حاسس خطيبتي مش بتحترم اللي بيضايقني
انا وخطيبتي بقالنا شهرين مخطوبين ونعرف بعض من قبل الخطوبة ب ٨ شهور، قبل ما اتعرف عليها كان عندها زمايل ولاد في الدراسة اتنين او تلاته ولما اتعرفت عليها قطعت معاهم احتراما ليا وبطلت تكلم حد حتى لو كلموها بقت بتكرف،
بعد الخطوبة صارحتها ان دي اكتر حاجه بتضايقني فلدنيا هي الولاد وقالتلي تمام بس في وقت الخناق دايما بحس بقلة احترام من ناحيتها
امبارح كانت ماشية وفي ولد من دفعتها واقف في الشارع قامت رنت عليا قالتلي عشان تعمل نفسها مشغولة و ميكلمنيش قولتلها ده مش حل انتي بتتجنبيه المفروض حتى لو كلمك متردش او تقوليله مستعجله او تكسفيه انتي مخطوبة دلوقتي، فبدات تقول كلام يضايق زي انت خانقني ومش لاقي حاجه تتخانق عليها و المهم اعمل اللي يريحك بالطريقة اللي تريحني فقفلت معاها كلام وكنت ناوي اكبر الموضوع لحد ما اختها عملت كول جماعية وسمعت من الطرفين وغلطت اختها وخليتها تعتذر وبنتكلم عادي بس هي ستيل حاسه انها مكانتش غلطانه،
على الرغم من ان شغلانتي فيها بنات كتير ومع ذلك بتجنب اي احتكاك لاجل انها في حياتي حتى لو شغل مع اي زميلة برفضه وبقعد مع صحابي بس، انما هي مش بتقدر وقت ما اكون متضايق وبتعتبره ان عادي متأڤورش ولو العكس حصل بتتخانق عشان مش محترم ان في حاجه بتضايقها، هل احساسي صحيح ولا انا مكبر الموضوع فعلاً