عارف لما متعرفش الطرف التاني بيبادلك نفس الشعور ولا لا؟
عامةً دي من أول مرة في حياتي أعجب بشخص بالطريقة دي، وحدة بتجمع ما بين الحلاوة، الذكاء، الرقي، أهلها ناس كويسة، وفيها كمية مميزات لا تعد ولا تحصى، وبالرغم من أن البيئة اللي احنا فيها الناس شايفانا كمنافسين لبعض، بحكم أننا أحسن اتنين في المكان، وإني أنا دايمًا كنت بأكد فكرة اني فعلا بنافسها، لاني كنت مقتنع بكدا فعلا، كنت بترجم اهتمامي ليها على أساس كدا، بس لما اتكلمت مع زميل ليا في الموضوع، وهو فسر تصرفاتي بشكل مختلف عن تفسير باقي اللي معانا، بجد استوعبت فعلا إعجابي ليها، مقدرش اقول حب، لاني شايف حب كلمة كبيرة، بس أنا فعلا معجب فيها، وصراحةً معرفش مشاعرها اتجاهي عاملة ازاي، احتكاكها بالزملاء الرجال شبه معدوم ، إلا لو فيه حاجة ضرورية جدا في الشغل، ومش بتعامل حد منهم بطريقة مميزة عن التاني يعني، في الوقت نفسه عايز نصايح عن غض البصر اكتر، وإزاي مخليش المشاعر دي تأثر فيا كتير، خاصة اني شخص مش عاطفي