u/Key-Yellow-6946

عندنا في آخر العمارة ملقف هواء يمر على الغرف الأخيرة من شقق العمارة بالكامل .. هذا الملقف يقوم بتمرير الهواء للأجزاء التي تفتقر للتهوية خصوصاً الغرف البعيدة، المهم الغرفة اللي عند الملقف بحب أنام فيها لأنها تتمتع بمناخ ساحلي مالديڤي ابن دين وسخه، لكن فيها مشكلة بسيطة، إنها ومع كامل الأسف لا تتمتع بأي خصوصية على الإطلاق، فبمجرد الهمس واللمز والحيكي والميكي حتى لو بصوت بسيط وحتى إن كان الشباك مغلقاً، فيجب أن تعتبر وتُدرك أن باقي البهايم من سكان العمارة سامعين انت بتقول إيه أو بتهبب إيه، المهم في أقل من ثلاثة أسابيع بالظبط طلع البدر علينا وجه سكن فوقينا مباشرةً عريس جديد، وعينك ما تشوف إلا النور، هذا العريس الهيجان الشرقان قاعد بيعمل وحايد 24 ساعة مع زوجته التي تمشي على إستحياء وهو لا يدري أن جمهورية مصر العربية معاه في الوحايد، وأنا وباقي الحوش أعضاء عمارتنا الحبيبة حرفياً قاعدين على الكومودينو جنبه على السرير وهو يا حسرتاه لا يدري، حاول بعض جيراني تنبيهه بطريقة ذكية وغير مباشرة، وبقوا بيشغلوا أغاني وڤيديوهات فبنسمعها كلنا وبالتالي المفروض الشبح يستنتج إن زي ما هو سامع ڤيديوهات وأغاني الجار فالجار كمان سامع جهاد النكاح بتاعه، لكن كادَ المريب أن يقول خذوني ولا حياة لمن تنادي، يستمر جاري الجديد في عمل وحايد آلاء الليل وأطراف النهار دون أي إكتراث بخصوصيته التي وبفضل الله تعالى اتهتك عرضها، المشكلة الحقيقية تكمن في شيئين، الأمر الأول إن عندي شغل وحرفياً مش عارف أنام طول الليل بسبب الأووووف والأححححح .. عارف والله إن الوطء حاجة جميلة لكن ممكن يعملها في غرف وأماكن تانية، في حمام ممكن يتزحلق فيه هو وهي عالسراميك، في مطبخ ممكن فوق البوتجاز وأعاهد نفسي أمام الله أنني أنا اللي هتصل بالمطافي تيجي تشيله من عليها، ولو مش فارقة معاه الخصوصية أوي، في بلكونة في الهواء الطلق وهيبقى أحلى واحد يسر الناظرين والتوته هتبقى منها للسماء والنجوم تختال ضاحكةً وميت فل وأربعتاشر بس أهم حاجة يكون بعيد عن كسم المكان اللي بنام فيه عشان بجد عايز أنام، و بعيداً عن الترول، الأمر الأسوأ على الإطلاق إن جاري الحبيب إسمه زي إسمي، وده مخليني محط شك وريبة لدى الجماهير العريضة في عمارتنا، خصوصاً اللي لسا مش عارفين إن الساكن الجديد عريس وإسمه زي إسمي، وذلك رسّخ في عقولهم المريضة أنني والعياذ بالله بجيب نسوان في البيت، وقد بُني هذا الإنطباع بسبب الكلام الجنسي الصريح الذي أخجل عن ذكره والتي تطلبه العروس المصون من الأستاذ الفاضل يعملهولها وهي بتناديه بإسمه، حالياً بدور على حل للموضوع، بحيث مجرحهوش، وفي نفس الوقت أعرف أنام وفي نفس الوقت هو برضو من حقه يعمل واحد ويتبسط والكل يبقى مرضي، فكرت أكتب ورقة وأسيبهاله على العتبة بتاعت الباب لكن مش عارف أكتبله إيه، وخايف تقع في إيد حد من العيال الشقية ولاد الشرموطة .. لا أعلم لكن ما زلت أتدارس الموضوع، والله الموفق والمستعان.