الناس اللي استثمرت فلوسها اولريدي .. ممكن تقولنا المحفظه بتاعتها عامله ازاي؟ ايه اللي حاسس انه اتاخر انه دخل فيه مثلا؟ او حاجه شايف ان مرجعه عوائد اكتر من المتوقع؟ و حد كسب من البيتكوين او العملات عموما كاستثمار و لا لا؟
بسال عشان عايزه ابدا اعمل محفظه ليا فباخد افكار
شكرا
بدور علي مشكله\خاصيه ناقصه في التطبيقات دي عشان احلها. رأيكم ايه؟
انا مش عارفة ابدا الكلام ده ازاي بس انا فعلا محتاجة مساعدة و ومش عارفة اطلبها من مين ف ملقتش مكان غير هنا لانه مش هيبين انا مين رغم اني محرجة جدا و مكنتش اتوقع اني اضطر اعمل كدة
انا داخلة تالتة ثانوي و اهلي منفصلين وبمر بظروف صعبة جدا البيت وبتعرض للعنف و الاهانة من الطرفين والله ربنا بس اللي عالم ب اللي بيحصل انا نفسي بس يوم بعدي طبيعي في البيت ده انا كل يوم عايشة في ذل
انا عارفة ان ناس كتير ممكن تشوف ان موضوع الدروس مش حاجة اساسية س بالنسبالي الدراسة هي املي الوحيد اني اجيب مجموع كويس و اقدر في المستقبل اخرج من الكابوس اللي انا عايشة فيه ده
أهلي قادرين ماديا انهم يصرفوا عليا في تالتة ثانوي لكنهم رافضين و شايفين اني فاشلة و مش هعرف اجيب مجموع مع اني بجد شاطرة و بجيب درجات كويسة بس هي مادة واحدة اللي بنقص فيها ف هما عاملين المادة دي حجة
كل الناس حجزت دروس و في منهم كتير بدأوا لكن انا لسة مبدأتش لان اهلي مش راضيين يدفعوا حاجة
حاولت ادور حتى على شغل بس ملقتش و اصلا صعب اوي اني اشتغل جنب تالتة ثانوي
عشان كده بطلب من اي حد يساعدني حتى لو بـ 5 جنيه بس عارفة ان 5 جنيه متعملش حاجة طبعا لكن لو كل واحد ساعد بالمبلغ اللي يقدر عليه حتى لو كان قليل المبلغ في الآخر ممكن يساعدني جدا
و لو مش قادرين تساعدوا ماديا حتى لو شيرتوا البوست اكبد هبفرق معايا جدا او حنى ادعولي ان ربنا ي يسر اموري لاني حقيقي تعبت من اللي انا فيه ده
اللي حابب يساعدني يبعتلي برايفت، انا هبعتله بيانات انستا باي او المحفظة اللي ممكن يحول عليها (ملحوظة: هما مش بتوعي دول بتوع صحبتي و هي هتديني الفلوس لاني معنديش لسة اصلا انستا باي او محفظة)
شكرا لأي حد قرا للاخر❤️
محتاج يبقى معايا كام عشان اقدر أدخل ٢٠-٣٠ الف في الشهر ويجيلي كأنه مرتب، حاجة زي وديعة البنوك بس عشان حرام عايز بديل ليها.
يعني مثلا لو معايا مليون وعرفت ادخل ٢٪ - ٣٪ زيادة شهرية هبقى عملت اللي عايزه
السؤال بقى هل دا ممكن؟ في حاجة مفيهاش شبهة او ريسك عالي تدخلي ٢٠-٣٠ الف [اللي عايز اعرفه أقل رقم ممكن يحقق الشروط دي وازاي].
كنت شغال في محل تحت بيتنا بتاع اكسسورات موبايلات و كلام من دا و من اول اسبوعين شديت مع مدير الفرع علشان محبتش الطريقة الي بيكلمني بيها و طردني بس كلمت صاحب الشركة و رجعني و اتصالحنا و بتاع و هما عموماً تلت محلات و مسميين نفسهم شركة
المهم مع الوقت مع أن حاجات في الشغل كرهتها زي أن ناس كتير بتعاملك اكني اقل منهم علشان لسا جديد و مثلا اكون بكلم زبون يقاطعوني طبيعي جدا ( دا برضو سبب الخناقة الاولى علشان اتدخلت في كلامه و هو بيكلم زبون و اتعصب جدا مع أنه بيعملها معايا يومياً) المهم كنت بديت اتأقلم و اتخانق مع ناس تانية شوية و شوية شغال عادي و في الغالب صفيت مع الكل و بقيت كويس و بنتجدعن مع بعض
المهم امبارح حصلت مشاكل تبع الشركة و مضطرين يمشوا حد و عايزين يمشوني انا قالولي انت اخر شهر ليك معانا بسبب مشاكل في الشركة و ظروف (مش بيكذبوا) و فيه جزء منك برضو كان متوقع منك احسن و انك تتحكم في ردة فعلك احسن و كان متوقع منك تتعلم اسرع و طريقة تعاملك مع العملاء
بالرغم اني كنت ببيع و بتعامل و سابوا ناس كتير مستواها اقل مني و مكملين عادي
كنت بقبض 4 و بشتغل عشر ساعات أو 12 و مفيش مواصلات ولا اكل علشان المكان تحت البيت بالظبط ف بطلع اخد بريك و اعمل الي عايزه
الي مزعلني منظري قدام اهلي ايه و قدام نفسي وانا ممشيني من شغل كدا بالطريقة دي
انا عندي 17 سنة و داخل تجارة انجليزي سنة أولى
غالبا دا الشغل المتوفر قدامي حالياً أو حاجات مشابهة في محلات و عبودية و كدا انا الانجليزي بتاعي كويس جداً بس مقدرش اشتغل كول سنتر بسبب السن
اموت واعرف هو ازاي بخسر أو اكسب لما اخد قرض بضمان الشهادة
لو معايا شهادة بمليون وخدت قرض ب ٩٠٠ ألف
وعملت بالقرض شهادة تانية (بعد خصم ١ في المية مصاريف إدارية)
مش كده هيبقى بدل ما عملت شهادة بمليون
يعتبر عملت شهادة ب مليون ٩٠٠ ألف وبعد ما اعمل net لفوايد الشهادة والقرض
هيبقى معايا مليون ٩٠٠ في الاخر بدل مليون بس
انا مبقولش انها فكرة حلوة انا عاوز افهم عشان موظف البنك بيقنعني بيها
من الحاجات اللي اشتغلت فيها وكان دخلها قوي بالنسبة لي إن المنتج استهلاكه عالي وقيمته كويسة مقارنة بالمساحة اللي بياخدها في الشحن ومهما زادت الكمية مش بتلاقي نفسك محتاج مساحات ضخمة والأحلى إن البضاعة كانت بتتحرك بسرعة ومش بتقعد في المخزن فترة طويلة وده كان بيفرق معايا جدًا لأن بعد ما يكون هامش الربح مناسب سرعة دوران رأس المال بتخليك تقدر تدخل في شغل أكتر بنفس رأس المال وكنت بتعامل مع موزعين بياخدوا مني بسعرهم وبعدها كل واحد بيبيع بطريقته وده كان مريح لأن أنا بحط التارجت والهامش اللي يناسبني والباقي بيكون عند الموزع وفي الآخر رغم إن الشغلانة كانت كويسة وقفتها لأن موضوع بعض المنتجات كان بيدخلني في شبهة وكل شوية تلاقي منتج عليه كلام ومنتج تاني فيه مشكلة فقلت أريح دماغي وأسيب السلع دي وأركز في منتجات تانية بس بصراحة لحد دلوقتي مستحضرات التجميل من أكتر الحاجات اللي شوفت فيها دخل كويس بالنسبة لرأس المال
انا شايف خلاف على افضل كرات افتراضي لشراء على النت ولكني ايضا عايز اعرف هل متاح خدمة تحصيل فلوس من خلال التليفون كبديل لمكنة الفيزا المتنقلة
يعني لو عندي عميل عايز يدفع بكارت ونا معيش مكنة دفع هل ممكن استخدم التليفون goole wallet مثلا مربوط بكارت واحول منه فلوس على حساب مصري عادي في بنك الاهلي؟
انا كنت قدمت على حساب ببساطة وخدمة العملاء رنت عليا ورصيدي خلص في النص والكلام دا من اسبوعين، سافرت اسبوع اصيف ولسه راجع عادي اكمل اجرائات فتح الحساب ولا خلاص راحت عليا
السلام عليكم.
وأنا بحاول أدفع على جوجل بلاي بـ(فرتشوال كارد) -وطبعا كان بيرفض عشان اختلاف بلد البطاقة عن بلد الحساب -، بالصدفة لقيت طريقة للدفع لو كان التطبيق فيه فترة تجربة مجانية.
باختصار هتدخل على التطبيق شرط يكون فيه فترة تجربة مجانية 7 أيام أو شهر على حسب التطبيق، بعدين هيطلب منك تدخل طريقة دفع هتحط فودافون وطبعا هو مش هيسحب حاجة، وفي الخطوة دي جوجل بلاي هتسألك لو عايز تحط طريقة دفع احتياطية وساعتها هتحط (الفرتشوال كارد) كطريقة دفع احتياطية، لما ييجي وقت الدفع معاملة فودافون هتترفض وهيسحب من الفرتشوال كارد كبديل.
مش عارف لو الطريقة دي معروفة ولا لا، بس أنا لسه عارفها وقلت أفيد غيري.
I am currently working & Living in UAE for 2 years in A good position, earlier I was living in KSA for 2 years as well, I am offered a High position in Egypt with around 70% of my current income in UAE, I am thinking of accepting the Offer as my Family do not want to leave Egypt, With the offer I will be able to maintain a very high living Standard and Saving.
I am worried about the environment, stability and safety inside of Egypt....I just need an openion of someone who did such a move...is it recommended or not and why !
حاليًا هنقل لمكان ما لمدة سنة هشتغل خلالهم حوالي 12 ساعة ف اليوم لمدة 6 أيام ويوم إجازة وده كل صحابي هيروحوا للسبب ده لكن بعد السنة دي ك skills بحاول أتعلمها هطلع صفر
لكن لو فضلت ف مكاني حاليًا خلال السنة دي مش هقدر أعمل فلوس لكن لو كملت ف ال skills ال بحاول أتعلمها خلال سنة هقدر أشتغل بيها وأعمل مبالغ أكبر من ال كنت هعملها مع صحابي
لكن ف نفس الوقت القلق مسيطر ع عقلي مع حيرة وتفكير كتير .. إن ماذا لو ما كملتش ال بتعلمه .. أو لو حصل حاجة هنا .. صحابي ال بيقولوا لي أنت مش بتاع بهدلة وكدا كدا مش هتحب تكون معانا .. فدي برضو نقطة ضغط عليا .. لو فعلًا ما نجحش بعدين وهما نجحوا هحس إن ضيعت فرصة مني
فمحتار ومش عارف أعمل ايه؟
ايه رأيكم ؟
حد مر بتجربة مشابهة ؟
ده بوست لمشاركة التجارب 🫵
بما اننا كدا كدا كلنا anonymous
قولنا بتعمل فلوس ازاى و خدت وقت قد ايه علشان توصل ل اهدافك
و تحب تنصح بايه الناس اللى لسا متخرجة و بتبدأ ؟
انا دخلي كان ف رينچ ٧٠ ل ٨٠ الف ف الشهر حصل شوية مشاكل عندي ودلوقتي بقا الثابت ٣٥ الف كل شهر وانا شخص مصرف بغباء بس كنت محوش ٥٠٠ الف علي جمب ازاي اقدر اوظف دخلي والفلوس اللي معايا دلوقتي اني اطلع لقدام مقفش عند نفس النقطة
انا عايز ابدأ اخش في موضوع الاستثمار ورأس مال بسيط يعني ممكن 5000 او اكتر شوية، حملت ثاندر وشوفت كذا فيديو وببحث بس حاسس اني لسه تايه، وعارف ان ده امر طبيعي فالاول، بس عايز نصيحة من الناس اللي بقالها فترة كواحد بيبدأ هل في standard بمشي عليه فالاول لحد ما الدنيا تبقى اوضح؟ ولو في ايه هو؟
الماكينة دي عملت معايا الواجب توصيلة واحدة حققت معايا رقم حلو وعلشان كدا دايما بركز على خطوط الإنتاج والماكينات لأن الطلب عليها بيكون مرتبط بصاحب مشروع محتاج ينتج ويوسع شغله مش مجرد حد بيشتري منتج للاستهلاك وفرق الأسعار بين الدول ممكن يعمل فرص كويسة جدا خصوصا لما تلاقي ماكينة سعرها مناسب لو تقدر تصدّر ولو حتى أثاثات علشان رخيصة جدًا في مصر هتلاقي نفسك بدأت تتاجر مستحضرات التجميل حكاية تانية
انا بقبض المفروض في رينج 600-800 يورو في الاسبوع بس الي بشتغل معاه كان حابب ان يبعت الفلوس كريبتو عشان اسهل و اوفرله و كده والصراحة هو فعلا احسن من البنوك
و بعدها اقدر احوله ل بنكي الي في
nsave
بس الي قلقان منه ان ممكن ده يكون غير قانوني مثلا او حاجة؟
هل حد عنده نفس التجربة او ممكن يفيدني؟
ازاي أعرف نسبة تطهير المال قد اية و المفروض بطلعها كل قد اية
أنا عندي مخزن تابع لشغلي في بلد تانية غير مصر وبدي الشخص اللي شغال معايا 300$ في الشهر وهو طالب زيادة ودي هتكون الزيادة الثانية من وقت ما بدأ معايا وبقاله حوالي 6 شهور طبيعة شغله مش دوام كامل لأنه بيدرس كمان وهو قريب من المخزن فبيستلم البضاعة اللي بتوصل ويحطها في المخزن ولما يكون في طلب بياخد البضاعة ويوصلها للعميل وأوقات البضاعة بتقعد في المخزن أسابيع من غير ما أحتاج أكلمه وكل مصاريف النقل والحركة الخاصة بالشغل أنا اللي بدفعها لحد دلوقتي أنا معنديش مشكلة في شغله والمشكلة مش في أدائه قد ما هي في موضوع الزيادة لو ساب الشغل مش مجرد إني أجيب حد غيره وخلاص لأن المخزن في بلد تانية وأنا مش موجود هناك وممكن أضطر أسافر بنفسي عشان أرتب موضوع المخزن والبضاعة وأدور على حد جديد وده هيكلفني وقت ومجهود وفلوس في نفس الوقت مش عايز أوافق على الزيادة لمجرد إني خايف إنه يمشي لأن دي هتكون الزيادة الثانية في 6 شهور وممكن الموضوع يتحول لزيادات مستمرة كل فترة خصوصًا إن الشغل نفسه جزئي فأنا محتار بين إني أرفض الزيادة وأتحمل احتمال إنه يمشي وتكلفة استبداله أو أوافق وأعتبرها زيادة مقابل استمراره معايا