تعبت عامة و البوست مفهوش محتوى واضح فضفضة عشوائية
انا عايزة يضيفوا ميزة الannonymos على ريديت
حتى لو محدش عارف أنا مين بس still في Access لحسابي و ممكن حد يدخل ع الخاص يضايقني
كان عندي قبل ده حساب و نزلت قصتي على صب تاني معمول أساسا للفضفضة
مكنتش عارفة اشرح و لا احكي كويس حرفيا منزلة البوست الساعة أربعة الفجر كنت حاسة بلا شئ
في الطبيعي أنا بخاف جدا من إن أنا اشتم حد عشان ماخدش ذنبه مش عشان عيب لا عشان بجد بحس التلفظ بالشتيمة نفسه صعب عليا
صحيت لقيت نفسي بتشتم و بتوصم بصفات قذرة فرديت و شتمت شتايم مكنتش بتيجي حتى بيني و بين نفسي و أسلوبي كان وحش فعلا و في حد قالي اقعدي اتناقشي معاه و قلتلها \* اتناقش مع مين قالتلي واضح من أسلوبك إن اللي حصلك مش صدفة ربنا يهديك، ساعتها مكنتش مركزة و قلتلها ربنا يهديني فعلا شكرا ع الدعوة بس خدت بالي من قذارة أول جملة بعدين
واحد تاني اتهمني إني بألف و شتم قمت شتمته و هكذا
القصة كانت باينة تأليف لأنها بشعة جدا و في نفس الوقت أنا مش مرتبة كلامي و مقلتهوش بترتيب زمني محدد و هكذا
و مرة تانية على فيسبوك واحدة قالتلي إني قلبي اسود عشان مش قادرة اسامح و إني شخصية انتقامية و قلبي أسود
لسه شايفة قصة يس ذهب إلى البحر و حسيت إني حرفيا عايزة احضنه و اطبطب عليه و اعتذرله و اعتذر لنفسي عن بشاعة العالم ، حد قالي برضو في تعليقات نفس البوست إن الموضوع بشع جدا و رديت عليه إن في ناس قصصهم أبشع و أنا مع كل المر اللي شفته في حياتي بس لسه الدنيا فيها قسوة تخليني تهون عليا بلوتي لما اشوف بلاوي الناس
أنا من كتر حرفيا ما مش لاقية مكان الناس فيه كويسة بقيت اروح اتفاعل في صبات الملحدين و أنا في البوست ده مش بوصمهم بأي وصم لأني محترمة كل شخص مهما كان اعتقاده
مع ذلك مش حاسة بذلك القدر من الراحة لاني رغم اني برتاح جدا في الكلام معاهم لازم شوية اشخاص ياخدوا الموضوع لدفة الدين
انا اساسا كنت لا دينية / لا أدرية so I played this game before فمش مستنية منك تيجي تشككني لاني شكيت و دورت
مع ذلك انا بحب افكارهم و وجهات نظرهم في موضوعات كتير جدا بعيد عن الدين
حاليا حاسة إن عمري بيفوتني عندي ١٨ سنة و عايزة اجيب شقة و عربية و اشتغل و اسافر و اتجوز و استقل و ازاي هطور نفسي لأن سوق العمل بتاع صيدلة مليان و في نفس الوقت اهلي مش سهل يخلوني انزل تدريبات و كده بره محافظتي و فرصة اني الاقي تدريبات هنا ضعيفة موت يا هتبقى شركات تحت بير السلم
عايزة اتجوز بس خايفة من الاختيار الغلط اللي ممكن يدمر حياتي
نفسي البشر يطوروا آليات تعاطف و رحمة مع غيرهم و مع اللي بيعاني بره دايرة صحابه و قرايبه ده لو تغاضينا عن إن فيه ناس مش بيقدروا حتى يتعاطفوا مع اللي منهم ، الرأسمالية خلتنا آلات من غير مشاعر و جردتنا من إنسانيتنا
بس كده thanks for wasting ur time on me