u/Human_Can_78

بعد اسبوعين بيرسلون لنا الترقيات( وشركتي فيها ترقيات سنويه واغلب الموظفين يترقون)
انا:
وقت الضغط كنت موجوده وانجزت
اخذت اجازة امومه ٣ شهور
اخذت سكليف شهر
اخذت الانوال ليف شهر
اخذت اونلاين شهر ونص
( كل الاجازات ماكان فيه ضغط شغل)

مو حاطه امل بالترقيه بس جلست افكر هل ممكن؟

وهو مستغرب من كثر ماتذكر كل شي سواه

جلس يقول مو طبيعي كل شي قديم ناسي انا ولا اذا كذا اجلس اكتب كل شي بالملاحظات عشان اقدر اتناقش معك (يتهكم)

مايدري اني اتذكر كل شي لاني صدق اسجل بالملاحظات خههههه

تو انتبهت على صدري انه بدا يترهل مع الرضاعه وبكيت

مو عشان بس صدري

استوعبت كيف حريتي تقيدت

مخي طول الوقت شغال افكر في البيبي

تانيب الضمير بسبب اني اداوم واتركه

بطني تشققات

نومه متواصله معد فيه

السلام عليكم

عندي رحله من والى فينا لمدة ٧ ايام

الخطه كانت اوصل فيينا نريح فيها يوم- بعدين قطار الى براغ ونجلس ٤ ايام واخر شي نزجع فيينا ونجلس فيها يومين

يعني بشكل عام فيينا ٣ ايام

براغ ٤ ايام

بس فجاه حسيت ماذا لو دخلت مدينه ثانيه تصير

براغ ٣ ايام

فيينا يومين

مدينه ثانيه يومين

هل تشوفونها مناسب؟ واذا ايه وش تقترحون تكون المدينه الثانيه

او اجلس على تخطيطي القديم

الكلمه هذي تنزفزني بشكللللل

طيب صدق الحمدلله اول كنت ما اسافر والحين الديره اللي ابغاها اروح لها بدون افكر حتى بالماده

اول لبسي من ماكس واذا مره فسقت زارا والحين اقدر اشتري من اي براند

وصدق كنت اذا رحت مطعم تهتز ميزانيتي والحين مافكر بالفلوس ولا تجي ببالي حتى

مجانين مدري ماتبون احد ينبسط الا اللي وارث ملايين غير كذا لا انت حديث نعمه مايحق لك

طيب واللي تعب لين ماوصل لمستوى مغيشي يحلم فيه مو من حقه ينسبط؟ ولا اوكي تسمحون له بس بشرط انه يمثل ان الموضوع مو جديد عليه

طلع مقطع بتيك توك عن لما الدكتور يقول لاهل المريض ان باقي لمريضهم ٦ شهور ويتوفى

واشوف الكومنت كثير يدعون على دكاتره سوو نفس الشي وفعلًا مريضهم توفى بنفس المده اللي يقولها الدكتور

انا اشوف انه فعلًا الموضوع مو سهل على اهل المريض لكن يعني من واجبات الدكتور يقولهم اللي يعرفه لهم وبالاخير الاعمار بيد الله، ولا انا فاهمه غلط؟ لان حرفيًا كل الكومنتس يدعون على الدكاتره

اخوك موظف عمره ٢٧ سنه كل يوم يطلب امك تسوي له غدا (يطلع من دوامه يتغدا ويرجع يداوم ) طبعًا هي مو دايم لها خلق احيان تتقروش بس ماتقول له لا

لان انا يعصبني الموضوع خلاص امي وصلت لعمر المفروض ترتاح فيه مو بلشانه فيك بجميع مراحلك العمريه

بعد شهر من الحيره والتفكير بوجهه مناسبه تو حجزت طيران فيينا وبراغ وفجاه اعجبتني مايوركا وتيك توك كله قلب عندي وندمت مرررره تحمس

شلت مولودي برضعه ولما قرب جلس يحرك راسه بقوه يبحث بلسانه عن الثدي وبدا يرضع.

يعني رضيع لا بيده لا حول ولا قوه انا اللي ارعاه بعد الله وانا اللي رفعته ورضعته وغذاءه بيجيه سواء اجتهد او لا

جلست اتامل سبحان الله كيف فطرة الانسان في البحث عن الرزق ويكيف ربي هو اللي يسوق الرزق وهو اللي كاتبه قبل نكون على هذي الدنيا وحنا نعتقد انه باجتهادنا وبحثنا لقيناه.

شي بسيط بس جتني لحظة ادراك زمان كنت اشوف البيق فور حلم والحين وانا جالسه ارد على اتش ار EY

,, thank you I appreciate this opportunity, but I’m not interested at this time

صدق الحمدلله

اتامل البيبي اجلس ابكي

امي وابوي لما شفتهم انهرت ابكي

اول مره دخلت بيت اهلي بعد الولاده تذكرت وانا راجعه من الابتدائي لبيتنا وجلست ابكي

اتخيل البيبي لما يكبر واقعد ابكي

وكلها مو زعل بس كذا فيض مشاعر يمكن!!

ارجو مايرد الا اللي سبق لها تجربة الولاده

هل تشوفون ضروري يكون الزوج موجود لما تقرب الولاده خصوصًا انه يداوم بمدينه ثانيه تبعد ٣ ساعات او عادي يداوم لأن الزوجه جالسه عند اهلها ويقدر اذا بدا الطلق او اعراض الولاده يجي قبل تولد

اختي تبي تصرعني رسمي

تحتفل بزوجها بكل المناسبات وهو ولا قد احتفل فيها مابي اقولها شي اخاف تسمع مني وتجيها لحظة ادراك وتتنكد

تشاورني وتخطط للهدايا وحالتها حاله وهو ولا قد سوا لها شي باي مناسبه بالمقابل يهدي اهله ومستمره اختنا بالله ولا تقوله ولا تلمح له شي مع ان حالته الماديه فوق فوق فوق الممتازه ماشاءالله

بعد ولادة اول بيبي لهم ماجاب شي

بالاعياد يجيب لخواته كلهم وهي مايجيب لها

بالمقابل هي تسوي احتفال بالبيت وتهديه

ذكرى زواجهم نفس الشي

واخر صرعه اليوم مهديته جوال!! وهي جوالها ١٣ ومن قبل الزواج عندها ولا اشترى لها لا بالملكه ولا بعد الدواج ولا الحين

انا انسانه بسيطه راتبي كويس الحمدلله وماعندي التزامات واحب ادلع نفسي لكن جتني لحظة ادراك مؤخرًا انه انا وش جالسه اهابد!! يوميًا اداوم والتزام وتعب وبالاخير راتب كل شهر يروح وحرفيًا مدري وين يروح ( باستثناء قرض السياره واشتري ذهب احيانًا)

ماعلينا بعد هذي الافكار حزنت على نفسي وقلت بس لازم احط حد لهذي اللامسؤوليه،

ولكن…

لقيت نفسي ضايعه مدري وين ابدا وهل احطها باسهم او صناديق او استخدم تمره ودرايه (احسهم يناسبون لي لان ماعندي وقت ومعرفه عشان انا ادير محفظتي بنفسي). تقريبًا اقدر استثمر الفين في الشهر

لعل فيه احد يساعدني ويرشدني اهم شي عندي انه فلوسي ماتقل اما تزيد او مو مشكله تبقى نفس ماهي عادي

جالسه اسولف معه يقول يبي حلوه فائقة الجمال واحاول اقنعه ان الشرط هذا ممكن يكون سطحي شوي هذا غير عن انه الجمال نسبي ممكن انا اشوفها حلوه وهو لا او العكس فصعب احدد انا

قال وش يعني ابيها زيكم خواتي زيك انتي شلون صعب يعني !!

الله يسعدك ياشييييخ