كأنو الالحاد صار موضة
انا ماأحب اتدخل في معتقدات الناس و ماعندي الحق انو اتدخل فيها ، بس مين لاحظ انو الوضع صار شوي غريب كثير اشخاص صاروا يلحدو و يسبوا الاسلام و المسلمين و أي شي سيء شخص يعملوا ينسبوه لدينه، ومن جهة اخرى كمان صار في اشخاص متعصبين و عندهم غلو في الدين ، مابعرف بس كثر كثييييير الحكي عن الدين في الفترة الاخيرة ،
بعرف انو الدين منذ قرون كان محط اهتمام الناس و دائما يحكوا عنو ، بس آخر فترة كثير صار في مبالغة في الموضوع ، يعني أتذكر انو قبل 10 سنوات الناس ماكانوا يحكيوا عن الدين كثير لهاد الدرجة.
وكمان اللي عم يزيد الطين بلة انو اشخاص ماعندهم خلفية علمية او علم بالأديان يطلعوا في السوشل ميديا و يحكوا (الطرفين الملحدين و المسلمين) يعني تلقى شخص مراهق قاعد يحكي في مواضيع كبيرة و يتفسف فيها ، لحتى الواحد يحكي عن الدين لازم سنوات من البحث و المعرفة و العلم في كل الميادين مش تقرأ كتابين و تفتح الكاميرا و تبلش تهبد.