مبقتش عارف انا عايز ايه
ايه اخباركم عاملين ايه.. انهارده بكتب بعد ما قدمت استقالتي امبارح وقررت اخد بريك لفتره كبيره من مجال عملي وهو العلاج الطبيعي معرفش هرجع امته بس بقالي فتره كبيره عندي صراع نفسي اني بشتغل حاجه مش بحبها انا بحاول اخرج من المجال حتي وانا في الجامعه رحت درست حاجات تخص Cosmetics
المهم ان كنت دايما بتكلم مع الناس واي حد محتاج معلومه ولا تريتمنت وكنت بحاول اطلع من مجالي بس معرفتش فجأه لقيت نفسي فاقد الشغف بكل حاجه مجالي او غير مجالي حتي انا لما كنت بشوف حد منزل اي سؤال بخصوص البشره والشعر كنت بحب اتناقش واشوف معاه حل وافيده دلوقت بقيت معنديش قابليه خالص اقول اي حاجه حتي لما بنزل الصيدليه عندنا وحديسالني بحاول انسحب من الاجابه زي ما اكون معنديش قدره اتكلم الموضوع دا انتهي اني لقيت نفسي مش قادر اكمل في شغل ورحت قدمت استقالتي من المكان اللي كنت شغال فيه
معرفش بكتب كدا ليه اصلا بس حبيت اتكلم