صياح بس
لما تخلي الفيديو لونه ابيض واسود مش هتعظ
لما تحط صوت آهات ورا مش هتعظ
لما تتنك وتنظر على المشاهد اللي بتنصحه وتتكلم بإستعلاء وتقلل من مجهوده الديني مش هتعظ
لما تخش على فيديو حد مسيحي تقوله الحمد لله على نعمة الإسلام (انا اكس مسلمة) مش هتعظ
لما تكبر أوي من حاجات بسيطة زي الأغاني وتحاول تنورمالايز إقامة الحد مش هتعظ
لما تتكلم بالفصحى بدل العامية مش هتعظ
لما تعلق شماعة هيجانك على البنت 100% وتقولها غطي عيونك في النقاب عشان هتخليني أمستربيت (زي الفيديو اللي نزل على الصب اليومين دول) مش هتعظ
لما تكون متعالي على المعتقدات التانية (أي حد مسلم كلمني قبل كدة dm عارف اني بحترم الأديان كلها رغم الحادي) مش هتعظ
لما تيجي تناظرني أو تناقشني وتنقل إجاباتك من Chat GPT مش هتعظ
لما تحرم حاجات جديدة لمجرد إنها مختلفة أو جديدة زي زمان لما حرمو القهوة والحنفية ومن غير تفكير مش هتعظ
لما تخش على بوست لواحد مع مراته تقوله شكراً يا ديوث عشان ممتعنا بجسم مراتك وانت لو قدامه مش هتقدر تفتح بقك ولا تعترض مش هتعظ
لما تحجب وتنقب بنت صغيرة عمرها لم يتعدى الـ7 أو 8 سنين وتشوف ده صح وتهاجم أهل طفلة في نفس العمر تعرضت لتحرش أو اغتصاب وتقول ازاي تلبسوا بنتكو (الطفلة) اللي عندها (7 أو 8 سنين) عشان لبسها روح اتعالج ومش هتعظ
لما تكون متدين واكون قاعدة في حالي والاقيك داخل تشتمني dm عشان البايو بتاعي وانا معرفكش أصلاً مش هتعظ
لما تلاقيني (كمسلمة قبل ما الحد) أسألك عن شبهة تكبتني وتكفرني ومتردش والشبهة جوايا بدل ما كانت واحدة بقت اتنين وتلاتة ومية هبقى ملحدة كدة لأنك مجاوبتش ومش هتعظ
لما أكون ماشية في الشارع تشوفني وتشوف شكلي وتستغفر وتتعمد إني أسمع مش هتعظ
لما تنزل فيديو لداعش بيضربو نار وفي صوت آهات (اللي اتكلمت عنها فوق) وتقول مصر في المستقبل بإذن الله هبلغ عنك ومش هتعظ
وشكراً..