u/Informal_Permit6138

لو شخص يحتاج شيء يعتمد عليه نفسيا عشان ما ينهار مثل رب يدعي له ويتوكل عليه .. وش البديل له غير الاديان؟ لو هذا الشخص الي مانعه من الانتحار هو الدين و وجود رب وش ممكن نقنعه بغير الدين عشان يقدر يكون قوي نفسيا ويقدر يعيش؟

الناس ما تحب الuncertainty ولا عندهم قدره يتفكرون بالواقع ويفكرون لنفسهم يحتاجون اجابات جاهزه تطمنهم وش بيصير بعد الموت مثلا او يبغون معتقد يجبرهم يتفاؤلون ويكملون بالحياة

وش البديل الافضل من الاديان؟

نحتاج احد من هنا يصير ثيربست ويفتح عياده لنا نبغى معالج نفسي لاديني نقوله كل شيء بخاطرنا بدون لا نخاف 😔

تخيلو تروحون عند معالج نفسي سعودي لاديني؟ يكون فاهم معانتكم صدق مو ثيربست اجنبي ما يستوعب معاناتك ولا معالج نفسي مسلم تخاف تقوله كل شيء

العلاج نفسي صعب لنا لانه اذا رحنا عند اجنبي لازم نشرح له ثقافتنا وطبيعه حياتنا عشان يفهمك كويس ويفهم معاناتك واذا رحنا عند معالج نفسي مسلم ماراح تقدر تتعمق معاه بمعاناتك وتقوله كل شيء بدون ما تخاف يفضحك

انا اروح عند ثيربست جدا منفتحة وعقليتها حلوة ومتقبلة لكل شيء لكن هي مسلمه .. احس بالامان معها ودي اناقش موضوع الجانب الروحاني لاني احسه مأثر علي وهو سبب كبير في اكتئابي

ماراح اقولها بالحرف كذا اني ملحدة واني تركت الاسلام .. ولا راح اناقش اي شيء عن الدين .. راح اجيبها بلفه بحيث ماتمسك علي شيء يعني بجيبها من ناحية ان عقلي يفكر بالامور هذي واني امر بشكوك واسئلة وجودية مخليتني ماني قادره اتوكل على احد او اؤمن ان كل شيء يصير لسبب وان فيه اجر لمعاناتي وكذا هذا الشيء مخليني مكتئبة ويخليني هشه عاطفيا لاي صعوبات بالحياة

السبب الي يخليني ابي اقولها احتاج دعم نفسي واحتاج ماتخليني اسوي exit لاني بديت مرحلة خطيره الصدق احنا الحين نناقش اشياء سطحية بحياتي اليوميه وفيه سبب اعمق لاكتئابي ماتدري عنه

احتاج رأيكم

انا الدكتوره صرفتلي Vyvanse ( دواء adhd) ولا اعرف وش الصيدليات الي تصرفه ؟ رحت اكثر من مستشفى خاص وصيدليات كثير ولا حصلت وين احصله

فيه وحدة مرة تبي تصاحبني وهي تشوف نفسها صحبتي انا مرا ماني حابة تفكيرها ولا شخصيتها انا بس لطيفة معها اعطيتها اشارات اني مكتفية من الصداقات ولا ابي اصادقها ولا فهمت والمشكلة تجيب لي هدايا و تخدمني وتهتم فيني بدون ما اطلبها احس بضغط اني لازم اعاملها كويس لاني ما شفت منها شي سيء بنفس الوقت قاعده تستنزفني لانها ما تناسبني واتصنع معها هي مرا حابتني وانا ما ابادلها نفس الاحساس شعور ضغط نفسي واستنزاف كيف اخليها تبعد عني بدون ما اجرحها