r/EgyCasualBrain

عيد ميلادي النهاردا تميت ال٢٤ خلاص، عايزة منكو نصايح فشيخة أزق بيها الباقي م العيشة لو فيها عمر وعايزة ترشيحات كتب وروايات للسنة الجديدة.

مواه ليكم مقدما 🩷

دنينا نقولكوا استنوا يا جدعان يأكد بنفسه و انتوا مصرين تقولوا انه اسلم على لسان ناس غيره مش فاهم ايه لازمة الخرا بتاع الريتش و انك عايز تلحق الموضوع سخن

و مش فاهم هو هيضيف للاسلام ايه عشان تستعجل على الخبر اوي كدا من غير ما تتأكد ربنا يهدي المسلمين

اهو ولاد المضحكة اكمالا لفن استغلال الفرص هيحسوا بانتصار و هيشكروا الطبيعة دلوقتي زي ما بيستنوا اي واحدة عريانة تعمل حاجه حلوة عشان يقولك شوف الحجاب ملوش لازمة ازاي و مجرد قماشة بتتلبس و خلاص

اقتصاديا الدولة الناجحة هى الى بتبني اقتصاد "انتاجي ضرائبي" ,يعني اقتصاد مبني علي الانتاج و صنع القيمة و الابداع و الابتكار فى مجالات الصناعة و التكنولوجية و الزراعة و بتفرض ضرائب علي كل ده و الضرائب بتمول الدولة ,بتمول مرتبات الى بيشتغلوا فى الحكومة من اول موظف فى المصلحة الحكومية لحد مرتب الرئيس نفسه ,الضرايب بردو بتمول المدارس و المستشفيات و تطوير الطرقات و البنية التحتية و الخدمات العامة

الدولة الفاشلة اقتصاديا هى الى بتعتمد علي اقتصاد "ريعي" يعني مصدر غير متجدد و غير مستدام لتمويل الدولة ,بترول مثلا او معونات من دول اجنبية او تصدير مواد خام(معادن) ,هيجيي يوم و البترول هيخلص او هتحصل ازمة فى البترول و اسعاره ترخص او تحصل ازمة نقل ,هيجي يوم و الطلب علي المعادن هيقل او المعادن نفسها هتخلص ,هيجي يوم و الدولة الى بتديك فلوس ك معونات هتبطل تديك فلوس

بردو الاقتصاد الريعي بيمنع الناس من الابداع و الابتكار و التصنيع و خلق القيمة و بيعمق من ثقافة الاتكال و الاعتماد المرضي علي الدولة و طبعا الدول الريعية اقتصادها مش صناعي او صناعات قليلة بدائية جدا و التكنولوجيا قليلة بردو ف بالتالي شعب مش بيفكر ولا بيصنع ولا بيبدع يعني مستويات ذكاء اقل و انتاجية و عمل اقل و بردو الاقتصاد الريعي بينتج بيروقراطية متضخمة و فساد و كل انواع البلا

سياسيا خلينا نتكلم عن نوعين من الدول ,الدول اليدموقراطية متعددة الاحزاب و الدول الاشتراكية احادية الاحزاب ,الدولة الناجحة سياسيا سواء الاشتراكية او الديموقراطية هى الدولة الى مؤسساتها قوية و البيروقراطية فيها فعالة و مش متضخمة

موضوع المؤسسات بيختلف من الدولة الاشتراكية للدولة الديموقراطية ,فى الدولة الاشتراكية الحزب هو البداية و النهاية و الخلاص و المصير و الحزب بيتحكم فى الجيش و الاستخبارات و اجهزة الامن ومؤسسات الدولة المهمة و الحزب هو الى بيصدر القرارات و الاوامر و بيطبخها جوا دائرة الحزب و دول كتير ماشية بالنظام ده زى الصين و كوبا و فيتنام و لاوس و كمبوديا و الجمهوريات السوفييتية

بينما فى الدول الديموقراطية الجيش و الاستخبارات بتخضع لسلطة برلمانية و المؤسسات بتكون مستقلة و بتشتغل مع بعض فقط من خلال توجيهات من رئيس الدولة بما لا يخالف الدستور طبعا

الدولة الناجحة سياسيا بردو بتكون الدولة الى نخبتها الحاكمة مش طائفة او قبيلة او مجموعة اثنية و ان كل الشعب بغض النظر عن دينه و عرقه و اصول عائلته بيتم تمثيله فى الحكومة و النخبة الحاكمة

الدولة الاشتراكية الناجحة هى الى باقتصاد مخطط و مساواة بشكل مطلقة بين كل ابناء الشعب و الحزب الحاكم بيكون فيه ملايين الاعضاء من كل فئات الشعب و كله بيشارك فى العملية السياسية و التخطيط و التنفيذ ,الدولة الديموقراطية الناجحة الى فيها تعددية حزبية بيكون فيها كل حزب بيعمل كل الى يقدر عليه علي اتم وجه عشان يكون سمعته و شكله كويس بين الشعب و يكون منافس قوي للاحزاب التانية

الدولة الناجحة سياسيا ايضا بتحاول تسعي لاسقلاليتها و سيادتها قدر الامكان مع تحالفات اقليمية و دولية متوازنة او حتى منحازة فى بعض الاحيان

الدولة الفاشلة سياسيا هى الى بتكون فيها النخبة الحاكمة عبارة عن طائفة او مجموعة عرقية او قبيلة و باقي الطوائف و المجموعات العرقية بتكون مقموعة بالدم ,الدولة الفاشلة سياسيا هى ايضا الدولة الى مؤسساتها تعبانة و ميتة و بيروقراطية متضخمة و الخدمات العامة ضعيفة ,الدولة الفاشلة سياسيا هى الدولة الى فى تحالفات متجمدة او دائمة او غير مرنة او متحيزة بشكل مرضي ,الانحياز مش دائما شيئ سيئ و لكن الانحياز المرضي اسوء شيئ ممكن يحصل لاي دولة

الدولة الفاشلة سياسيا هى الى بتبيع استقلاليتها و سيادتها الاقتصادية بكل سهولة فى مقابل "حماية" او صفقات ,بيع الاستقلالية معناه السماح بانشاء قواعد عسكرية و اتفاقيات اقتصادية مهينة تخلي الدولة تبيع مواردها علي شروط الدولة الاخري

ايضا الدولة الفاشلة سياسيا هى الدولة الى بتبدأ تظهر بعض ملامح الفاشية و الشمولية و تمجيد الماضي و تقديس القومية و اللغة و العرق و الميول الثيوقراطية الشمولية

الدولة الناجحة عسكريا هى الدولة الى قدرت تعمل حشد شعبي لكامل الشعب من كل الطوائف و القبائل و العرقيات فى مؤسسة عسكرية حديثة عن طريق التجنيد الاجباري ,الدولة الناجحة عسكريا هى الى جيشها تحت رقابة حزبية او رقابة برلمانية و فى الحالتين بتكون الرقابة مدنية بالكامل لمنع حدوث الحكم العسكري ,الشيئ الى رجع دول كتير للعصور الوسطي ,الحكم العسكري والانقلابات العسكرية هى اسوء شيئ ممكن يحصل لاي دولة

الدولة الناجحة عسكريا الى بتطور سلاحها مش بتعتمد بشكل كامل علي سلاح من دولة اخري ,الدولة الناجحة عسكريا هى الى جيشها مشغول بالتمرين و التطور و تطوير الصناعات العسكرية مش الى مشغول بالاقتصاد و السياسة

الدولة الناجحة عسكريا هى الى بتختار حروبها و صراعتها بعناية و بعد تدقيق و تخطيط كتير مش مجرد حروب عبثية عشوائية زى ما حصل فى بعض الدولة العربية فى الستينات و السبعينات و التسعينات

الدولة الناجحة اجتماعيا هى الدولة الى بتستثمر فى بناء عقول شعبها ,تعليم و فن و سينيما و تلفزيون و اعلام و دعاية,الترويج لافكار زى السلام و العمل و العلم و حقوق المراة و حقوق الاطفال و الحريات الفردية مع الحفاظ علي العمل و القيم الجماعية

الدولة الفاشلة اجتماعيا هى الى اعلامها طالع من المجاري و الفن و التلفزيون و السينيما فيها بتطلع مسوخ و عصابات و بلطجية و الفن و التلفزيون فيها مش بيتكلم عن قضايا زى السلام و المراة و حقوق الطفل ف بيطلع بردو مجتمع عنيف دموي غير مستقر و الثقة بين ابناءه ضعيفة

الدولة الناجحة فى التعليم هى الدولة الى التعليم فيها مجاني و موحد و متاح لكل الشعب بشكل متساوي و التعليم مبني علي مبادئ التفكير النقدي و التعبير عن الافكار و المشاعر و الابتكار و حل المشكلات و التطبيق العملي

الدولة الفاشلة فى التعليم هى الى التعليم فيها نصه مدارس خاصة و انترناشونال و النص التاني مدارس حكومية شبه ميتة ,التعليم فى الدولة الفاشلة بيكون حفظ و تلقين و كلام فارغ و قصص و اساطير سادجة و بصمجة و المدرسيين عبارة عن اشخاص غير مؤهليين تماما للتعامل مع طفل

اى اراء؟ او اى اسئلة؟

بقيت حرفيا كل أما أبقى وسط ناس أو ماشي في شارع زحمة أو في درس أو حواليا بنات دماغي مش بتبطل تفكير في هم شايفيني إزاي، هو أنا لبسي كويس؟ هو أنا ماشي كويس؟ هو أنا وشي كويس؟

كل ما حد يبصلي أي بصة ولو خاطفة بقعد أقول يا ترى هو بيفكر في إيه دلوقتي؟ يا ترى هو شايفني إزاي؟ ولو جماعة مع بعض وطولو البصة شوية ببقى خلاص هموت ولو فتحو بقهم بأي كلمة باخدها على نفسي حتى لو مسمعتش هم بيقولو إيه، بتوتر جامد لما بعدي بناس قاعدة وبصو عليا وأنا ماشي.

لما بتكلم مع حد بقعد أفكر يا ترى هو أنا قاعد كويس؟ طب أنا لبسي مظبوط؟ مبقدرش أبص في عين أي حد بيكلمني، مش عارف ببص فين بس مبقدرش أكمل ثانيتين باصص في عينه.

وده راجع لإن أنا مستوايا الإجتماعي أقل من الناس اللي حواليا الفترة دي، عشان بروح دروس والدروس كلها حرفيا في شارع واحد والشارع الواحد ده هو كإنه Egypt محافظتي فدايما ببقى خايف لبسي يبقى باين عليه تعبان أو مبهدل أو أبان مش بعرف ألبس.

بالإضافة لمشاكا في هيئتي أنا، أنا مناخيري كبيرة وفيها بروز في النص وسناني مش مترتبين نهائي ولما بفتح بوقي بتبان شكلها وحش أوي ولما بضحك ببقى شكلي غريب أوي واللثة بتبقى باين بطريقة غريبة، غير وشي اللي مليان حبوب ومش مريح ليا أنا فأكيد مش هيكون مريح للناس التانية، وأنا رفيع جدا وزني حوالي 50 كيلو وأنا 180 سنتي فأنا رفيع فشخ بطريقة بتخلي أي لبس يبان عليا مش حلو خصوصا في الصيف اللي إحنا فيه ده.

ومعبعرفش أرد على حد غلط فيا ولا بعرف أدافع عن نفسي سواء بالكلام أو بالضرب فدايما بيبقى عندي إحساس المستضعف اللي ماشي جنب الحيط.

وأنا معنديش صحاب أمشي معاهم حتى عشان يحسسوني بالقبول أو يخلوني أخف تفكير في إن الناس شايفاني إزاي دايما لوحدي في أي مكان بروحه.

تخيل كل ده وييجي شخص المفروض إنه من أقرب الناس ليك يأكدلك شكوكك في نفسك إنك شكلك مش طبيعي، اخواتي كل لما يشوفوني يتريقو على حاجة في شكلي أو شخصيتي أو طريقة كلامي، مع إني أنا الكبير بس أبويا وأمي معودوهمش على احترام الكبير.

الموضوع بدأ يزيد أوي الفترة دي مع نزولي دروس ثانوية عامة وكده.

أنا عارف إني مش المفروض أكون بفكر كده وإن الناس همها حالها في الأول وفي الآخر بس والله ما قادر أبطل، مهما أقنعت نفسي بحاجات زي كده مش بقدر أقاوم برضو.

مؤخرا بقيت اشوف الشذوذ تحت مسمى الصداقة او الهزار او انى بعبر عن حبى بالشخص الى قصادى .. انت متخيل المشكلة الى احنا فيها بقيت تشوف حالات زى دى بدون تفاجئ او اشمئزاز بقيت تشوفه نظرة الاشياء العادية انت مثلا لما تشوف شخصية شاذة فى عمل فنى انت بتعديها مرور الكرام و مش بتهتم .. فى ناس بقت تفضل نوعية قصص تبع الشواذ اكثرهم على تيك التوك المصيبة تشوف منهم مسلمين يقولك انا مسلم/ة شاذة يعنى ايه طيب ايه الهبل دا ، المراهقين بقوا يغيروا ميولهم بسبب ان الاجندة دى ظهرت مش عشان هما كان عندهم مشكلة فعلية ، حتى بقا فى الهزار بشكل مقزز تحت مسمى التعبير عن الحب او المرح بس بجد الحوار دا غلط اوي و مقزز جدا . اتمنى نراجع نفسنا لأن الحوار مبقاش مطمئن ابدا

اولا خلينا عارفين اننا كلنا كمصريين اصلنا يعود للارياف حتى لو انت مولود فى المدينة هتلاقى حد من شجرة العيلة عندك فلاح .. نسبة سكان الريف فى مصر اعلى من سكان الحضر .. زمان ايام الستينات و السبعينات كان العيشة فى الارياف جودة الحياة فيها ليس افضل ما يكون لاسباب القادمة .. زمان الناس مكنوش بيهتموا بالتعليم زى دلوقتى سواء للراجل او الست .. الست يا إما كانت تدخل ابتدائى و تقعد فى البيت بعد سنة سادسة او متتعلمش اصلا و الراجل ممكن يكتفى بثانوية عامة و ميخدلش الجامعة و يشتغل فى الارض .. بسبب انه مكنش في اهمية للتعليم ايام جدى و جدك فكان الجهل منتشر بشكل كبير جدا و حتى لو حد كمل تعليمه فطبيعة المنهج نفسه مكنش فى قدرة على تنمية التفكير النقدى او انه حتى يعيد نظرته بالامور حتى بعد ما يتخرج يزال متمسك بيها و كذلك الناس كانت عايشين فى بيئة محدودة جدا مفيش غيرهم فمكنش فى اي نوعية من الانفتاح عشان تقدر اننا نفكر بسببها بأفكار مختلفة الناس كلها نفس مستوى المعيشى ، نفس مستوى الاجتماعى ، الترابط المبالغ فيه بين الناس و بعضها.. فأدت الى الجمود الفكرى .

فكان الكل بيتمسك بالاراء و الافكار المنتشرة فى البيئة دى سواء كانت صح او غلط لانه كان السائد وقتها و حاجات اتربوا عليها و كان فى نظرة مريبة للامور الجديدة عليهم على انها غلط لمجرد انها بتخالف الافكار دى زي الختان كان بيتعمل فى الريف بشكل منتشر الطب بقول انه غلط و هو اصلا مش بينفع الست فى حاجه بالعكس كان بيضر لا ينفع لكن لانه كان مرتبط بالشرف فإحساس الخوف هو كان متمكن و كذلك بسبب ان الناس كلها بتعمل كدا . زى ايه مثلا افكار ريفية ظهرت

- الافكار الذكورية

- الدجل و الشعوذة

- اهمال الانثى من جميع النواحى

- الخرافات

- الافكار الطبية الخاطئة ( الى احنا شايفينهم اهو متبعين الطيبات )

- التعصب لأي اختلاط بين الجنسين

- الرؤية الضيقة للامور

- الترابط الاسرى المبالغ فيه الذى يتبعه التطفل

- اتباع افكار تبدو نابعة من الدين مع انها لا تمد للدين بصلة

- تقديس الزواج و انجاب عدد كبير من الاطفال تحت مسمى " العزوة"

.. كذلك نفس القصة فى المدن كان عدد السكان فيها اقل و مكنش فيه برضو انفتاح عشان ندخل افكار او ثقافات جديدة تغير وجهة نظرنا للامور لان اصلا الناس الى كانوا عايشين فى الريف هما الى انتقلوا للمدن و عاشوا فيها كذلك هما و عيالهم .. تعالى بقا اقولك ازاى السياسة و الحروب لعبت على دور كبير جدا فى تشكيل الفكر المصرى عد معايا الحروب الى حصلت :

عدوان 1956 (العدوان الثلاثى)

حرب اليمن (1962 – 1970)

حرب 1967 (النكسة)

حرب الاستنزاف (1967 – 1970)

حرب اكتوبر 1973

ازاى بقا الحروب دى ساهمت فى تشكيل الوعى الفكرى للمصريين .. عندك فيلسوف اسمه فريدرك نيتشه ناقش ان وجود الانسان فى حالة خوف و قلق مستمر بيخلق حالة مش الضبابية الفكرية و عدم القدرة على التفكير السليم.. نتيجة الا ذلك بتعيش مدى طويلة فى الحالة (survival mode)

و مش الحروب الى حصلت فى مصر فقط ايضا الحروب ال حصلت فى المنطقة العربية لما المصريين بدائوا فى السفر الى دول الخليج و العراق عادوا الى مصر بفكر الوهابى المتطرف الى فى المقال الجاي هشرح فيه سبب تقديس المصريين للشيوخ و اي انسان يتحدث بإسم دين لكن فى باطنه التجارة بيه

- المقال قد يحتمل الصواب و الخطأ