نصيحة ل راجل مقبل على الزواج
دلوقتي انا هتجوز ان شاء الله اخر السنة و معايا مبلغ مالي شايله على جنب ف صورة جرامات دهب علشان الطوارئ لاني فقدت شغلي قبل كدا وقت الكورونا و قعدت سنتين من غير شغل .. ف اتعلمت الدرس اني اشيل قرش على جنب.
السؤال هو هل لازم اعرف مراتي بعد الجواز بالمبلغ دا بالاخص انى هشيله ف البيت اكيد لانه دهب ولا الافضل معرفهاش حاجة ؟.
خطيبتي مش حد طماع بس النفوس ضعيفة و انا مش عايزها تحس ان الامور سهلة و الفلوس موجودة علشان ساعتها لو طلبت حاجة تافهه و انا حساس انها تافهه زى موبيل جديد او كدا و رفضت ساعتها هتقول عليا بخيل لانها هتبقى عارفة انى شايل قرش على جنب … مش هتحسب بقا انى طلع دين امي علشان اجمع القرش دا و ان القرش الى هيتصرف مش هيرجع تاني.
ف عايز رايكم بصراحة كرجالة متجوزين .. هل بتقول لمراتك كل تفاصيلك المالية ولا الافضل متقولش علشان متجبش لنفسك مشاكل معاها ؟
و شكرا ليكم جدا