u/JuggernautWitty3334

الصراحة من زمان وانا نكتب في روايات و قصص بسيطة وأغلبها ركيكة الحق ولكن الفترة الي فاتت لما بديت حتى نقرأ أكثر بديت حاب نشارك ونطور من نفسي لعله تكون هواية فيها فائدة.

بس لما دورت عن الموضوع حسيت مافيش أي شيء نوادي أو مجتمعات ولا حتى ملتقيات مرة في الاسبوع أو على الاقل مرة في الشهر، أنا شبه متأكد أنه في هلبا ناس غيري يكتبوا ويخلوا فيهم لنفسهم.

فاياريت لو حد عنده علم على نادي او ملتقى يصير بين فترة وفترة يعطيني معلومات وبنكون شاكر ليه هلبا! او يمكن نحاولوا نديروا واحد لو في ناس مهتمة، وبالنسبة للنشر في النت عندي معاه تجربتين وكلهم زي بعض كأنك تصب في مية في سطل منقوب صعب تحصل حد يقرا ويعطيك رأيه بجد، لكن لو كان كل شيء على الواقع نتائجه بتكون أفضل والتجربة بتكون أمتع.