u/Key-Ambassador9364

قانون الأحوال الشخصية رقم 61 لسنة 1976.

المعاشرة بالمعروف

مادة 39

على الزوج أن يحسن معاشرة زوجته وأن يعاملها بالمعروف وعلى المرأة أن تطيع زوجها في الأمور المباحة.

_

قانون العقوبات رقم 16 لسنة 1960

الباب السابع

في الجرائم المخلة بالأخلاق والآداب العامة

الفصل الأول

في الاعتداء على العرض

المادة 292

عقوبة الاغتصاب

1- من واقع بالإكراه أنثى(غير زوجه) يعاقب بالأشغال الشاقة المؤقتة خمس سنوات على الأقل.

2- ولا تنقص العقوبة عن سبع سنوات إذا كان المعتدي عليها لم تتم الخامسة عشرة من عمرها.

----

نعم هاي مصيبة صغيرة من مصايب القوانين بفلسطين. الزوج يحسن والمرأة تطيع.

اسم الفصل نفسه مصيبة. الاعتداء على العرض.

التشديد على "غير زوجه" في القوانين، انتِ زوجته يعني مافي اشي اسمه اغتصاب زوجي 🤢

وبعدين بنلاقي 13% من بنات فلسطين بتزوجوا قبل عمر 18 و 1% منهم قبل عمر 15. - اخر احصائية 2020-

وبنفس الوقت في حراك متخلف اسمه "الحراك الجماهيري لإسقاط سيداو". والحراك هاد نشط كيف مابعرف

لا القانون ولا المجتمع ولا الدين ولا السلطة بتحمي النساء.

قرفت اشوف بوستات ذكورية بكل مكان. خلينا نركز بوضع البلد والاقتصاد قبل ما نحط كل الاهتمام على فئة مهمشة بالمجتمع

شعور قرف وغضب مش طبيعي.

مش بس بحكي لحالي ولصاحباتي ،بحكي لأي امرأة بعرفها بالواقع ، دائما ودائما :ما تتزوجي بفلسطين.

لما القانون بعتبرك اشي تابع للذكر. سواء كنتِ متزوجة او لا. انت ملكية. مش انسان مستقل.

يا بنغير القوانين يا ما بنتزوج.

قصة كتير أثرت فيني ، قبل كم من سنة بالثانوي كنت عادي قرفانة الحياة والدراسة والمجتمع كله ، قطعت كل علاقاتي بالمدرسة تقريبا. اغلب صاحباتي كانوا بمدارس ثانية او برا المدرسة.

بروح لحالي مشي ، باكل علكة لاني بحب اكل علكة ، وبدحش السماعات تحت الحجاب يلي انجبرت البسه من وانا طفلة.

على باب المدرسة يوم من الايام ، وحدة بعرفها وقفتني وحكتلي : خفي علينا يا فايعة.

شو؟ قعدت تشرح كيف حرام وعيب وصياعة انه اروح لحالي مشي وانا بهيك "منظر". وانه قاعد بطلب من الشباب " يتحركشوا" فيني 🤡

مريول مدرسة طويل ، جينز واسع ، سماعة وشنتة ظهر. هاد اللبس يلي لبسته عشان يطلع عني كلمة " شر$%طة" بين بعض البنات.

اخو البنت ، ابن الشيخ ، ابن اكثر معلمة متدينة مع انها معلمة علمي. تحرش ب بنات قدام المدرسة.

اخته وصاحباتها كانوا مرة على الكراسي برا ، وقفت لابسة السماعة بعد ماشريت من الدكانة ، بحكي مع وحدة بعرفها.

الا فجأة بنت الشيخ ، اخت المتحرش ، تحكيلي : وبعدين معك انت؟ متى بدك تبطلي تعلكي بالشارع؟

حكيتلها : ليش خايفة اخوك يتحرش فيني؟ و الsmirk قتلت اشي فيها.

ليش رجعت القصة على البال وحبيت اشاركها؟ لانه مبارح سمعت اخوها انضرب بالشارع من شباب لانه تحرش ب بنات بالشارع🌈💗💅🏾

بعد كل هاي السنين ، اخوها لسى متحرش. وانا لسى بعلك علكة بالشارع لما اطلع.

بس طبعا زي ما حدا من عيلته كتب في بوست على الفيسبوك :الله يهديه.

مافي ريحة أسف او اعتذار للضحايا. بس حكي ديني وتسليك.

النظام الأكاديمي عنا مكسور لدرجة كل قراراتهم عشوائية ومش مرتبة.

امتحان التوجيهي هاي السنة اونلاين بالقاعات وكل واحد على تلقونه/تابلته ، عملولنا جلسة تجريبية قبل كم من يوم...واغلب الاجهزة ما اشتغل عليها الامتحان والنت ضعيف.

قبل شوي كنت صافنة وانا بعمل شاي ، واجتني فكرة/حلم انه يوم من الايام مادة التربية الإسلامية/المسيحية تصير اختيارية ويلي بده يختارها ويلي بده يكبها.

احلام كبيرة بمكان صغير ومكعوش. موفقين يا توجيهي