل عنفسي او ارجع ادعي بيقين و إيمان بدون شك بالاستجابة كيف أزيد إيماني فيه لأنه بحاول أرضى بس مش زابطه و ارجع ادعي و أتيقن بقدرته بعرف ما بصير استعجل الاجابه و ممكن تأخرت الاستجابه عشان في خير بتاخيرها و برضه ممكن أصلا بالمره ما يستجيبها جد مش قادره …بعرف الحكي هاد مش صح و ممكن عشان تفكيري هاد الله ما استجاب بس جد كيف ادعي بيقين و ابطل أفكر هيك من عمقي والله بدي كلام منطقي و حدا فاهم و عنده إيمان كبير بربنا و عنده تجربة صارت بحياته لأنه أنا بهاد الطريق صارلي سنه و لسه مش شايفه الخير الي اختارلي اياه و برضه حاولت و ما زبطت كيف ارجع احاول و ادعي إنها تزبط من قلبي بدون ما يكون تفكيري هيك أنا بآمن بالله و ما بحكي إني مثاليه و عندي معاصي زيي زي الكل بس جد بدي تحكولي بديش أصير ملحده ولا من الحكي هاد بس برضه التفكير هاد بيجي غصب عني بقدرش اكذب عحالي و اضحك و أمثل ع حالي يعني باشي بقلبي مش قادره احس فيو …شفت شيوخ بحكو عن الدعاء باليوتيوب و هيك بس برضه يعني ما اقتنعت حاسه بدي احكي مع شيخ او حدا فاهم بالدين و الشغله هاي بالذات عشان اقتنع و لو بتعرفو حدا معين ياريت
يخوان انتوا مش مستوعبين الارهاب والاجرام الي صار بمطار الملك خالد بالرياض ،
309 جريح و12 وفاة ومن جنسيات مختلفة
يخوان منحكي عن ناس عاديين مش عساكر ولا اشي .
الله يرحمهم بكل حال واتمنى الرد السعودي يفوق التوقعات.
وليش ما بحبّوا من غير شهوة، وليش لازم يحكي إنّه الشهوة تعبير عن حبّه؟ وهدول الناس بتزوّجوا نفس البنت بالآخر ولا لأ؟ ولا بتكون مجرد لعبة بتسلّى فيها؟
The weather tonight is perfect. If I had a hammock I would sleep on the roof.
It feels like the last day of summer…the calm before the storm. ⛈️
أتمنى قبل ما تهاجموني تفهموني شوي وتفكروا بكلامي حبتين انا اكيد مسلمه الحمد الله وملتزمه بصلاتي وديني بفضل من ربي لكن الي سنين بعاني من الحجاب كل يوم بلبسه بكرهه حالي أكثر وأكثر صدقوني مش ضده انا ولا يمكن اني احكي انه مش فرض أعوذ بالله!! بس كيف البنات المحجبات بحبوا حالهم بالحجاب؟ انا كلامي هون موجهه للبنات والبنات المحجبه بالأخص جد كيف بس علموني بتحبوا حالكوا كيف فياتو انا جد كثير بحترمكم بشوفكوا قدوه كل ما البسه وكأني لابسه قناع اقسم بالله كثير اشياء نفسي اعملها ولكن لا تتماشى مع الحجاب ولما البسه كثير اشياء بتعبر عني بتروح وجمالي كله بختفي! انا بدونه والحمد الله طبعاً جميله جداً والناس لما تشوفني بدونه بنصدموا اني نفس الإنسانه حرفياً ما بصدقوا 😅 حاولت احبه والبس أشكال حجاب و احب حالي مااااا قدرت لدرجه كنت ببكي قد ما انا نفسي احبه وما قدرت للأسف بكرهه بكرهه كاني لابسه قناع وبحس حالي منافقه وبكذب ع حالي كل مره بلفه ع راسي بتطلع ع حالي بإحتقار وبسأل حالي انتِ حاطيته عشان ربنا ولا عشان مجتمعك ممكن السبب اني لبسته إجبار او مش عارفه جد شو السبب وشكراً مقدماً انا بحب ربنا واي اشي يقربني اله وبس ما بدي منكم اشي غير المساعده عشان ما اعيش هاد الشعور البشع كل يوم وشكراً الكم 💝
أنا دارس هندسة و pi بالنسبة الي 3.14 وشوية فراطة وخلصنا. المهندسين معروف أنهم بعملوا شغلات تعتبر بالنسبة لجماعة الرياضيات غلط (strictly speaking)، وبتذكر أيام الجامعة كانوا الدكاترة يضلوا ينكتوا عالموضوع ويقولوا المهندسين اغتصبوا الرياضيات….دكتور ال thermodynamics كان يشطب ال dx من طرفين المعادلة ويقول لو يشوفني واحد mathematician رح تصيبه جلطة لانه هاي الحركة مستحيل يعملها قبل ما يثبت ال function انه static partially differential (صراحة ترجمة حرفية من الألماني ما بعرف إذا هيك بتنقال بالزبط بالإنجليزي). دكاترتنا كانوا يقولوا احنا المهندسين بهمنا التطبيق على ارض الواقع واتركوا هاي السوالف لاصحابها. مع ذلك الفضول المعرفي بخليني احيانا نفسي افهم ال mathematical concepts بطريقة أعمق. أنا pi محيريتني من زمان والمصيبة انها من ابسط الأمور اللي محيريتني. لا يجي حدا يقلي لانو لو قسمنا 22 على 7 رح نظل نقسم لمالانهاية ورح يضل في باقي. هذا مش جواب على سؤالي لانه pi و 22/7 مش متساويات. 22/7 هي مجرد تقريب لقيمة pi على صورة كسر وهي عدد rational بعكس pi. اقرب تفسير للموضوع سمعته انو ما بدك تفكر ب pi على انها عدد على خط الأعداد. فكر فيها على انها مساحة دائرة. لو بدك تحسب هاي المساحة بالطريقة التقليدية بدك ترسم أنصاف أقطار وتعمل منها مثلثات وتجمع مساحة هاي المثلثات، وهذا الحكي رح يستمر للمالانهاية لانه ما رح تصل لمرحلة يكون عندك عدد ثابت من المثلثات وتكون غطيت مساحة الدائرة بنسبة 100%…. الكلام هاد منطقي وعالعين والرأس وبقرب الفكرة اكثر بس مع ذلك مش حاسس حالي فاهم 100% والتفسير نفسه بطرح تساؤلات جديدة بمخي….. احنا بنقدر باستخدام ال calculus نحسب مساحة منحنيات معقدة ب 100% accuracy وبطلع معنا finite number …. مش الفكرة من ال integral انك بتجمع عدد لا متناهي من الجزيئات؟ طب اشمعنا الدائرة مش زابط معها الموضوع؟ أنا فاهم انه الدائرة بتنوصف بل periodic functions بس برضو السؤال بضل اشمعنا؟ لا حدا يجيبلي جواب من الذكاء الاصطناعي لانه سألته وبرضوا مش فاهم. بدي عبقري رياضيات يفهمني اياها بالبلدي لانه راسي رح ينفجر 🤯
هسه جد عندي سوال كثيييير ناس خصوصا عرب اختلفوا عليه ،
انتوا بتشوفوا افغانستان وطالبان ارهاب وتشدد وذبح ولا ناس مسكينة قاومت الغزو الامريكي؟
شو رايكم فيهم بشكل عام ؟
طلعت مع شب مبارح واليوم بصحى بلاقي فيديو الي منزل على سبوتلايت سناب لو حد بعرفه يشوفها باكل هوا بروح بستين داهيه
ومابرد علي
بستغيث فيكم حد يساعدني من بعد الله صار عليه ألفين مشاهده مشان الله ساعدوني
يعطيكم العافية ، عندي اسأله بدي حدا يجاوبني عليها ، أنا شخص ما عندي خبره كثير بالحياه يعني بكل بساطه ما بحب اكون ابو العريف ، أنا بحب اسمع واتعلم وافهم ، القصه أنا شخص بفكر لما أتزوج أني ما بدي اخلف يعني بدي عروستي هي أصلا من الله ما بتخلف او بنت عاديه بس زي تفكيري ، بكل بساطه أنا بشوف الخلفه اشي صعب مو مزح يعني الطفل بده اهتمام ورعايه لانه مابدي احكي لابني ما معي اشتريلك كذا ، او اسويلك كذا ، وغير هيك الزمن هاذ كثير صعب وكل جيل بيجي بكون أصعب من الي قبله ، وأكبر سبب بخاف إذا نفصلت أنا وزوجتي وقتها الولاد راح يضيعوا ، لاني مريت بهاي التجربه بس الحمدلله ما ضعت بالعكس شديت حالي رغم الظروف وضايل شوي وبوصل لهدفي بإذن الله ، بس سؤالي ليش لما احكي لحدا ما بدي اخلف بحسه بزعل او بحسسني اني سايكو مثلا ؟ وليش اكثر الي يتزوجو جديد بعد سنه بكون عندهم طفل ،؟ يعني ليش ما يعطو حالهم فرصه عشان يتعرفوا على بعض اكثر ؟ يعني ممكن جوهم بالعلاقه ما كان مناسب وطيب وقتها الطفل شو بصير عليه إذا قررو يتركو بعض ؟
قط يقز مكررا
قاعد قعدة مؤذية نفسيا ومحتاج اهرب .. ف تعالو كلكو اهربو هون نفتح البوست زي كانو شات .. شغل جارات الفيسبوك سنة 2014 ..
السلام عليكم انا عارف القروب مش لهيك بس رح احكي، اليوم عيد ميلادي و كالعادة ما حدا تذكرني او عايدني مع انه عندي معارف بس ماحدا بعثلي وتذكرني مع اني بتذكر وحافظ عيد ميلادهم وببعثلهم وحتى اليوم بعثت لناس بنفس يومي ماقدرت ما ابعثلهم حسيت حالي مش كويس اذا ما بعثت،
كيف الاقي الصاحب؟ كيف الاقي شخص او ناس فعلا تحبني وبتشبهني عالأقل لإنه الإشي بحز بالخاطر وبحرق وبزعّل إنك وحيد ومش محبوب ولحالك وماحدا بتذكرك او مهتم يصاحبك و شكرا الكم جميعًا
شو اسلوب بمشي بالاردن بالمفاصله مع البايع؟
بدون ما ابين حالي قليل ادب او بخيل، بس القصه انه البياعين هون بتعلي بالسعر كأنه عارفين كل الناس راح اتبخس بالسعر. غير انه لما اعرف اني اشتريت شغله اكثر من نص سعرها الاصلي، بتحس كأنه واحد ضاحك عليك 💔
حبيت اسئل هون لانو اكيد يوتيوب ولا شات جي بي تي بعرف بطريقتنا واسلوبنا بالبيع
العلاقات الإلكترونية ( صحبه , relationship ) whatever و ليه ؟
شو رايكم فيهم بشكل عام
عندي إنترفيو لوظيفة فني كهرباء بشركه كهرباء، ومبدئيًا كنت ناوي أروح على المقابله بلبس عادي ومرتب، بس صحابي (عندهم نفس المقابله)
بحكو لازم تلبس بدلة كاملة او قميص مع بنطلون قماش كفاية، وأنا بصراحة مش عارف شو الأنسب لانها وظيفه فني كهرباء مش وظيفه مهندس ولا IT مثلا
ولا الموضوع كله انه لازم بدله