u/Intelligent-Part2968

السلام عليكم

حبيت انبهكم عن موضوع عشان ما تطيحون فيه خاصة اصحاب البزنس، وايد من الي حولي عندهم مشاريع في الانستقرام او غيره…

وايد تيهم طلبات بايصالات وهميه يكونون مسوينها بال Ai، نصيحة لا تبدون في الطلبيه الا يوم يوصلكم المبلغ…

بيعطونكم وايد اعذار و كلها جذب مثل:
- البنك مالي يطول (مافي بنك يطول احين الا وقت الاجازة الرسميه)
- احتاج الطلبيه ضروري عادي تبدون فالطلب بسرعه
- انا يوم احول ياخذ ٢٤ ساعه لين يوصل (اتريا ٢٤ ساعه اذا وصل المبلغ ابدا فالطلب)

و عشان نقلل من ها الشي اي حد ييه حد يطلب بايصال وهمي بلغ عليه في ابلكيشن شرطة دبي او MOI

وشكرا

السلام عليكم

انا انسان قررت اتزوج في شهر 2 سنة 2025، والحمدلله الله رزقني باختيار بنت الحلال بنفسي وبعدها خبرت الوالده بكل شي و التفاصيل و كانت فرحانه لدرجة ما تتصورون، بعدها شاركت الخبر خواتها "خالاتي" وقالت لي في وحده منهم بس بدون ذكر اسماء كانت جدا معارضه و الوالدع كانت تدافع عني و تقولها كلامج غلط….

طبعا للعلم انا اصغر من خالتي ب ١٥ سنه و هي مب متزوجة…

بعد ما راحو التعارف كلحد كان مستانس الحمدلله، بس من رديتهم البيت وانا طلعت هني انقلب كل شي تماما، من الفرحه كلحد استوى حزين و كلحد استوى ضدي و الكل وقف فويهي لدرجة محد يكلمني منهم حتى امي تاثرت و قالت خلاص وقف الموضوع…

طبعا انا وقفت فويههم كلهم سنة و ثلاث شهور انا واقف فويههم، لين رحت العمره الحمدلله ودعيت ربي ييسر موضوع زواجي، والحمدلله من رديت تيسر الموضوع و ردت الفرحة والسعاده و خطبت و تزوجت الحمدلله…

المصيبه ان خالتي هني انكشفت للعلن ان هي ورا ها البلوى كانت تهدد ان ما بتحضر "طز" و حضرت اخر شي وهي نص ابتسامه ما ابتسمت وكانت سلبيه بزياده لدرجة تضاربت مع امي وما تكلمها من شهرين و ما باركت لي ومن يوم اعلنت الخطبه ما تسلم علي..

هي تشوف ان هي انسانه نهايه الثلاثين كيف ما تزوجت وانا الي اصغر منها تزوجت، بعدين امي قالت ان هي حاولت توقف الموضوع و تطلع كلام عن البنت عشان تخليك تكنسل فكرة الزواج منها…

الحمدلله على النعمه و الله يهدي الجميع…

السلام عليكم ورحمة الله وبركاته

حبيت انشر معاكم الفرحه زواجي، و حاب اسمع منكم النصايح المعنويه و النصايح الماديه بالذات من الي متزوجين، حتى لو مب متزوج مب غلط تعطيني نصايح بعد 🤣

ومشكورين مقدما