u/Impossible-Habit8573

معلش محتاجه حد يسلفني ٢٠٠ج ضروري جالي انترفيو لشغل المفروض بعيد محتاج مواصلات ولحد يومين كمان قدام هقعد بيهم ، لحد ما اشتغل واقبض

تعبت من كل حاجه ،تعبت من اللي عايزين يسالو ويعرفو بس وكلامي اكرره كل شويه، تعبت من اللي بيكلموني وكلامهم يقلب سيكشوال ، تبعت من اللي بيفرشولي كلام يمهدو بيه لانهم عايزيني احبهم وهما مش بيشيلو مسؤلية مشاعرهم، تعبت من اللي عايزني اكون معاه ويتعامل بكسر الحدود وانه كل ما ليا ويسيبني حالتي زفت عشان مش بتكلم في فلوس او اني محتاجه منه مساعده ،تعبت من النطاعه ، عايزه حد يحترمني واحترمه نهزر اه بس ميجيش بعد شهر يقولي اتجوزك وهو متهور وحالته كرب ومدمن ويبقا شايف انه يستحقني ، انا بحاول اشتغل عشان اعيش حياة ادميه مش حياة كريمه اصلا وبعد ما اعيش واشتغل اوصل لحاجة كويسه نفسيا اتعافى، ماديا مستقره ، تعليميا معايا شهادات، عشان لما اقول انا استحق فرصه احسن وشخص مناسب ليا ابقا مش استحقاقيه ولو اني كتير بيقولو عادي حقك تتشرطي بس انا بحب اكون حاطه نفسي مكان الطرف التاني فا بعمل مجهود بزيادة فا يبان اني سوبر واو بس انا حياتي فاضية اوي وجوا تعب كبير ، جسدي ونفسي ، وتعبت مالصورة اللي الناس بتاخدها عني اني كويسه لمجرد اني هيئة ، انا تعبت اوي ومشواري طويل وانا استنزفت كتير ، مش عايزه حد افضفض معاه خلاص عايزه ربنا يبعتلي اللي يساعدوني بس مش اكتر وانا هردلهم كل قرش وبس كدا شكرا للي قرأ كلامي للاخر .

هردهم بعد ما استلم للمرتب بعد اول شهر شغل عشان الاونلاين مش نافع مع الامكانيات بتاعت فوني وجربت كذا طريقة

لو في حد مقتدر هنا على الابلكيشن ومش جاي في رغي عالفاضي جاي في مساعدة حقيقية فانا محتاجه لاب توب اشتغل عليه لحد ماخلص دفع قسطه ليه وكدا عشان ظروفي الصحيه لا تسمح باني اشتغل في اكتر من شيفت عشان اكفي المصاريف

بدور على شغل علما اني مصاريفي بسيطه جدا بس اهلي مش شايلين مسؤليتي وتعبت كل شويه ادور شغل