u/John_wick3333

كنت من فترة عرفت بنت أمريكية من هنا و كنا بنتكلم فترة و قربنا من بعض نوعا ما هي نصها مصري و نصها أمريكي بس متربية في امريكا كانت نزلت مصر 40 يوم و جالها تروما من مصر من اللي حصل معاها ف قررت ترجع امريكا تاني هي حياتها مش احسن حاجة حبيبها اتوفى في حادثة عربية من سنتين ونص تقريبًا و جالها كانسر في الرئة بعدها بسنه من الزعل و لما رجعت امريكا تاني لقت ابوها توفى و بعدها باسبوعين حالتها الصحية بقت اسوأ و الكيماوي مبقاش يجيب نتيجة لأنه الكانسر انتشر في باقي جسمها و بقى الكيماوي كل اللي بيعمله انه ببأخر مدة وفاتها بس ف وقفت علاج و حاليا مستنية يومها يجي و كانت أسلمت لأن حبيبها كان مسلم بس في الفترة دي بقى حتى الدين صعب عليها ف سابت الدين و مرجعتش حتى المسيحية علشان مبقتش مؤمنة بيها هي مؤمنة بالاسلام بس الالتزام في الحجاب و الشرب كان صعب عليها خصوصا ان الشرب بالذات كان زي مسكن للألم بالنسبالها فانا مرضتش اتكلم في الموضوع ده معاها بصراحة علشان موجعهاش اكتر قلت كفاية اللي هي فيه و كنت بدعيلها بس، في يوم كنا بنتكلم و بنهزر وكده و يومها لأول مره توريني صور مامتها في نفس اليوم بليل لقيتها بتقولي انا عايزة ابعد المشكلة مش فيك انت بس انا ليا اسبابي مش عايزاك تزعل مني حاولت افهم منها بس مقالتش السبب و عملت بلوك كان معايا أكونت زميلها اللي متريين سوا كنت بعد شهر بعتله علشان اطمن عليها لأنها كانت المفروض هتروح استراليا علشان تجرب العلاج السريري هناك يمكن يجيب نتيجة ف بعتله سألته و عرفت منه انها لغت رحلة العلاج و بعدها بتلت أسابيع لقيتها فكت البلوك تعتذرلي و شرحتلي هي ليه عملت بلوك بعدها عملت بلوك تاني و كانت اسبابها انها عايزة تفضل الباقي من وقتها مع الناس القريبين منها و انها شايفة ان علاقتنا عمرها ما تنجح لأن عمرنا ما هنتقابل وكده و قالتلي انا مش هقدر اكون صديقة كويسة في الوقت ده ومش عايزة اوجعك او أذييك اتمنى تكون بخير و عملت بلوك تاني احترمت رغبتها و كنت بدعيلها ربنا يهون عليها الايام و التعب وكده و حصل زي ما توقعتوا، بقى فيه جوايا مشاعر ناحيتها معرفش ازاي و ليه و كنت بفكر فيها كتير اوي و نفسي بس عيني تشوفها، البلوك الاخير ده كان في شهر 3 عدى شهرين و بعت للولد ده تاني في اول خمسه يوم واحد في الشهر و كنت قولتله هكون ممتن ليك جدا لو كلامنا ده فضل ما بينا و مروحتش قلت ليها اننا اتكلمنا علشان مش عايزها تقلق او تفكر في حاجة تاني يوم على طول اتفاجئت انها بعتالي بتقولي انت كويس؟ مكنتش فاهم السؤال ف قولتلها انا كويس الحمد لله انتي طمنيني عليكي و قولتلها كمان انا كنت قولتله انه ميقولش ليكي علشان مش عايز اقلقك قالتلي هو مقاليش انا اللي مسكت تلفونه وشوفت الرسالة الله أعلم بقى ده اللي حصل فعلاً والا بتداري عليه علشان متحرجوش قدامي الله اعلم المهم قعدت تسألني عني و عن حياتي و تطمن عليا و حتى سألتني عن سيمبا القط بتاعي و سألتني عن موضوع كنت حاكي ليها عنه انا نفسي كنت نسيت اني حكيت ليها والله ف مش فاهم الإهتمام ده معناه ايه و قالتلي شكراً انك جمبي و معايا و فاجئتني كمان بحاجة اجمل من كل ده قالتلي انا جربت البس اللبس اللي انت قولتلي عليه (كنت قايلها على الحجاب الشرعي) و ورتني كانت لابسه جلباب ابيض كده شبه جلباب الإحرام و خمار ابيض و مفيش شعراية واحدة باينة من شعرها انا اتفاجئت و فرحت اوي و قعدت امدح فيها و اقولها قد ايه هي جميلة بيه علشان احببها فيه و قولتلها تجرب ألوان تانية و وافقت وفي مرة ماما كانت عاملة مكرونة بشاميل وهي عارفة ان دي اكلتي المفضلة ف قولتلها ان ماما عاملاها قالتلي انا نفسي اجربها قولتلها انا بعرف اعملها ايه رأيك في يوم كده اقولك على المكونات و تعمليها بطريقتي بس بايدك قالتلي فكرة جميلة اتفقنا فانا مش فاهم معنى تصرفاتها ده ايه و واقع انها لقدر الله هتموت قريب ده وجعني اوي ومش عارف اعمل ايه بس انا بجد شكلي حبيتها نفسي كان يكون في ايدي حاجة اعملها علشان اشوفها كويسة انا عارف ان مفيش مفر خلاص و اني وقعت على رقبتي مش وشي و حبيتها و عارف اني هدخل على فترة زي الخرا لو لقدر الله حصلها حاجة بس مش عارف امنع نفسي حتى مشاعري بتبان في كل حرف بقوله ليها من غير ما اعترف هي لحد دلوقتي فاكرة اني معجب بيها بس لأني كنت قلت ليها كده في مرة فانا مش عارف اتعامل هل بقى هي كده كده خربانة اتعايش وخلاص والا اعمل ايه و محدش يقولي ابعد علشان مستحيل ابعد عنها في وقت هي محتاجاني فيه