r/Askmasr

مع ام ضد الست الي بتشرب سجاير او مثلا دخلت ف علاقه وهيا قالتلك نفسي اجرب او كانت بتشرب في العموم موافق او لا

عندي عدم تركيز نهائي في اي حاجة بعملها في شغلي وفي الصلاة ومش عارفة انجز اي تاسك خصوصاً في الشغل وبقيت اقول بكرة هكمل التاسك دي عشان اكون مركزة او فايقة الموضوع اخد مني وقت وتسويف ومضايقة من نفسي وحاسة بالفشل

اختي كانت شغاله كول سنتر لمده سنه بعدين قعدت فتره عشان الشركه مرضتش تجدد العقد في المده دي اهلي رفضوا الكول سنتر تاني بسبب مواعيده اللي كانت بتخليها تصحي بليل و تنام الصبح

فقدت كمان سنه في البيت مبتعملش حاجه حاولنا نقولها تشتغل اي حاجه تانيه بس المرتب طبعا مختلف

انا حاولت أقنعها تتعلم مجال تاني تقولي انا لسه هبدأ من الاول

دلوقتي اهلي زهقوا و وافقوا أنها لو عاوزه ترجع الكول سنتر

هي بقت مش عاوزه ترجع تستغل تاني عاوزه تقعد في البيت و بس

المشكله مش قعدتها في البيت قد ما هي بتقعدنا في مشاكل و بس

بترفض تعمل اي وظائف منزليه، مانعه تاكل اكل امي، كانت بتقول كلام يوجع لامي و انا كل اللي فأيدي ازعق و اشخط بس فيها عشان تسكت

كلمت معاها كذا مره

انا تعبت و المشاكل دي بتأثر عليا و علي شغلي عشان بشتغل من البيت كل يوم في خناق انا دماغي انفجرت

لو حد عنده خبره في حجات من كده ياريت يساعدني انا بجد مش قادر اركز علي نفسي

انا مبضون فشخ من حياتي ومش عارف اعمل ايه انا لسه مكمل ٢١ سنه ومش مستوعب ازاي وصلت للسن دا بسرعه وكمان ساقط سنتين ف الكليه يعني هتخرج ولا ع ال ٢٤ ( كليه حقوق ومش حاببها ولما اتخرج مش هشتغل بيها) واهلي ميعرفوش اني ساقط سنتين وفاكرني هتخرج السنادي ، وسيبت الشغل وقاعد عاطل حاليا ، مش عارف اعمل ايه دلوقت وازاي اعوض السنتين دول ولما اتخرج متأخر كدا هعمل ايه برضك وحوار اهلي دا باضني فشخ انهم ميعرفوش اكيد هيجيلهم صدمه وهيشوفوني فاشل ومش عارف ايه

دا غير طبعا احساس ان متأخر عن كل الي حواليا وشايف دفعتي بتتخرج السنادي

مساعدة

محتاج دكتور اسنان يوضحلي شي مهم

عملت تركيبه لسنتين قدام في فمي

بس عندي مشكله اني بقالي سنه مش متعود عليهم وروحت لدكتوريم قالولي كل شي تمام

عندي مشكله انهم مش مجوفين حد فاهمني

ياريت لو حد من دكاترة السنان يساعدني ويقولي

أنا حالي بقالي 23 ساعه من ساعت اخر مره شربت فيها سجاير أنا حابس نفسي في البيت علشان مش بشرب في بيتنا نزلت مرتين اشتري حاجه اتسلا كنت متعود لمه انزل اجيب طلبات أو حاجه زي كده بتكلم في التلفون ت بولع عملتش كده النهارده حاليا حاسس اني عايز انام و خمول ت عايز اشرب سجاير مش احساس الهرش بس عمتا أنا بحبها بس الفتره الاخيره حسيت بالفلوس الي بتترمي و الصحه الي انعدمت ممكن ارجع لها لمه اكون احسن بس حاليا يا رب ابطل خايف اقعد حابس نفسي يومين كده و لمه انزل ارجعلها

عايزين كافيهات الواحد يعرف يعط فيها في القاهره علشان معظم كافيهات القاهرة بقت بضان وياريت الي يجاوب يكون مجرب

عندي شويه افكار اني اروح اغير اسمي انا طول عمري كنت بحب اسمي وعادي مش شايفه ان في مشكله او عائق بحبه بس من فتره سمعت ان الاسم قديم جدا وانو مش حلو وعواجيزي وحد قالي قبل كده انتي ازاي اسمك مروه لازم يبقي اسمك نانسي ساعتها فكرت في اسمي كتير وكنت عاوزه اغيره تاني يوم الصبح مع اني طول عمري بحب اسمي اوي اسمي قديم اوي فعلا؟عندي 21 بلاقي البنات اللي معايا في الجامعه اساميهم جودي وجومانه ومريم وملك وانا اسمي مروه هو الاسم فعلا وحش؟

بقالي كتير مستحمله بابا انا واخواتي وهو انسان مريض نفسيا مامتي اتطلقت منو وسابتنا احنا نواجه اختيارها دلوقتي بقا انا عايزه اهرب من البيت واستقل لوحدي عندي 18سنه هل يقدر يرجعني عن طريق بلاغ بغيابي؟ ملحوظه عيله بابا صعبين وبمعني اصح بلطجيه المفروض اعمل ايه؟ هو بسبب حكم السن مبقاش يضرب بس كلامه وشخصيته مش بتتهد وكمان متجوز مره تانيه ومخلف ولدين وكلهم بيظلمونا كده

السلام عليكم يا شباب يارب جميعا تكونوا بخير
بعاني من مشكلة في النسيان رهيبة جدا بنسي تفاصيل كتيرة واحداث قريبة حتي اسماء الاشخاص ممكن لو مشفتهوش شهرين او تلاته انسي اسمه بالرغم من المعرفة السابقة لينا
انا شاب 21 سنة ومش بعاني من اي ادمانات والحمد لله
هل حد بيمر بنفس التجربة دي
دكتور اقترح عليا علاج يحتوي علي اوميجا 3 و جينسنج منفعش
ودكتور تاني قالي علي مالتي فيتمين مع حبوب
مميكسا تقريبا حاجة قريبة من ده هي حبوب مصرية بديلة لحبوب مستوردة غالية شوية مقارنة ب المصرية
برضو محستش بفرق بالرغم اني مشيت علي كل علاج دة لا تقل عن شهرين
اي مقترحات عشان الموضوع بقي مأثر عليا في تذكري للحاجة الي بذاكرها وكمان بنسي تفاصيل اقدر ارد بيها عن حد بيهاجمني او يظلمني او يقول عني حاجات وكلام معملتهوش وفي بعض الناس حاسس انها بدأت تستغل الجزئية دي وتقولي انت قولت كذا وانا فاكر اني مقولتش
شكرا جدا ليكم واسف علي الاطالة

انا حاليآ بين خيارين في خيار عارف هوا ايه وتاني لو كملت فيه مجهول وحاليآ واقع في دوامه من الخوف من الندم

انا سافرت السعوديه مع شخص كان صحبي زمان قعد تقريبآ ٤ سنين في السعوديه فنزل مره وقالي ايه رأيك تيجي معايا فرحت معاه بتأشيره عمره على اساس اشتغل هوا شغال أعمال حره ديكور واشياء تركيب وكده فلما وصلنا بتفاجئ اننا فضلنا قاعدين تقريبآ فوق الثلاث اسابيع من غير شغل فهنا قلتله حرجع البلد قالي ليه واصبر وحيبدأ الشغل مع بدايه السنه الدراسيه بدت السنه الدراسيه وفعلا بدينا نشتغل بس شغل متقطع يعني يوم نشتغل و٤ ايام لا وكده فكانت الفلوس مش مكفيه مصاريفي فيدت تيجي في راسي فكره ارجع انت مستفتد حاجه وايوه على فكره كنت ناوي اتعلم المهنه الشغل يعني فبتفاجئ اني مجرد صبي بجيب اغراض وبحمل اغراض وبس فبديت احتك مع صاحبي كذا مره وكنا طبيعي نرجع اصحاب لين فتره بديت اشوف اسلوبه معي اتغير جدآ بقا مش بيقلي تعال معايا ولا اكلت ولا نروح هنا ولا بيكلمني الى نادرآ حتئ كان في المرات اطلب منه بعض الأشياء فيرفض وبنفس الوقت يطلبه صحبه التاني بيوافق لا وهوا بيضحك كمان يعني بيعامل الناس بطريقه وبيعاملني بطريقه لأخر مره وصل بيننا اني بشتمه من كثر الضيق واني انا جيت معاك بلد مااعرف فيها احد الى انت ومعاد تهتم فيني يعني انا مو طالب الأهتمام الزايد مجرد اسحبني معاك كلمني شوف انا محتاج ايه رغم اني مش بطلب ولله فكرهته وهوا بيهتم لزعل اصحابه الثانيين جدآ اما انا لا فليش جبتني ونصحتني من الأساس اني اجي معك ولله حاسس اني مكسور وتايه ومش عارف اعمل ايش ومليش اي هدف وفلوسي الي مخبيها بدت تخلص فقل هرجع وهنا وقعت بحاله نفسيه واكتئاب جدآ اني خايف اندم اني رجعت البلد وخايف هنا اني اصرف فلوسي وميبقاش معي ولا ريال وخايف ارجع لحياتي السابقه الي فيها فقر هوا فقر هنا كمان بس لما بشوف الناس هنا بحس نفسي اكون زيهم واعيش زيهم فبدي السعوديه فرصه تانيه ولفرصه الثاني ذي بتكون الأكتئاب فيها يومين وانا بين خيارين الرجوع ولا البقاء واستمر واكمل مدتي الي هيا ٣ شهور تأشيره العمره بس الشي الي مخليني افكر اجلس ان السعوديه كانت بنسبه لي من زمان انا احلم اروح لها لني مفكر حبني مستقبلي لما اوصل هناك بس اتفاجئت ان لازم شهادات وفيزه للعمل غاليه جدآ وواسطه فلأن ولله وصلت لمرحله انا مش عارف انزل البلد ولا اكمل ويجيني خوف اندم اني ضيعت السعوديه من يدي وخوف اني اصرف فلوسي هنا وارجع لا فلوس ولا شغل بلله حطو نفسكم مكاني لي تقريبآ شهر ونص ضايع وتايه مو عارف ايش اسوي دعيت الله يرويني الطريق الصحيح لاكن ماجاني اي احساس فتره احس ارجع واقول خلاص ارجع وبعدين يجيني شعور اني ممكن اكون خسرت فرصه ماتتكرر اني ضيعت فرصه السفر ذي وارجع لحياتي السابقه الي كنت فيها هموم ماديه جدآ جاوبوني بلله عليكم .

الصراحه عايزه اتعرف علي بنات ليزبيان
وكل ما انزل في صب يشيلوا البوست حاجه في منتهي العبث معرفش ايه الازمه في الموضوع
انا مش بطلب حاجه سكشوال انا بس عايزه اعرف ناس من الكومينتي بتاعتي مش اكتر