u/AdLittle5751

مشقادره اقرا

يخوان مش عامله البنت الإيزي والمكتئبه و البنت الإيمو بس جد ساعات بسأل حالي هو احنا ليش عايشين؟ بعرف عشان نعبد الله بس قصدي في اشي ثاني؟ في هدف للحياه؟ في سبب يخلينا نكمل نعيش بشغف؟ حتى شغف مافي انا بصحي من النوم بدعي اليوم يمر بسرعه وليش يعني؟ كثير مرات بحط هدف قدامي و برضو الهدف بتحطم من اهلي و مجتمعي و ظروفي الي اصلاً ما بتسمح اني احلم ويكون عندي طموح.

مش انه بآمن بشغلات العبثية و العدميه بس جد انا عايشه لأني مش قادره اموت ومتحمله حياتي المتوفره مش الي بدي ياها وبقدرش اوصل للحياه الي بدي ياها بيوم وتعبت اعيش ع امل التغيير و ع امل اني اعيش اشي حلو بالمستقبل لا دراسه بحبها رح ادرسها (اهلي مش عاجبهم حقلي) لا جامعه بحبها رح ادرس فيها لا حدا بحبه ممكن اكمل معاه😅... يعني شو الي مخليني اكمل شو الي حيخلي عندي شغف ادرس سنه ثانيه ونا عارفه انه لا جامعه بدي ياها رح ادخلها لا تخصص بدي ياه رح ادرسه لا مكان بدي ياه رح اعيش فيه حياتي مش بإيدي ولا عندي قرارات ولا عندي خيارات اصلاً

عمري ١٧ و السنه الجايه بصير طالبه جامعيه بس حتى لبس ما بقدر اقرر حتى طلعه ما بقدر اطلع مش اني البنت الي بدها تتحرر وهاي الشغلات الغبيه بس نفسي بيوم اقرر اشي اعمل اشي بحبه اسوي اشي انا بدي ياه انا اختار ع الأقل حتى لو الخيارات هم الي حاطينها بس فش ولا اشي 😅

انداري