بتعرفوا شعور لما تكتشفوا شي مو لازم تعرفوه بوقت غلط هاد بالزبط شعوري
​
صحيت الفجر مش عارفة انام
كنت بفكر بعد امتحاناتي الوزارية أرتب ديكور غرفتي ف من الزهق قررت اجيب المتر اتأكد من قياس كم شي
رحت المطبخ ادور المتر بكل مكان ما لقيته
اجيت بدي اطلع لمحت خاتم بالمطبخ
طبعا هاد شي عادي شوي بالنسبة لي اختي بتدرس بالمطبخ (بعرف شي غريب بس هاي عادتها) فكرت أن هي شافت خاتم لامي و كانت تلعب فيه و حطته بالمطبخ
كنت محتارة ارجع الخاتم مكانه عند اكسسوارات امي ولا اخليه اختي ترجعه ومليش دخل
قلت برجعه
أخذته حسيت شكله غريب مبين رجالي
برضو قلت مليش دخل بوديه بسرعة و بكمل ادور المتر بس بالصدفة لمحت نقش جوا الخاتم لقيت فيه حرفين بينهم قلب
وعرفت ان الخاتم فضة و لقيت عليه تاريخ
طبعا الحرفين بعرفش لمين و التاريخ مش شي مميز بعرفه
لبست الخاتم و الصدمة كانت عرفت بسرعة هاد حجم اصبع ابوي عندي خواتم قديمه له هاد حجم إصبعه
و اه الحرف الثاني حرف ابوي بس الحرف الاول لمين
مو حرف اسم امي ولاحد بعرفه
يخوان انا مصدومة صار لي 12 ساعة مفيش شي شاغل بالي غير هالخاتم
المشكلة أن شي مش مستبعد ابوي عنده تاريخ
اكتر من مرة امي عرفت أنه بحكي مع بنات و نسوان
بعرفش لمين احكي
بعرفش شو احكي مش عارفة شو اعمل الموضوع اكل راسي
ابوي جاي بنص عمره يعيش مراهقة متأخرة
بستحيش
كيف امي متحملة
يخوان بدي اعيط شو اعمل