u/Imaginary_Crow2288

الي صار قبل اسبوع كان عندي انترفيو بشركة من شركات أحلام الأغلب بمجالي وتعتبر عالمية لtraining، عديت مقابلتين وباقي لي اخر راوند كان مع الرئيس التنفيذي وحضورية بمدينة غير مدينتي. الي صار هو ان سكرتيرة الرئيس اتصلت علي يوم الخميس بالظهر تبغى تجدول معي مقابلة ليوم الاحد واصرت على موعد الساعة ٣ رغم اني طلبت تقدمه لكن اكدت لي بالاتصال والايميل مرتين على الموعد ووافقت وكلمت أهلي وحجزنا. طبعاً الايميل الي ارسلته كان فيه كالندر انفايت مرفقه بالايميل وفيه موعد ساعة كاملة أبدر لكن الجدول الي فيه نفس الموعد الي اكدته لي بالاتصال.

لما وصلت المدينة تقريباً ١:٣٠ وجايه طيران عشان المقابلة واتصلت علي المساعدة قالت نسيتي ان عندنا مقابلة؟ قلت لا انا الحين بالطريق جايه على موعدنا باذن الله الساعة ٣ وقالت طيب اذا وصلتي كلميني.

لما وصلت الساعة ٢:٣٠ تفاجأت عند الرسبشن لما قالت لي انتي قالوا لي انك متأخرة قلت كيف متأخرة؟ مقابلتي الساعة ٣ قامت اخذت جوالي وصورت الايميل وارسلته لهم وأنا هنا كنت تكه وافكها بكى لأن تعنيت وعنيت اهلي معي من مدينة ثانية وتجهزت من قلب ومنجد ابغى هذي الفرصة ورحت لها رغم اني مرتبطة بظرف عائلي يتطلب السفر برضو بنفس اليوم وكذا كنت شوي وانهار بس ودتني ميتنق روم وجاني موظف قال الرئيس يعتذر لأنك تأخرتي عن الموعد ولما بررت كان مصر انه الغلط غلطي وبدأ يسألني اسئلة عشوائية عن مطاعمي المفضلة وليش اهلي سموني باسمي وبدأ يتكلم عن نفسه وأنا عيوني حمرا شوي وأبكي وهو كل شوي يجيب طاري التأخير ويعاتبني وأنا جالسه اسايره من باب خلاص اجلس احترافية لاخر لحظة عشان الغلط ما يجي مني وكذا أبتسم واجاوب وملامحي مقلوبة يعني بالموت احاول اسيطر على نفسي 😭

المهم لما طلعت رسلت ايميل اشكر المساعدة والموظف على المقابلة قاموا جدولوا لي مقابلة اليوم الثاني حضورية واعتذرت عنها وطلبت يخلونها اونلاين بسبب اني مسافرة أصلاً، وافقوا ويوم جا اليوم الثاني كنسلوا المقابلة 😄

جلست يومين منهارة وأبكي ويمكن تشوفوني أبالغ بس كنت أتمنى ذي الفرصة وبدعت بكل المقابلات وحتى آخر مقابلة حطيت كل جهدي فيها ومسكت نفسي وعشان كذا ارسلوا لي الجدولة بس برضو حزينة اني ما اخذت كامل الفرصة لاثبات ذاتي بسبب خطأ السكرتيرة وان الغلط تدبس علي إني متأخرة واعطيت هذا الانطباع السيئ بدون قصد 😞 غير اني تعبت أهلي معي وغير برضو إني كنت متأملة مره لهذي الفرصة.

الحمدلله على كل حال وما رح استسلم وبرجع ارسل لهم رسالة تذكير على مطلع الاسبوع الجاي عشان اذا انرفضت ما يكون ظلم يكون لأني منجد أستاهل الرفض. وبليز ادعوا لي تتيسر لي فرص أفضل لأني مره زعلت على الي صار لي بهذي.

٢١ عمري، مواليد ٢٠٠٤

مكاني الرياض

عزباء وما سبق لي الزواج.

مسلمة سنية

أصلي كل الصلوات بوقتها الحمدلله وأعتمر كذا مرة بالسنة كل شهرين تقريباً ولسا ما حجيت، علاقتي مع ربي عميقة الحمدلله، ملتزمة بالحجاب.

قبيلية جنوبية من سراة عسير لكن طول عمري عايشة بين الغربية والرياض بحكم عمل أبوي وأمي، عائلتي كبيرة نسبياً واعتبر خالة وعمة، نعتبر عائلة محافظة ولكن أكيد باعتدال، وضعنا المادي ممتاز جداً الحمدلله وبشكل عام عائلتنا مهنياً وعلمياً متقدمة جداً.

آخر سمستر بالجامعة، واتدرب بشركة بقطاع الاستشارات وغير موظفة.

طولي ١٦٣ وزني ٥٥، بيضاء، وأتمرن باستمرار، شعري أسود طويل والحمدلله جميلة وأهتم بنفسي. صحتي ممتازة.

المهر ما يقل عن ٧٠ ألف للي خارج القبيلة عندنا و٤٠ ألف داخل القبيلة.

أنوي أنجب من طفلين لثلاث أطفال لكن بعد السنوات الأولى للزواج عشان يمدينا نأسس البيت ثم نقرر ننجب.

أحب القطط فقط من الحيوانات.

هواياتي تتضمن تجربة مطاعم جديدة كل فترة، والسفرات القصيرة مع أهلي داخل وخارج المملكة، أحب أتطوع بجمعيات خيرية كل فترة أو في قطاعات ريادة الاعمال والابتكار.

شخصيتي بين الاجتماعية والانطوائية، وولدت وأنا واضحة وصريحة وأعرف بالضبط أيش أبغى بحياتي وكيف أخذ هذي الاشياء، ممكن في أماكن العمل والدراسة أبان جداً رسمية ومبادرة وقيادية بس بالبيت وبين أهلي وصداقاتي أكون الطرف المستمع أكثر وصداقاتي جداً ملمومة ومحدودة. شخصيتي تتطور وتتغير باستمرار للأفضل الحمدلله ومن النوع الي اذا غلطت اصحح اخطائي، وعندي جوانب جميلة كثير لكن طبعاً ما تظهر إلا للقريبين مني. لو كنت أغنية بكون أغنية مذهلة لمحمد عبده مع كامل التواضع.

يومي فيه بركة الحمدلله يعني أقدر اسوي أكثر من شيء بنفس اليوم (دوام، طلعه، نادي، عزيمة)، حياتي ما تعتبر روتينية كل فترة أجرب شيء جديد، الدوام ممكن ياخذ جزء من اليوم والباقي أقضيه مع أهلي وصديقاتي.

مستقبلاً أفضل الزواج بإذن الله والوظيفة، ما أبي حياة رتيبة أبغى زوج يشاركني اهتماماتي ويحببني بالحياة زيادة على حبي لها.

الي أفضله بشريكي:
أفضل فارق عمري من ٢-١٠ سنوات أكبر، يهمني الطول وجداً ١٧٥+، يحافظ على صحته وجسمه، يلبس الثوب غالباً الا بالجم والبيت، شخص طموح وناجح وظيفياً، قبيلي، راتبه الشهري ما يقل عن ٢٠ ألف، مجاله تقني أو هندسي وممكن إداري المهم مو صحي، ملتزم بالدين وتعاليمه ويحافظ على الصلاة في المسجد، مستقل من صغره وما عنده اتكالية كبيرة على أهله بشكل عام، يهمني حتى دائرته الاجتماعية تكون ناس قريبين من ربي ومتعلمين وناجحين عاطفياً ومهنياً واجتماعياً، شخص يحب يتعلم ويتطور على الدوام، Action oriented man، ما يمانع اعتمد عليه مادياً ١٠٠٪؜ لو احتجت ولا يكون عنده توقعات مالية مني أبداً في حال تركت وظيفتي يوماً ما وتفرغت كأم وربة منزل، عنده وعي مالي وما يحب القروض، كريم وخلوق وسهل المعشر.

حابة أتزوج بدري لغرض إني ما أعيش عشريناتي لوحدي أو مع أهلي بس، انخطبت عدة مرات خلال دراستي ورفضت بسبب شرط إكمال الدراسة أو الوظيفة أو عدم التناسب القبلي بحكم إني كنت ساكنة بجدة كانوا يجونا غير قبليين وأيضاً بسبب رفضنا لزواج الأقارب.
أبي سند وشخص يكون شريكي بهذي المرحلة وكل مرحلة، رغم كل التفضيلات السابق ذكرها مستعدة أتغاضى عن بعض الاشياء لو كان الشريك هو المنشود، وعادي ما عندي مشكلة أكون مع شخص لسا يكون نفسه ولكن حطيت فرق العمر ٣-١٠ سنوات لأن ما ودي اكون أنجح أو أنضج من زوجي بشكل عام ودايم أبي يكون شريكي دايم متقدم علي بخطوة ويقدر يساعدني وينصحني ويرشدني بحياتي. وسلامتكم الي ينطبق عليه اغلب المذكور يجيني خاص.